Salmo 36:1-12
Ba dirijente. Jeová nia atan David nia knananuk.
36 Ema aat nia hanoin lori nia ba sala;*Nia la hatene atu hamtaʼuk Maromak.+
2 Tanba nia hanoin katak nia mak importante liuToʼo nia la haree no la odi ninia sala sira.+
3 Liafuan husi nia ibun mak kona-ba halo hahalok aat no bosok;Nia la iha matenek hodi halo buat neʼebé diʼak.
4 Nia sempre halo planu aat maski iha ninia toba-fatin.
Nia laʼo iha dalan neʼebé la diʼak;Nia la hasees an husi buat neʼebé aat.
5 Oh Jeová, Ita-nia domin neʼebé laran-metin aas tebes toʼo lalehan,+No Ita-nia laran-metin aas toʼo kalohan sira.
6 Ita-nia hahalok loos mak hanesan foho sira neʼebé kmanek;*+Ita-nia tesi-lia mak hanesan bee barak neʼebé kleʼan.+
Oh Jeová, Ita salva ema no mós animál sira.+
7 Oh Maromak, Ita-nia domin neʼebé laran-metin mak folin-boot tebes!+
Ema buka protesaun iha Ita-nia liras okos.+
8 Sira hemu buat neʼebé diʼak liu iha Ita-nia uma toʼo bosu,+No Ita halo sira hemu husi Ita-nia mota ksolok nian.+
9 Ita mak hun ba moris;+Tanba naroman husi Ita mak ami bele haree naroman.+
10 Favór ida, kontinua hatudu domin neʼebé laran-metin ba ema neʼebé koñese Ita,+No hatudu Ita-nia hahalok loos ba ema neʼebé laran-loos.+
11 Keta husik ema loko an nia ain atu sama haʼu;Keta husik ema aat nia liman atu duni sai haʼu.
12 Haree bá, ema neʼebé halo sala monu ona;Ita halo sira monu no labele hamriik fali.+