Faarfannaa 41:1-13
Geggeessaa muuziqaatiif. Faarfannaa Daawit.
41 Namni rakkataadhaaf yaadu gammadaa dha;+Yihowaan guyyaa rakkinaatti isa ni oolcha.
2 Yihowaan isa eega, lubbuudhaanis isa jiraachisa.
Inni gammadaa akka taʼe lafa irratti ni dubbatama;+Atis matumaa fedhii* diinota isaatti dabarsitee isa hin kennitu.+
3 Siree dhukkubsatee irra ciisu irratti Yihowaan isa kunuunsa;+Yeroo dhukkubsatee jirutti iddoo ciisichaa isaa guutummaatti isaaf ni jijjiirta.
4 Ani, “Yaa Yihowaa, gaarummaa natti argisiisi.+
Si irratti cubbuu waanan hojjedheef+ na* fayyisi”+ nan jedhe.
5 Diinonni koo garuu,“Inni yoom duʼa? Maqaan isaa hoo lafa irraa yoom bada?” jedhanii waaʼee koo wanta hamaa dubbatu.
6 Isaan keessaa inni tokko na ilaaluuf yommuu dhufu, garaan isaa soba dubbata.
Dubbii nama miidhu walitti qabata;Achiis gad baʼee wanta sana alatti babalʼisa.
7 Warri na jibban hundi walitti ni asaasu;Akkana jedhaniis wanta hamaa na irratti yaadu:
8 “Wanti sodaachisaan isa irra gaʼeera;Inni kufeera, deebiʼees hin kaʼu.”+
9 Namni naa wajjin nagaa qabu, inni ani itti amanamu,+Inni nyaata koo nyaachaa ture koomee isaa ana irratti kaaseera.*+
10 Ati garuu yaa Yihowaa, gatii akkan isaaniif deebisuuf,Gaarummaa natti argisiisi, olis na qabi.
11 Diinonni koo yommuu miira injifannootiin na irratti iyyuu dadhabanitti,+Natti gammaduu kee kanaan nan beeka.
12 Amanamummaa kootiin kan kaʼe ol na qabda;+Bara baraaf of dura na jiraachista.+
13 Yihowaan Waaqni Israaʼel,Baraa hamma bara baraatti haa jajamu.+
Ameen, Ameen.
Miiljaleewwan
^ Ykn., “hawwii; lubbuu.” Ibsa Jechootaa ilaali.
^ Ykn., “lubbuu koo.”
^ Ykn., “natti garagaleera.”