Salmo 23:1-6
David nia knananuk.
23 Jeová mak haʼu-nia Bibi-Atan.+
Haʼu sei la falta buat ida.+
2 Nia husik haʼu deskansa iha fatin neʼebé nakonu ho duʼut matak;Nia lori haʼu ba fatin neʼebé iha bee barak* atu deskansa.+
3 Nia fó kmaan mai haʼu.+
Nia lori haʼu hodi laʼo iha dalan loos* sira tanba ninia naran.+
4 Maski haʼu laʼo iha foho-leet neʼebé nakukun tebes,+Haʼu la taʼuk kona-ba perigu sira,+Tanba Ita hamutuk ho haʼu;+Ita-nia ai-tonka bibi-atan nian mak halo haʼu-nia laran hakmatek.*
5 Ita prepara meza ida ba haʼu iha haʼu-nia inimigu nia oin.+
Ita tau* mina ba haʼu-nia ulun hodi fó kmaan ba haʼu;+Ita halo haʼu-nia kopu sai nakonu loos.+
6 Ita-nia laran-diʼak no domin neʼebé laran-metin sei nafatin hamutuk ho haʼu iha haʼu-nia moris tomak,+No haʼu sei hela iha Jeová nia uma iha haʼu-nia moris tomak.+
Nota-rodapé
^ Ka karik “bee neʼebé hakmatek”.
^ Ka “hodi halo buat loos”.
^ Ka “fó kmaan ba haʼu”.
^ Ka “kose”.