အခန်း ဆယ့်တစ်
သူ စောင့်ကြည့်ပြီး စောင့်မျှော်ခဲ့
၁၊ ၂။ ဧလိယဟာ သူ မလုပ်ချင်တဲ့ ဘယ်အလုပ်ကို လုပ်ရမလဲ။ သူနဲ့ အာဟပ် ဘယ်လို ကွာခြားသလဲ။
ဧလိယဟာ တစ်ယောက်တည်းနေပြီး ကောင်းကင်ဖခင်ဆီ ဆုတောင်းချင်တယ်။ ဒါပေမဲ့ လူအုပ်က ခုနကပဲ ကောင်းကင်ကနေ မီးကျအောင် ဒီသစ္စာရှိပရောဖက် ဆုတောင်းခဲ့တာကို တွေ့လိုက်လို့ သူ့ကို မျက်နှာလိုမျက်နှာရ လုပ်ချင်နေကြတယ်။ ဧလိယဟာ ကရမေလတောင်ပေါ်ကို တက်ပြီး ယေဟောဝါဘုရားဆီ သီးသန့် ဆုမတောင်းခင် သူ မလုပ်ချင်တဲ့အလုပ် တစ်ခုကို လုပ်ရဦးမယ်။ အဲဒါကတော့ ဘုရင်အာဟပ်နဲ့ စကားပြောရမယ်။
၂ သူတို့နှစ်ယောက်က အရမ်းကွာခြားတယ်။ အကောင်းဆုံး အဝတ်အစားတွေ ဝတ်ဆင်ထားတဲ့ ဘုရင်အာဟပ်ဟာ လောဘကြီးသူ၊ စိတ်ပျော့ညံ့ပြီး အယူဖောက်ပြန်သူ ဖြစ်တယ်။ ဧလိယကတော့ တိရစ္ဆာန်သားရေ ဒါမှမဟုတ် ကုလားအုတ်မွေး၊ ဆိတ်မွေးနဲ့ ရက်ထားတဲ့ ပရောဖက်ဝတ်ရုံ ရိုးရိုးလေးကို ဝတ်ဆင်ထားတယ်။ သူဟာ အရမ်းသတ္တိရှိသူ၊ သစ္စာရှိပြီး ယုံကြည်ခြင်း ခိုင်ခံ့သူ ဖြစ်တယ်။ အဲဒီလူနှစ်ယောက်ရဲ့ စရိုက် ကွာခြားကြောင်း ထင်ရှားပေါ်လွင်တဲ့နေ့ ကုန်ဆုံးတော့မယ်။
၃၊ ၄။ (က) အာဟပ်နဲ့ ဗာလ ဝတ်ပြုသူတွေအတွက် ဘာကြောင့် စိတ်ပျက်စရာနေ့တစ်နေ့ ဖြစ်ခဲ့သလဲ။ (ခ) ဘယ်မေးခွန်းတွေကို သုံးသပ်ကြမလဲ။
၃ အဲဒီနေ့ဟာ အာဟပ်နဲ့ ဗာလ ဝတ်ပြုသူတွေအတွက် စိတ်ပျက်စရာ နေ့တစ်နေ့ပါပဲ။ အစ္စရေး ဆယ်နွယ်နိုင်ငံမှာ အာဟပ်နဲ့ မိဖုရားယေဇဗေလတို့ အားပေးအားမြှောက် လုပ်နေတဲ့ အယူမှားဝတ်ပြုရေးဟာ အကြီးအကျယ် ထိုးနှက်ခံလိုက်ရပြီ။ ဗာလဟာ အလိမ်အညာသက်သက်သာ ဖြစ်ကြောင်း ဖော်ထုတ်ခံခဲ့ရတယ်။ အဲဒီသက်မဲ့ဘုရားဟာ သူ့ရဲ့ပရောဖက်တွေ အော်ဟစ်၊ ကခုန်၊ ကိုယ်ခန္ဓာ သွေးထွက်အောင်လုပ်ပြီး အသနားခံခဲ့တာတောင်မှ မီးလေးတစ်စကို မကျစေနိုင်ခဲ့ဘူး။ အဲဒီအပြင် သေဒဏ်ခံထိုက်တဲ့ ဗာလ ပရောဖက် ၄၅၀ ကို သူ မကာကွယ်ပေးနိုင်ခဲ့ဘူး။ မှားယွင်းတဲ့ ဒီဘုရား မလုပ်ပေးနိုင်တာ နောက်တစ်ခုရှိသေးတယ်။ အဲဒါကို ယေဟောဝါဘုရား မကြာခင် လုပ်ပေးတော့မယ်။ မိုးခေါင်လို့ တစ်တိုင်းပြည်လုံး ဒုက္ခရောက်နေတာကို အဆုံးသတ်ပေးဖို့ ဗာလ ပရောဖက်တွေ သူတို့ဘုရားဆီ အသနားခံနေတာ သုံးနှစ်ကျော်နေပြီ။ ဒါပေမဲ့ ဗာလက ဘာမှ မလုပ်ပေးနိုင်ဘူး။ မကြာခင်မှာ ယေဟောဝါဘုရားဟာ မိုးခေါင်နေတာကို အဆုံးတိုင်စေပြီး စစ်မှန်တဲ့ ဘုရားသခင်ဖြစ်ကြောင်း သက်သေထူပါတော့မယ်။—၁ ဘု. ၁၆:၃၀–၁၇:၁။ ၁၈:၁-၄၀။
၁ ဘုရင်များ ၁၈:၄၁-၄၆ ကိုဖတ်ပါ။
၄ ဒါပေမဲ့ ဘယ်အချိန်မှာ ယေဟောဝါဘုရား မိုးရွာစေမှာလဲ။ ယေဟောဝါဘုရားကို စောင့်မျှော်နေတုန်း ဧလိယ ဘာလုပ်မလဲ။ ဒီသစ္စာရှိပရောဖက်ဆီကနေ ဘာသင်ယူနိုင်သလဲဆိုတာ သုံးသပ်ကြည့်ရအောင်။—ဆုတောင်းတဲ့အကျင့် ရှိသူ
၅။ ဘာလုပ်ဖို့ အာဟပ်ကို ဧလိယ ပြောသလဲ။ အဲဒီနေ့ရဲ့ အဖြစ်အပျက်တွေကနေ အာဟပ် ဘာ သင်ယူခဲ့ပုံရှိသလဲ။
၅ ဧလိယဟာ အာဟပ်ဆီသွားပြီး “တက်သွားပြီး စားသောက်ပါ။ သဲကြီးမဲကြီးရွာချမယ့် မိုးသံတွေကြားနေရတယ်” လို့ ပြောတယ်။ ဒီမင်းဆိုးဟာ အဲဒီနေ့ရဲ့ အဖြစ်အပျက်တွေကနေ ဘာသင်ခန်းစာ ရခဲ့သလဲ။ မှတ်တမ်းက အတိအကျ မဖော်ပြပေမဲ့ သူနောင်တရတာ၊ ယေဟောဝါဘုရားရဲ့ ခွင့်လွှတ်မှုရဖို့ ဆုတောင်းပေးပါလို့ ပရောဖက်ကို အကူအညီတောင်းတာ မတွေ့ရဘူး။ အဲဒီအစား အာဟပ်ဟာ “စားသောက်ဖို့ တက်သွားတယ်” လို့ပဲ ဖော်ပြထားတယ်။ (၁ ဘု. ၁၈:၄၁၊ ၄၂) ဧလိယကော ဘာလုပ်သလဲ။
၆၊ ၇။ ဘာအတွက် ဧလိယ ဆုတောင်းခဲ့သလဲ။ ဘာကြောင့်လဲ။
၆ “ဧလိယက ကရမေလတောင်ထိပ်ကို တက်သွားတယ်။ ဒူးထောက်ပြီး မြေပေါ်ပျပ်ဝပ်လိုက်တဲ့အတွက် မျက်နှာက ဒူးကြားမှာ ရောက်နေတယ်။” စားသောက်ဖို့ အာဟပ် ထွက်သွားချိန်မှာ ဧလိယက ကောင်းကင်ဖခင်ဆီ ဆုတောင်းဖို့ အခွင့်အရေး ရခဲ့တယ်။ နှိမ့်ချမှုပြတဲ့ ဧလိယရဲ့ အနေအထားကို သတိပြုပါ။ သူဟာ ဒူးထောက်ပြီး မြေပေါ် ပျပ်ဝပ်လိုက်တဲ့အတွက် သူ့မျက်နှာယာကုပ် ၅:၁၈ မှာဖော်ပြထားတယ်။ ကရမေလတောင်ပေါ်မှာ ဆုတောင်းခဲ့တာ ဖြစ်ရမယ်။
က ဒူးကြားမှာ ရောက်နေတယ်။ ဧလိယ ဘာလုပ်နေတာလဲ။ ခန့်မှန်းနေစရာ မလိုပါဘူး။ ဧလိယဟာ မိုးရွာချပေးဖို့ ဆုတောင်းတယ်လို့၇ ယေဟောဝါက “မြေပေါ်မှာ ငါမိုးရွာစေ” မယ်လို့ အစောပိုင်းက မိန့်ဆိုခဲ့တယ်။ (၁ ဘု. ၁၈:၁) ဒါကြောင့် ဘုရားသခင့် အလိုတော်ပြည့်စုံဖို့ ဧလိယ ဆုတောင်းခဲ့တာဖြစ်တယ်။ နောက်နှစ်ပေါင်း တစ်ထောင်လောက်အကြာမှာ ယေရှုလည်း သူ့နောက်လိုက်တွေကို အဲဒီလိုပဲ ဆုတောင်းဖို့ သင်ပေးခဲ့တယ်။—မ. ၆:၉၊ ၁၀။
၈။ ဆုတောင်းခြင်းအကြောင်း ဧလိယဆီကနေ ဘာသင်ယူနိုင်သလဲ။
၈ ဧလိယဆီကနေ ဆုတောင်းခြင်းအကြောင်း အများကြီး သင်ယူနိုင်ပါတယ်။ ဧလိယရဲ့ စိတ်ထဲမှာ ဘုရားသခင်ရဲ့ အလိုတော် ပြည့်စုံဖို့က အရေးကြီးဆုံးပဲ။ ကျွန်တော်တို့ ဆုတောင်းတဲ့အခါ “အလိုတော်နဲ့အညီ ဆုတောင်းမယ်ဆိုရင် ဘုရား နားထောင်မယ်” ဆိုတာ သတိရပါ။ (၁ ယော. ၅:၁၄) ရှင်းနေတာက ကိုယ့်ဆုတောင်းချက်ကို ဘုရားသခင် နားထောင်စေချင်ရင် အလိုတော်ကို သိဖို့လိုတယ်။ ဒါကြောင့် ကျမ်းစာကို နေ့တိုင်း လေ့လာသင့်တယ်။ မိုးခေါင်နေလို့ ဧလိယရဲ့ ဇာတိမြေကလူတွေ ဒုက္ခရောက်နေတဲ့အတွက် မိုးရွာတာကို သူမြင်ချင်မှာပဲ။ အဲဒီနေ့ အစောပိုင်းက ယေဟောဝါဘုရား လုပ်ပေးခဲ့တဲ့ အံ့ဖွယ်အမှုကို မြင်ခဲ့ရလို့ သူ သိပ်ကျေးဇူးတင်နေမှာပါ။ အဲဒီလိုပဲ ဆုတောင်းတဲ့အခါ တခြားသူရဲ့ အကျိုးကို လိုလားတယ်၊ လှိုက်လှိုက်လှဲလှဲ ကျေးဇူးတင်တယ်ဆိုတာကို ထည့်တောင်းသင့်တယ်။—၂ ကောရိန္သု ၁:၁၁။ ဖိလိပ္ပိ ၄:၆ တို့ကိုဖတ်ပါ။
ယုံကြည်စိတ်ချမှုရှိရှိ ဂရုတစိုက် စောင့်ကြည့်နေ
၉။ သူ့နောက်လိုက်ကို ဧလိယ ဘာလုပ်ခိုင်းသလဲ။ သူ့ရဲ့ ဘယ်အရည်အသွေး နှစ်ခုကို သုံးသပ်ကြမလဲ။
၉ ယေဟောဝါဘုရား မိုးရွာစေမယ်ဆိုတာ ဧလိယ ယုံကြည်စိတ်ချပေမဲ့ ဘယ်အချိန်မှာ မိုးရွာစေမယ်ဆိုတာ အသေအချာမသိဘူး။ ဒီတော့ အဲဒီအတောအတွင်း ပရောဖက်က ဘာလုပ်နေသလဲ။ မှတ်တမ်းက “သူ့နောက်လိုက်ကို ‘တက်သွားပြီး ပင်လယ်ဘက်ကို လှမ်းကြည့်ပါ’ လို့ပြောတော့ နောက်လိုက်က တက်ကြည့်ပြီးနောက် ‘ဘာမှမတွေ့ပါဘူး’ လို့ပြောတယ်။ ဧလိယက ‘ပြန်သွားကြည့်ဦး’ ဆိုပြီး ခုနစ်ကြိမ်ခိုင်းတယ်။” (၁ ဘု. ၁၈:၄၃) ဧလိယရဲ့ စံနမူနာကနေ အနည်းဆုံး အချက်နှစ်ချက် သင်ယူနိုင်ပါတယ်။ ပထမ၊ ပရောဖက်ရဲ့ ယုံကြည်စိတ်ချမှု ဖြစ်တယ်။ ဒုတိယ၊ ဂရုတစိုက် စောင့်ကြည့်တတ်တာ ဖြစ်တယ်။
ယေဟောဝါဘုရား အရေးယူ ဆောင်ရွက်တော့မယ်ဆိုတဲ့ လက္ခဏာကို ဧလိယ တစ်ချိန်လုံး စောင့်ကြည့်နေ
၁၀၊ ၁၁။ (က) ယေဟောဝါဘုရားရဲ့ ကတိကို ယုံကြည်စိတ်ချကြောင်း ဧလိယ ဘယ်လို ပြခဲ့သလဲ။ (ခ) ကျွန်တော်တို့လည်း ဘာကြောင့် အဲဒီလို ယုံကြည်စိတ်ချနိုင်သလဲ။
၁၀ ဧလိယဟာ ယေဟောဝါပေးတဲ့ ကတိကို ယုံကြည်စိတ်ချလို့ ဘုရားလုပ်ဆောင်တော့မယ့် အထောက်အထားကို သူ တစ်ချိန်လုံး စောင့်ကြည့်နေတယ်။ ဒါကြောင့် သူ့နောက်လိုက်ကို မိုးရွာတော့မယ့်လက္ခဏာ ရှိမရှိ ကုန်းမြင့်ပေါ် တက်ကြည့်ခိုင်းတာ ဖြစ်တယ်။ ဒါပေမဲ့ ပြန်ရောက်လာတဲ့အခါ “ဘာမှမတွေ့ပါဘူး” ဆိုတဲ့ အားမရှိစရာ သတင်းကိုပဲ ပေးတယ်။ မိုးကုပ်
စက်ဝိုင်းဟာ ကြည်လင်နေပြီး ကောင်းကင်မှာ တိမ်ကင်းစင်နေတယ်။ ဒီမှာ ထူးခြားချက်တစ်ခုကို သတိပြုမိသလား။ ဧလိယက ဘုရင်အာဟပ်ကို “သဲကြီးမဲကြီးရွာချမယ့် မိုးသံတွေကြားနေရတယ်” လို့ အခုလေးတင်ပဲ ပြောခဲ့တယ်။ မိုးသားတိမ်လိပ်တွေကို မတွေ့ဘဲနဲ့ ဘာကြောင့် အဲဒီလို ပြောနိုင်သလဲ။၁၁ ယေဟောဝါဘုရားရဲ့ ကတိကို ဧလိယ သိထားတယ်။ ယေဟောဝါဘုရားရဲ့ ပရောဖက်ရော ကိုယ်စားလှယ် တစ်ယောက်အနေနဲ့ပါ သူ့ဘုရားရဲ့စကား တကယ် ပြည့်စုံလာမယ်ဆိုတာ သူ ယုံကြည်စိတ်ချတယ်။ ဘယ်လောက် ယုံကြည်စိတ်ချသလဲဆိုရင် မိုးရွာနေတဲ့အသံကို ကြားနေရသလိုပါပဲ။ မောရှေနဲ့ ပတ်သက်ပြီး “မမြင်ရတဲ့အရှင်ကို မြင်နေရသလိုပဲ သူ တည်မြဲတည်ကြည်ခဲ့တယ်” လို့ ဖော်ပြခဲ့တာကို မှတ်မိမယ်။ သင့်အတွက်ကော ဘုရားသခင်ဟာ တကယ့်ပုဂ္ဂိုလ် ဖြစ်သလား။ ဘုရားသခင်ကိုရော သူ့ရဲ့ ကတိတွေကိုပါ ယုံကြည်စိတ်ချဖို့ အကြောင်းရင်းတွေ အများကြီး ရှိတယ်။—ဟီ. ၁၁:၁၊ ၂၇။
၁၂။ ဧလိယဟာ စောင့်ကြည့်နေမှန်း ဘယ်လို ဖော်ပြသလဲ။ မိုးတိမ်ငယ်တစ်ခု တွေ့တယ်ဆိုတဲ့ သတင်းကို ဧလိယ ဘယ်လို တုံ့ပြန်ခဲ့သလဲ။
၁၂ ဧလိယ ဘယ်လို စောင့်ကြည့်တယ် ဆိုတာကိုလည်း သတိပြုပါ။ သူ့နောက်လိုက်ကို တစ်ကြိမ်၊ နှစ်ကြိမ်မက ခုနစ်ကြိမ်အထိ ပြန်သွားကြည့်ခိုင်းတယ်။ ထပ်ခါတလဲ သွားကြည့်ရတဲ့အတွက် သူ့နောက်လိုက် အတော်ပင်ပန်းမှာပဲ။ ဒါပေမဲ့ ဧလိယဟာ မိုးရွာမယ့် အရိပ်လက္ခဏာကို မြင်ချင်လွန်းလို့ လက်မလျှော့ဘူး။ ခုနစ်ကြိမ်မြောက် သွားကြည့်ပြီး ပြန်လာတဲ့အခါ သူ့နောက်လိုက်က “လက်တစ်ဖဝါးစာလောက်ရှိတဲ့ မိုးတိမ်လေး ပင်လယ်ထဲက တက်လာတယ်” လို့ သတင်းပေးတယ်။ ပင်လယ်ကြီးရဲ့ မိုးကုပ်စက်ဝိုင်းကနေ တက်လာတဲ့ မိုးတိမ်ငယ်ရဲ့ အရွယ်အစားကို ခန့်မှန်းဖော်ပြဖို့ နောက်လိုက်က လက်ကိုဆန့်ပြီး လက်ဖဝါးဖြန့်ပြနေတာ မြင်ယောင်ကြည့်လိုက်ပါ။ အဲဒီမိုးတိမ်က နောက်လိုက်အတွက် အရေးပါချင်မှ ပါမယ်။ ဒါပေမဲ့ ဧလိယအတွက်တော့ အဲဒီမိုးတိမ်ဟာ အတော်လေး အရေးပါတယ်။ ဒါနဲ့ သူ့နောက်လိုက်ကို “‘မြင်းရထား အသင့်ပြင်ပြီး ဆင်းသွားပါ၊ ဒီလိုမှမဟုတ်ရင် မိုးရွာလို့ မပြန်နိုင်ဘဲဖြစ်နေဦးမယ်’ လို့ အာဟပ်ကို သွားပြောပါ” ဆိုပြီး အရေးတကြီး ခိုင်းလိုက်တယ်။—၁ ဘု. ၁၈:၄၄။
၁၃၊ ၁၄။ (က) ဧလိယ ဂရုတစိုက် စောင့်ကြည့်နေတာကို ဘယ်လို အတုယူနိုင်သလဲ။ (ခ) အရေးတကြီးသဘောနဲ့ လုပ်ဆောင်ဖို့ ဘာအကြောင်းရင်းတွေ ရှိသလဲ။
၁၃ ဒီတစ်ကြိမ်လည်း ဧလိယဟာ စံနမူနာကောင်း ဖြစ်တယ်။ ယေဟောဝါဘုရား မိန့်ဆိုထားတဲ့အတိုင်း လုပ်ဆောင်တော့မယ့်အချိန်မှာ ကျွန်တော်တို့ အသက်ရှင်နေကြတယ်။ ဧလိယဟာ မိုးခေါင်တဲ့အချိန် ကုန်ဆုံးဖို့ စောင့်မျှော်ခဲ့သလို ဒီနေ့ခေတ် ဘုရားသခင့်ကျေးကျွန်တွေဟာ ဖောက်ပြန်ယိုယွင်းတဲ့ ဒီလောကစနစ် ကုန်ဆုံးမယ့်အချိန်ကို စောင့်မျှော်နေကြပါတယ်။ (၁ ယော. ၂:၁၇) ဧလိယလိုပဲ ယေဟောဝါဘုရား အရေးယူ ဆောင်ရွက်မယ့် အချိန်အထိ ဂရုတစိုက် စောင့်ကြည့်နေဖို့ လိုတယ်။ ဘုရားသခင်ရဲ့သားတော် ယေရှုက သူ့နောက်လိုက်တွေကို ဒီလို အကြံပေးခဲ့တယ်– “ဒါကြောင့် သခင် ဘယ်နေ့လာမယ်ဆိုတာ ခင်ဗျားတို့ မသိတဲ့အတွက် သတိနဲ့ စောင့်နေကြပါ။” (မ. ၂၄:၄၂) အဆုံးရောက်လာမယ့် အချိန်ကို သူ့နောက်လိုက်တွေ လုံးဝ သိမှာမဟုတ်ဘူးလို့ ယေရှုဆိုလိုတာလား။ မဟုတ်ပါဘူး။ အဆုံးနီးလာတဲ့အခါ ဒီလောက ဘာဖြစ်မယ်ဆိုတာကို ယေရှု ကြိုပြောထားပြီးသားပဲ။ “လောကစနစ်နိဂုံးပိုင်း” ရဲ့ အသေးစိတ်ကျတဲ့နိမိတ် ပြည့်စုံနေတာကို ကျွန်တော်တို့အားလုံး တွေ့မြင်နေရပါတယ်။—မဿဲ ၂၄:၃-၇ ကိုဖတ်ပါ။
မိုးတိမ်ငယ်လေးတစ်ခုက ယေဟောဝါဘုရား အရေးယူ ဆောင်ရွက်တော့မယ်ဆိုတာ ဧလိယကို ယုံကြည်စိတ်ချစေတယ်။ နောက်ဆုံးနေ့ရက်တွေရဲ့ နိမိတ်က အရေးတကြီးသဘောနဲ့ လုပ်ဆောင်ဖို့ တိုက်တွန်းပေး
၁၄ အဲဒီနိမိတ်ရဲ့ အပိုင်းတစ်ပိုင်းစီဟာ ခိုင်လုံပြီး ယုံကြည်စိတ်ချရတဲ့ သက်သေအထောက်အထား ဖြစ်တယ်။ အဲဒီအထောက်အထားက အရေးတကြီးသဘောနဲ့ လုပ်ဆောင်ဖို့ ကျွန်တော်တို့ကို လှုံ့ဆော်ပေးပါသလား။ မိုးကုပ်စက်ဝိုင်းကနေ တက်လာတဲ့ မိုးတိမ်ငယ်လေးတစ်ခုက ယေဟောဝါဘုရား အရေးယူလုပ်ဆောင်တော့မယ်ဆိုတာ ဧလိယကို ယုံကြည်စိတ်ချစေခဲ့တယ်။ အဲဒီ သစ္စာရှိပရောဖက် စိတ်ပျက်ခဲ့ရပါသလား။
ယေဟောဝါဘုရားက စိတ်အေးစေပြီး ကောင်းချီးတွေပေး
၁၅၊ ၁၆။ ဘာအဖြစ်အပျက်တွေ တစ်ခုပြီးတစ်ခု ဖြစ်ပျက်လာသလဲ။ အာဟပ်အကြောင်း ဧလိယ ဘာတွေ တွေးနေပုံရသလဲ။
၁၅ “အဲဒီအချိန်မှာပဲ ကောင်းကင်မှာ တိမ်လိပ်တွေ မည်းမှောင်လာတယ်။ လေပြင်းတိုက်ခတ်လာပြီး မိုးတွေ သဲကြီးမဲကြီး ရွာချတော့တယ်။ အာဟပ်လည်း မြင်းရထားစီးပြီး ယေဇရေလမြို့ဆီ ပြန်သွားတယ်” လို့မှတ်တမ်းက ဖော်ပြတယ်။ (၁ ဘု. ၁၈:၄၅) အဖြစ်အပျက်တွေ တစ်ခုပြီးတစ်ခု မြန်မြန်ဆန်ဆန် ဖြစ်ပျက်လာတယ်။ အာဟပ်မင်းဆီ ပရောဖက်ရဲ့ သတင်းစကားအကြောင်း ဧလိယရဲ့ကျွန် သွားပြောနေချိန်မှာပဲ မိုးတိမ်ငယ်ဟာ ကြီးမား အုံ့ဆိုင်းလာပြီး ကောင်းကင် တစ်ခွင်လုံး မှောင်မည်းလာတယ်။ လေပြင်းတွေ တိုက်ခတ်လာပြီး သုံးနှစ်ခွဲ မိုးခေါင်ခဲ့တဲ့ အစ္စရေးနိုင်ငံမှာ မိုးရွာချလာတော့တယ်။ ခြောက်သွေ့ မာကျစ်နေတဲ့ မြေဟာ မိုးရေဝလာတယ်။ မိုးသည်းလာလို့ ရေလျှံသွားတဲ့ ကိရှုန်မြစ်ဟာ ကွပ်မျက်ခံရတဲ့ ဗာလ ပရောဖက်တွေရဲ့ အသွေးတွေကို ဆေးကြောပစ်လိုက်မှာ သေချာပါတယ်။ ဗာလ ဝတ်ပြုရေးရဲ့ စွန်းထင်းမှုတွေကို ခေါင်းမာတဲ့ အစ္စရေးလူတွေ ဆေးကြောသန့်စင်ဖို့ အခွင့်အရေးလည်း ဖြစ်တယ်။
၁၆ အစ္စရေးလူတွေ အဲဒီလို လုပ်လိမ့်မယ်လို့ ဧလိယ မျှော်လင့်ခဲ့တယ်။ ဒီထူးခြားတဲ့ အဖြစ်အပျက်တွေကို အာဟပ် ဘယ်လို တုံ့ပြန်မလဲလို့ ဧလိယ စဉ်းစားနေမှာပဲ။ သူနောင်တရပြီး ဗာလ ဝတ်ပြုရေးကို စွန့်ပါ့မလား။ အဲဒီနေ့ရဲ့ အဖြစ်အပျက်တွေက ပြောင်းလဲဖို့ ခိုင်လုံတဲ့ အကြောင်းပဲ။ အဲဒီအချိန်မှာ အာဟပ်ရဲ့စိတ်ထဲ ဘာရှိနေတယ်ဆိုတာ မသိနိုင်ဘူး။ မှတ်တမ်းအရ အာဟပ်ဟာ “မြင်းရထားစီးပြီး ယေဇရေလမြို့ဆီ ပြန်သွားတယ်” လို့ပဲ သိရတယ်။ သူ သင်ခန်းစာ ရရဲ့လား။ သူ့ရဲ့လမ်းစဉ်တွေကို ပြောင်းလဲဖို့ ဆုံးဖြတ်သလား။ နောက်ပိုင်းအဖြစ်အပျက်တွေက မပြောင်းလဲမှန်း ဖော်ပြတယ်။ ဒါပေမဲ့ အာဟပ်နဲ့ ဧလိယအတွက် အဲဒီတစ်နေ့တာ အဖြစ်အပျက်တွေ မကုန်သေးဘူး။
၁၇၊ ၁၈။ (က) ယေဇရေလမြို့ကို သွားတဲ့လမ်းမှာ ဧလိယ ဘာဖြစ်ခဲ့သလဲ။ (ခ) ကရမေလတောင်ကနေ ယေဇရေလမြို့အထိ ဧလိယ ပြေးသွားပုံက ဘာကြောင့် ထူးခြားသလဲ။ (အောက်ခြေမှတ်ချက်ကိုလည်း ကြည့်ပါ။)
၁၇ ယေဟောဝါရဲ့ ပရောဖက်ဟာ အာဟပ် သွားခဲ့တဲ့ လမ်းအတိုင်း လိုက်သွားတယ်။ မှောင်ကလည်း
မှောင်၊ မိုးကလည်း သည်း၊ ခရီးကလည်း အဝေးကြီးပဲ။ ဒါပေမဲ့ အံ့သြစရာတစ်ခု ဖြစ်ပျက်လာပြန်တယ်။၁၈ “ယေဟောဝါရဲ့ လက်တော် သက်ရောက်လာတဲ့အတွက် ဧလိယက ဝတ်လုံကို လိပ်တင်၊ ခါးစည်းအောက် သွင်းပြီးနောက် ပြေးတော့တယ်။ လမ်းမှာ အာဟပ်ကို ဖြတ်ကျော်ပြီး ယေဇရေလမြို့ကို ရောက်တဲ့အထိ ပြေးသွားလိုက်တယ်။” (၁ ဘု. ၁၈:၄၆) “ယေဟောဝါရဲ့လက်တော်” ဟာ ဧလိယအပေါ် အံ့သြစရာ ကောင်းတဲ့နည်းနဲ့ သက်ရောက်လာတာ ထင်ရှားတယ်။ ယေဇရေလမြို့ဟာ ၁၉ မိုင်ဝေးတဲ့အပြင် ဧလိယကလည်း လူငယ် မဟုတ်တော့ဘူး။ * ဝတ်လုံရှည်ကို ခါးတောင်းကျိုက်ပြီး မိုးထဲမှာ စိတ်ရှိလက်ရှိ ပြေးနေတဲ့ ပရောဖက်ကို မြင်ယောင်ကြည့်လိုက်ပါ။ သူပြေးတာ ဘယ်လောက် မြန်သလဲဆိုရင် ဘုရင့်ရထားကိုတောင် ကျော်တက်သွားတယ်။
၁၉။ (က) ဧလိယရဲ့ ဘုရားပေးခွန်အားနဲ့ သက်လုံက ဘယ်ပရောဖက်ပြုချက်တွေကို ပြန်သတိရစေသလဲ။ (ခ) ယေဇရေလမြို့ဆီ ပြေးနေချိန်မှာ ဧလိယ ဘာကို သေသေချာချာ သိနေသလဲ။
၁၉ အဲဒါက ဧလိယအတွက် တကယ့် ကောင်းချီးတစ်ခုပါပဲ။ လူငယ်ဘဝကထက်တောင် အားမာန်ပိုပြည့်ပြီး သက်လုံကောင်းတယ်လို့ ခံစားရတာဟာ ဧလိယအတွက် စိတ်လှုပ်ရှားစရာ ဖြစ်ခဲ့မှာပဲ။ အဲဒါက လာမယ့်ပရဒိသုမှာ သစ္စာရှိသူတွေ ကျန်းကျန်းမာမာ၊ အားမာန်အပြည့် ရှိလာမယ်ဆိုတဲ့ ပရောဖက်ပြုချက်တွေကို အမှတ်ရစေမှာပါ။ (ဟေရှာယ ၃၅:၆ ကိုဖတ်ပါ။ လု. ၂၃:၄၃) ဧလိယဟာ မိုးရေထဲ ပြေးနေချိန်မှာ စစ်မှန်တဲ့ တစ်ဆူတည်းဘုရား ယေဟောဝါရဲ့ မျက်နှာသာကို သူ ရထားမှန်း အသေအချာ သိနေပါလိမ့်မယ်။
၂၀။ ယေဟောဝါဘုရားပေးမယ့် ကောင်းချီးတွေရဖို့ ဘာလုပ်ရမလဲ။
၂၀ ယေဟောဝါဘုရားဟာ ကျွန်တော်တို့ကို ကောင်းချီး အလွန်ပေးချင်တယ်။ ကိုယ်တော်ပေးမယ့် အဖိုးတန် ကောင်းချီးတွေကိုရဖို့ အတတ်နိုင်ဆုံး ကြိုးစားကြစို့။ အန္တရာယ်ထူပြောပြီး အရေးတကြီးဖြစ်နေတဲ့ ဒီအချိန်မှာ ယေဟောဝါဘုရား တရားစီရင်ပါတော့မယ်။ ဧလိယလိုပဲ ခိုင်လုံတဲ့ အထောက်အထားတွေကို စောင့်ကြည့်ပြီး သေသေချာချာ ဆန်းစစ်နေဖို့ လိုတယ်။ “အမှန်တရားရဲ့ဘုရား” ယေဟောဝါရဲ့ ကတိတွေကို ကျွန်တော်တို့ အပြည့်အဝ ယုံကြည်စိတ်ချဖို့ ခိုင်လုံတဲ့ အထောက်အထားတွေ ရှိပါတယ်။—ဆာ. ၃၁:၅။
^ အပိုဒ်၊ 18 မကြာခင်မှာ ယေဟောဝါဘုရားက ဧလိရှဲကို လေ့ကျင့်ပေးဖို့ ဧလိယကို တာဝန်ပေးတော့မှာဖြစ်တယ်။ နောက်ပိုင်းမှာ ဧလိရှဲကို “ဧလိယလက်ဆေးတဲ့အခါ ရေလောင်းပေးတဲ့သူ” လို့ လူသိများလာတယ်။ (၂ ဘု. ၃:၁၁) ဧလိရှဲဟာ ဧလိယရဲ့ နောက်လိုက်အနေနဲ့ အသက်ကြီးသူ ဧလိယရဲ့ ဝေယျာဝစ္စတွေ လုပ်ကိုင်ပေးခဲ့တယ်။