Salmo 146:1-10

  • Tau fiar ba Maromak, laʼós ba ema

    • Bainhira mate, ema nia hanoin sira lakon ona (4)

    • Maromak hametin ema neʼebé kbiit-laek (8)

146  Fó hahiʼi ba Jah!*+ Haʼu sei hahiʼi Jeová ho haʼu-nia laran tomak.+   Haʼu sei hahiʼi Jeová iha haʼu-nia moris tomak. Haʼu sei kanta knananuk hahiʼi nian* ba haʼu-nia Maromak durante haʼu moris hela.   Imi keta tau fiar ba ulun-naʼin sira*Ka ema neʼebé labele lori salvasaun.+   Bainhira nia iis* kotu, nia fila fali ba rai;+Iha loron neʼe kedas mak ninia hanoin sira lakon ona.+   Ksolok ba ema neʼebé husu ajuda husi Jacob nia Maromak,*+Neʼebé tau esperansa ba ninia Maromak Jeová,+   Kriadór ba lalehan, rai, tasiNo buat hotu neʼebé iha laran,+Ida neʼebé sempre laran-metin,+   Ida neʼebé hametin justisa ba sira neʼebé ema hamatak,Ida neʼebé fó paun ba ema neʼebé hamlaha.+Jeová halo livre ema dadur sira.*+   Jeová loke ema matan-delek nia matan;+Jeová hametin ema neʼebé kbiit-laek;+Jeová hadomi ema laran-loos.   Jeová proteje ema estranjeiru;Nia apoia oan-kiak* no feto-faluk sira,+Maibé nia estraga ema aat nia planu.*+ 10  Jeová sei sai Liurai ba nafatin,+Oh Siaun, ó-nia Maromak sei sai Liurai husi jerasaun ba jerasaun. Fó hahiʼi ba Jah!*

Nota-rodapé

Ka “Aleluia”. “Ia” ka “Jah” mak naran badak ba Jeová.
Ka “halo múzika”.
Ka “ema-boot sira”.
Ka “espíritu”. Haree “Ruah” iha Glosáriu.
Ka “ema neʼebé ninia ajuda-naʼin mak Jacob nia Maromak”.
Orj., “ema neʼebé kesi metin ona”.
Ka “labarik neʼebé la iha aman”.
Ka “nia halo kleʼuk ema aat nia dalan”.
Ka “Aleluia”. “Ia” ka “Jah” mak naran badak ba Jeová.