Salmo 34:1-22
David nia knananuk, iha tempu neʼebé nia halo nia an hanesan ema bulak+ iha Abimelec nia oin, no Abimelec duni sai nia, no nia bá.
א [Alef]
34 Haʼu sei hahiʼi Jeová iha tempu hotu;Haʼu sei la para atu hahiʼi nia ho haʼu-nia ibun.
ב [Bet]
2 Haʼu sei koʼalia kona-ba Jeová ho orgullu;+Ema laran-maus sira sei rona no haksolok.
ג [Gimel]
3 Fó glória ba Jeová hamutuk ho haʼu;+Mai ita hamutuk hahiʼi ninia naran.
ד [Dalet]
4 Haʼu harohan ba Jeová, no nia hatán haʼu.+
Nia salva ona haʼu husi buat hotu neʼebé halo haʼu taʼuk.+
ה [Hei]
5 Ema neʼebé tau fiar ba nia sei sai kontente;Sira sei la hetan moe.
ז [Zain]
6 Ema kbiit-laek bolu Jeová, no nia rona.
Nia salva ona ema neʼe husi ninia susar hotu.+
ח [Hetes]
7 Jeová nia anju proteje* sira neʼebé hamtaʼuk Nia,+No nia salva sira.+
ט [Tet]
8 Koko no haree katak Jeová mak diʼak;+Ksolok ba ema neʼebé buka protesaun husi nia.
י [Iod]
9 Hamtaʼuk Jeová bá, imi hotu neʼebé sai ninia povu santu,Tanba sira neʼebé hamtaʼuk nia sei la falta buat ida.+
כ [Kaf]
10 Leaun-aman neʼebé forte mós bele sai hamlaha,Maibé sira neʼebé buka Jeová sei la falta buat diʼak ida.+
ל [Lamed]
11 Haʼu-nia oan sira, mai, rona mai haʼu;Haʼu sei hanorin imi kona-ba oinsá hamtaʼuk Jeová.+
מ [Mem]
12 Iha imi-nia leet, sé mak hadomi morisNo hakarak haree loron barak neʼebé diʼak?+
נ [Nun]
13 Entaun kontrola ó-nia nanál hodi la koʼalia buat aat,+No ó-nia ibun hodi la koʼalia lia-bosok.+
ס [Samek]
14 Hasees an husi buat neʼebé aat no halo buat neʼebé diʼak;+Buka dame no halo dame bá.+
ע [Ain]
15 Jeová nia matan hateke ba ema laran-loos sira,+No nia see tilun ba sira-nia halerik atu husu ajuda.+
פ [Pei]
16 Maibé Jeová fila kotuk ba sira neʼebé halo buat aat,Nia sei halakon sira husi rai no ema ida mós sei la hanoin-hetan tan sira.+
צ [Sade]
17 Ema laran-loos sira halerik, no Jeová rona sira;+Nia salva sira husi sira-nia susar hotu.+
ק [Kof]
18 Jeová besik ema sira neʼebé laran-kanek;*+Nia salva sira neʼebé laran-triste.*+
ר [Reix]
19 Ema laran-loos hetan susar barak,+Maibé Jeová salva nia husi susar sira-neʼe hotu.+
ש [Xin]
20 Nia proteje ema laran-loos nia ruin sira hotu;La iha ida mak tohar.+
ת [Tau]
21 Dezastre sei halo mate ema aat;Sira neʼebé odi ema laran-loos sei hatán ba sira-nia sala.
22 Jeová sei salva* ninia atan sira-nia moris;Nia sei la duun sala ba ema hotu neʼebé buka protesaun husi nia.+
Nota-rodapé
^ Ka “harii tenda haleʼu”.
^ Ka “terus iha laran”.
^ Ka “neon-susar”.
^ Orj., “sosa fali”.
