Faarfannaa 10:1-18
ל [Laamed]
10 Yaa Yihowaa, maaliif fagoo dhaabbatta?
Yeroo dhiphina keenyaatti maaliif dhokatta?+
2 Inni hamaan of tuulummaadhaan isa gargaarsa hin qabne ni ariʼa,+Taʼus inni maluma qopheesseen ni qabama.+
3 Sababiin isaas, inni hamaan fedhii ofittummaa* isaatiin of jaja,+Isa sassattuu taʼes ni eebbisa;*נ [Nuun]Inni Yihowaa tuffata.
4 Namni hamaan of tuulummaa isaatiin kan kaʼe qorannaa hin godhu;Yaada isaa guutuudhaan, “Waaqayyo hin jiru”+ jedha.
5 Wanta godhu irratti milkaaʼina ni argata,+Murtiiwwan kee garuu hubannaa isaatii oli dha;+Inni diinota isaa hundumaatti qoosa.*
6 Garaa isaatti, “Ani matumaa hin raafamu;*Dhalootaa hamma dhalootaatti
Ani matumaa badiisa hin argu”+ jedhee yaada.
פ [Pee]
7 Afaan isaa abaarsaan, sobaa fi dorsisaan kan guutame dha;+Arraba isaa jalas rakkinaa fi miidhaatu jira.+
8 Inni gandeen biratti riphee eeggata;Iddoo dhokannaa isaa keessa taʼees nama balleessaa hin qabne ni ajjeesa.+
ע [Ayiin]
Ijji isaa isa nama gaddisiisu sana miidhuuf ilaallata.+
9 Akkuma leenca holqa* isaa keessa jiruutti, iddoo dhokannaa isaa keessa taʼee eeggata.+
Inni isa gargaarsa hin qabne qabachuuf eeggata.
Isa gargaarsa hin qabne kiyyoo isaa keessa galchee qabata.+
10 Inni qabame ni caccaba, gadis ni buufama;Warri nama gaddisiisanis harka isaa* keessa buʼu.
11 Garaa isaatti, “Waaqayyo irraanfateera.+
Fuula isaa garagalcheera.
Matumaas hin hubatu”+ jedha.
ק [Qoof]
12 Yaa Yihowaa, kaʼi.+ Yaa Waaqayyo, harka kee ol kaasi.+
Warra gargaarsa hin qabne hin irraanfatin.+
13 Namni hamaan Waaqayyoon kan tuffatu maaliifi?
Inni garaa isaatti, “Ati akkan itti gaafatamu hin gootu” jedha.
ר [Reesh]
14 Taʼus ati rakkinaa fi dhiphina ni argita.
Ilaaltees furmaata ni kennita.+
Inni nama gaddisiisu gara keetti garagala;+Ati mucaa abbaa hin qabne* ni gargaarta.+
ש [Shiin]
15 Yommuu hammina isaa barbaadduttiSana booda akka isa hin arganneef,Irree nama jalʼaa fi irree nama hamaa cabsi.+
16 Yihowaan baraa hamma bara baraatti Mootii dha.+
Saboonni lafa irraa badaniiru.+
ת [Taaw]
17 Yaa Yihowaa, ati garuu gaaffii garraamotaa ni dhageessa.+
Garaa isaanii ni cimsita,+ xiyyeeffannaas isaaniif ni kennita.+
18 Namni lafa irraa inni duʼu sana booda akka isaan hin sodaachisneef,+Ati mucaa abbaa hin qabnee fi warra caccabaniif haqaan ni murteessita.+
Miiljaleewwan
^ Ykn., “fedhii lubbuu.”
^ Ykn tarii, “Inni sassattuunis of ni eebbisa.”
^ Ykn., “of bokoksa.”
^ Ykn., “hin gatantaru.”
^ Ykn., “bosona.”
^ Ykn., “qeensa isaa isa cimaa.”
^ Ykn., “warri jalaa duʼan.”
