Faarfannaa 31:1-24
Geggeessaa muuziqaatiif. Faarfannaa Daawit.
31 Yaa Yihowaa, ani sitti kooluu galeera.+
Matumaa qaaniin na irra hin gaʼin.+
Qajeelummaa keetiin kan kaʼe na oolchi.+
2 Gurra kee natti qabi.*
Na oolchuuf dafii kottu.+
Ana oolchuudhaaf dahoo gaaraa,Iddoo dallaa dhagaa qabus naaf taʼi.+
3 Ati kattaa koo fi dahoo koo ti;+Maqaa keetiif jettee+ na geggeessita, na qajeelchitas.+
4 Ati dahoo koo waan taateef,+Saaphana isaan dhoksaatti naaf diriirsan jalaa bilisa na baasta.+
5 Hafuura koo imaanaadhaan harka keetti nan kennadha.+
Waaqa dhugaa* kan taate yaa Yihowaa,+ ati na furteetta.
6 Warra waaqolii tolfamoo gatii hin qabne waaqeffatan nan jibba,Ani garuu Yihowaatti nan amanama.
7 Ati rakkina koo waan argiteef,+Jaalala kee isa amanamaatti guddaa nan gammada;Ati dhiphina koo isa cimaa* beekta.
8 Ati harka diinaatti dabarsitee na hin kennine,Kanaa mannaa, bakka balaa irraa walaba* taʼe irra na dhaabdeetta.
9 Yaa Yihowaa, dhiphina keessa waanan jiruuf, gaarummaa natti argisiisi.
Dhiphinni ija koo, guutummaa qaama kootiis* dadhabsiiseera.+
10 Jireenyi koo gaddaan dhumeera,+Waggoonni koos aaduudhaan kan kaʼe gabaabbataniiru.+
Dogoggora kootiin kan kaʼe jabinni koo laafeera;Lafeewwan koos dadhabaniiru.+
11 Diinonni koo hundi,Keessumaa immoo olloonni koo na tuffataniiru.+
Michoonni koo na sodaatan;Yommuu addabaabayiitti na argan, na irraa baqatu.+
12 Ani akka nama duʼeetti sammuu* isaanii keessaa baʼeera, irraanfatameeras;Ani akka hubboo* cabaa taʼeera.
13 Jette jettee hamaa hedduu dhagaʼeera;Naasuun natti marseera.+
Isaan tokko taʼanii yommuu na irratti walitti qabaman,Lubbuu koo balleessuuf mala qopheessu.+
14 Yaa Yihowaa, ani garuu sittan amanama.+
“Ati Waaqa koo ti”+ jedhee nan labsa.
15 Guyyoonni* koo si harka jiru.
Harka diinota koo fi harka warra na ariʼatanii irraa na oolchi.+
16 Fuulli kee tajaajilaa kee irratti akka ifu godhi.+
Jaalala kee isa amanamaadhaan na oolchi.
17 Yaa Yihowaa, yommuun si waammadhu na hin qaanessin.+
Hamoonni haa qaanaʼan;+Awwaala* keessattis cal haa jechisiifaman.+
18 Warri sobduun,Warri of tuulummaa fi tuffiidhaan isa qajeelaa irratti dubbatan arrabni isaanii haa xaxamu.+
19 Gaarummaan kee akkam baayʼee dha!+
Ati warra si sodaataniif isa keesseetta;+Warra sitti kooluu galaniif jettees, gaarummaa kee namoota hundumaa duratti argisiisteetta.+
20 Ati haxxummaa namootaa jalaa,Iddoo dhokataa si bira jiru keessa isaan dhoksita;+Ati haleellaa hamaa* jalaa,Gaaddisa kee keessatti isaan golgita.+
21 Magaalaa marfamte keessatti+ karaa dinqisiisaa taʼeen jaalala isaa isa amanamaa waan natti argisiiseef,+Yihowaan haa jajamu.
22 Ani naʼee,“Si duraa nan balleeffama”+ jedheen ture.
Ati garuu gara keetti yommuun iyyadhu, kadhata ani gargaarsa argachuuf dhiheesse ni dhageesse.+
23 Warri isaaf amanamoo taatan hundi Yihowaa jaalladhaa!+
Yihowaan warra amanamoo taʼan ni eega,+Nama of tuulummaa argisiisu kam iyyuu garuu akka malee ni adaba.+
24 Warri Yihowaa eeggattan hundi,+Onnadhaa, garaan keessanis cimaa haa taʼu.+
Miiljaleewwan
^ Ykn., “Gad jedhii na dhaggeeffadhu.”
^ Ykn., “amanamaa.”
^ Ykn., “dhiphina lubbuu kootii.”
^ Ykn., “iddoo balʼaa.”
^ Ykn., “lubbuu koo fi garaa koos.”
^ Ykn., “okkotee.”
^ Ykn., “garaa.”
^ Kal., “Yeroowwan.”
^ Ykn., “Siʼool,” jechuunis, bakka ilmaan namootaa hundi itti awwaalaman. Ibsa Jechootaa ilaali.
^ Kal., “lola arrabaa.”
