အခန်း နှစ်ဆယ့်သုံး
ခွင့်လွှတ်တတ်ဖို့ သခင့်ဆီကနေ သူသင်ယူခဲ့
၁။ ပေတရုရဲ့ဘဝမှာ စိတ်အထိခိုက်ရဆုံး အချိန်က ဘယ်အချိန် ဖြစ်နိုင်သလဲ။
ပေတရုဟာ အကြည့်ချင်း ဆုံလိုက်ရတဲ့ အဲဒီစိတ်မကောင်းစရာ တဒင်္ဂအချိန်လေးကို ဘယ်တော့မှ မေ့မှာ မဟုတ်ပါဘူး။ ယေရှုရဲ့အကြည့်မှာ စိတ်ပျက်သွားတဲ့၊ အပြစ်တင်တဲ့ အရိပ်အယောင် ရှိသလား။ အတိအကျတော့ မပြောနိုင်ဘူး။ “သခင်ယေရှုက ပေတရုကို လှည့်ပြီးကြည့်တယ်” လို့ပဲ ကျမ်းစာမှာ ဖော်ပြတယ်။ (လု. ၂၂:၆၁) ဒါပေမဲ့ သူ ဘယ်လောက် မှားသွားတယ်ဆိုတာ အဲဒီအကြည့်တစ်ချက်ကနေ ပေတရု သဘောပေါက်ခဲ့တယ်။ သူ ဘယ်တော့မှ အဲဒီလိုလုပ်မှာ မဟုတ်ဘူးလို့ အခိုင်အမာ ပြောခဲ့ပေမဲ့ ယေရှု ကြိုပြောတဲ့အတိုင်း လုပ်ခဲ့မိပြီ။ ချစ်ရတဲ့သခင်ကို သူ ငြင်းခဲ့တယ်။ ပေတရုဘဝမှာ ဒီအချိန်ဟာ စိတ်အထိခိုက်ရဆုံး အချိန်ဖြစ်မှာပဲ။
၂။ ဘယ်သင်ခန်းစာကို ပေတရု သင်ယူဖို့ လိုခဲ့သလဲ။ သူ့ အဖြစ်အပျက်ကနေ ကျွန်တော်တို့ ဘယ်လို အကျိုးရနိုင်သလဲ။
၂ ဒါပေမဲ့ အဲဒါဟာ ပေတရုအတွက် မျှော်လင့်ချက်မရှိတော့တဲ့ အခြေအနေ မဟုတ်ပါဘူး။ သူဟာ ယုံကြည်ခြင်း ခိုင်ခံ့သူဖြစ်လို့ အမှားတွေကို ပြုပြင်ဖို့၊ ယေရှု သွန်သင်ခဲ့တဲ့ အကြီးမြတ်ဆုံး သင်ခန်းစာတွေထဲက တစ်ခုကို သင်ယူခွင့် ရှိသေးတယ်။ အဲဒါက ခွင့်လွှတ်ခြင်းနဲ့ ဆိုင်တယ်။ ကျွန်တော်တို့ တစ်ယောက်စီလည်း ဒါကို သင်ယူဖို့ လိုတယ်။ ဒီခက်ခဲတဲ့ သင်ခန်းစာကို ပေတရု ဘယ်လို သင်ယူသလဲ ဆိုတာ သုံးသပ်ကြည့်ကြစို့။
သင်ယူစရာ အများကြီးရှိသူ
၃၊ ၄။ (က) ယေရှုကို ပေတရု ဘာမေးသလဲ။ ပေတရုက သူ့ကိုယ်သူ ဘယ်လို ယူဆနေသလဲ။ (ခ) ပေတရုဟာ သူ့ဝန်းကျင်က လူတွေကို အတုခိုးနေမှန်း ယေရှု ဘယ်လို ထောက်ပြခဲ့သလဲ။
၃ လွန်ခဲ့တဲ့ ခြောက်လလောက်က ပေတရုဟာ သူ့ ဇာတိမြို့ဖြစ်တဲ့ ကပေရနောင်မြို့မှာ ယေရှုဆီလာပြီး “သခင်၊ ကျွန်တော့်ကို ပြစ်မှားတဲ့ ညီအစ်ကိုကို ဘယ်နှစ်ကြိမ် ခွင့်လွှတ်ရမလဲ။ ခုနစ်ကြိမ်လား” လို့မေးတယ်။ အဲဒီခေတ်က ဘာသာရေး ခေါင်းဆောင်တွေဟာ သုံးကြိမ်ပဲ ခွင့်လွှတ်ဖို့ လိုတယ်လို့ သွန်သင်ကြလို့ ပေတရုက သူ့ကိုယ်သူ အတော် သဘောထားကြီးတယ်လို ယူဆနေပုံရတယ်။ ယေရှုက “ခုနစ်ကြိမ်မက၊ ၇၇ ကြိမ်အထိ ခွင့်လွှတ်ရမယ်” လို့ပြန်ပြောတယ်။—မ. ၁၈:၂၁၊ ၂၂။
၄ အမှားတွေကို အတိအကျ မှတ်ထားရမယ်လို့ ယေရှု ပြောနေတာလား။ မဟုတ်ပါဘူး။ အဲဒီအစား ပေတရု ပြောတဲ့ ၇ ကြိမ်ကို ၇၇ ကြိမ်အထိ တိုးလိုက်တာက မေတ္တာရှိမယ်ဆိုရင် ခွင့်လွှတ်ရမယ့် အကြိမ်အရေအတွက်ကို ကန့်သတ်ထားမှာ မဟုတ်ဘူးလို့ ပြောနေတာပါ။ ၁ ကော. ၁၃:၄၊ ၅) ပေတရုဟာ သူ့ဝန်းကျင်မှာရှိတဲ့ စာနာစိတ်ကင်းမဲ့ပြီး ခွင့်မလွှတ်တတ်တဲ့ သူတွေကို အတုခိုးနေမှန်း ယေရှု ထောက်ပြလိုက်တယ်။ ဘုရားသခင်ကို အတုယူတဲ့သူကျတော့ တခြားသူတွေကို အကြိမ်ကြိမ် တလိုတလား ခွင့်လွှတ်သင့်တယ်။—၁ ယောဟန် ၁:၇-၉ ကိုဖတ်ပါ။
(၅။ ခွင့်လွှတ်ခြင်းဟာ အရေးကြီးမှန်း ဘယ်အချိန်မှပဲ သဘောပေါက် လာသလဲ။
၅ ယေရှုကို ပေတရု ပြန်ခံမပြောခဲ့ပါဘူး။ ဒါပေမဲ့ ယေရှု သွန်သင်ပေးတာကို သူ တကယ်သဘောပေါက်ရဲ့လား။ ကိုယ်ကိုယ်တိုင် ခွင့်လွှတ်ခံရဖို့ လိုတဲ့အခါမှပဲ ခွင့်လွှတ်ခြင်းဟာ အရေးကြီးမှန်း သဘောပေါက် တတ်တယ်။ အခု ယေရှု သေဆုံးခါနီးအချိန်ကို ပြန်သုံးသပ်ကြစို့။ အဲဒီ ခက်ခဲတဲ့အချိန်မှာ ပေတရုဟာ အကြိမ်ကြိမ် မှားခဲ့လို့ ခွင့်လွှတ်ခံရဖို့ တကယ် လိုအပ်ခဲ့တယ်။
ပေတရုကို ယေရှု အကြိမ်ကြိမ် ခွင့်လွှတ်ခဲ့
၆။ တမန်တော်တွေကို နှိမ့်ချမှုအကြောင်း ယေရှု သင်ပေးတဲ့အခါ ပေတရု ဘယ်လို တုံ့ပြန်ခဲ့သလဲ။ သူ့ကို ယေရှု ဘယ်လို ဆက်ဆံခဲ့သလဲ။
၆ မြေကြီးပေါ် ယေရှုအသက်တာရဲ့ နောက်ဆုံးညဟာ အရေးအကြီးဆုံးည ဖြစ်တယ်။ ယေရှုမှာ တမန်တော်တွေကို သင်ပေးစရာ အများကြီး ရှိနေသေးတယ်။ ဥပမာ၊ နှိမ့်ချမှုအကြောင်းပေါ့။ ယေရှုဟာ တပည့်တွေရဲ့ ခြေကိုဆေးပြီး နှိမ့်ချမှု စံနမူနာ ပြခဲ့တယ်။ ဒီအလုပ်ကို အစေခံကျွန်တွေပဲ လုပ်ကြတယ်။ ပထမတော့ ယေရှုလုပ်တာကို ပေတရု မေးခွန်းထုတ်တယ်။ အဲဒီနောက် သူ့ခြေကို မဆေးရဘူးလို့ ပြောတယ်။ နောက်ဆုံးတော့ သူ့ရဲ့ ခြေကိုသာမက လက်ရော ခေါင်းကိုပါ ဆေးပေးပါလို့ ယေရှုကို တောင်းဆိုတယ်။ အဲဒီအခါ ဒီလုပ်ရပ်ရဲ့ အရေးပါမှုနဲ့ အဓိပ္ပာယ်က ဘာလဲဆိုတာ ပေတရုကို ယေရှု စိတ်ရှည်ရှည် ရှင်းပြခဲ့တယ်။—ယော. ၁၃:၁-၁၇။
၇၊ ၈။ (က) နောက်ထပ် ဘယ်အမှားတွေကို ပေတရု ထပ်လုပ်သေးသလဲ။ (ခ) ယေရှုဟာ ကြင်နာမှုနဲ့ ခွင့်လွှတ်မှုကို ဘယ်လို ဆက်ပြခဲ့သလဲ။
၇ အဲဒီနောက် မကြာခင်မှာပဲ ပေတရုကို ယေရှု စိတ်ရှည်ဖို့လိုတဲ့အကြောင်း ပေါ်လာပြန်တယ်။ ပေတရုနဲ့ တမန်တော်တွေဟာ ဘယ်သူ အကြီးမြတ်ဆုံးလဲဆိုပြီး ငြင်းခုံကြတယ်။ ဒါတောင်မှ သူတို့ကို ယေရှု ကြင်ကြင်နာနာ ပဲ့ပြင်ပေးခဲ့တယ်။ အဲဒီအပြင် မိမိကို သစ္စာမဖောက်ဘဲ သူတို့ ဆက်ပြီး တည်ကြည်တာကို ချီးကျူးခဲ့သေးတယ်။ ဒါပေမဲ့ တမန်တော်အားလုံးဟာ သူ့ကိုစွန့်ပြီး ထွက်ပြေးသွားကြလိမ့်မယ်လို့ ယေရှု ကြိုပြောတယ်။ အဲဒီအခါ ပေတရုက သေရင် သေသွားပါစေ၊ ယေရှုကို ဘယ်တော့မှ မစွန့်ဘူးလို့ ပြန်ပြောတယ်။ ဒါပေမဲ့ ပေတရုဟာ အဲဒီညမှာပဲ ကြက်နှစ်ကြိမ်မတွန်ခင် မိမိကို သုံးကြိမ် ငြင်းလိမ့်မယ်လို့ ယေရှု ကြိုပြောတယ်။ ပေတရုက ယေရှုစကားကို ပြန်ခံငြင်းရုံသာမက တခြားတမန်တော်တွေထက်တောင် သူပိုပြီး သစ္စာရှိမယ်လို့ ကြွားလိုက်သေးတယ်။—မ. ၂၆:၃၁-၃၅။ မာ. ၁၄:၂၇-၃၁။ လု. ၂၂:၂၄-၂၈။ ယော. ၁၃:၃၆-၃၈။
၈ ပေတရုကို ယေရှု စိတ်မရှည်နိုင်တော့ဘူးလား။ တကယ်တော့ အဲဒီခက်ခဲတဲ့ အချိန်တစ်လျှောက်လုံးမှာ ယေရှုဟာ မစုံလင်တဲ့ တမန်တော်တွေရဲ့ ကောင်းကွက်ကို အမြဲရှာကြည့်နေတယ်။ မိမိကို ပေတရု ငြင်းပယ်မယ်ဆိုတာ သိလျက်နဲ့ ယေရှုက “ခင်ဗျားရဲ့ ယုံကြည်ခြင်း လု. ၂၂:၃၂) ဒီနည်းနဲ့ ပေတရုဟာ သူ့အမှားကို နောင်တယူပြီး ဘုရားအမှုတော်ကို သစ္စာရှိရှိ ဆက်လုပ်ဆောင်မယ်ဆိုတာ ယုံကြည်စိတ်ချကြောင်း ယေရှု ဖော်ပြလိုက်တာပဲ။ တကယ့်ကို ကြင်နာပြီး ခွင့်လွှတ်တတ်တဲ့ စိတ်ထားပါပဲ။
အားမနည်းသွားအောင် ကျွန်တော် တိုးလျှိုးအသနားခံထားတယ်။ ခင်ဗျား နောင်တရပြီး ပြန်လှည့်လာတာနဲ့ ညီအစ်ကိုတွေကို အားပေးထောက်မပါ” လို့ပြောတယ်။ (၉၊ ၁၀။ (က) ဂေသရှေမန်ဥယျာဉ်မှာ ပေတရု ဘာကြောင့် ဆုံးမခံရသလဲ။ (ခ) ပေတရုအဖြစ်က ဘာကို သတိရစေသလဲ။
၉ နောက်ပိုင်း ဂေသရှေမန်ဥယျာဉ်မှာ ပေတရုကို တစ်ကြိမ်ထက်မက ဆုံးမခဲ့ရသေးတယ်။ ယေရှုက သူဆုတောင်းနေတုန်း သတိနဲ့ စောင့်နေကြဖို့ ယာကုပ်၊ ယောဟန်နဲ့ ပေတရုကို မှာတယ်။ ယေရှု အကြီးအကျယ် စိတ်ဒုက္ခရောက်နေလို့ အားပေးထောက်မမှု လိုအပ်နေတဲ့ အချိန်မှာ ပေတရုနဲ့ တခြားသူတွေဟာ ခဏခဏ အိပ်ပျော်သွားကြတယ်။ ဒါတောင်မှ ယေရှုက “စိတ်ကတော့ ထက်သန်ပါရဲ့။ ကိုယ်ခန္ဓာက အားနည်းတယ်” လို့ပြောပြီး သူတို့ကို စာနာခွင့်လွှတ်ခဲ့တယ်။—မာ. ၁၄:၃၂-၄၁။
၁၀ မကြာခင်မှာပဲ မီးတုတ်တွေ၊ ဓားတွေ၊ တုတ်တွေ ကိုင်ထားတဲ့ လူအုပ်တစ်အုပ် ရောက်လာတယ်။ ဒီအချိန်က သတိရှိဖို့၊ လိမ္မာပါးနပ်ဖို့ လိုတဲ့ အချိန်ပဲ။ ဒါပေမဲ့ ပေတရုဟာ စိတ်မြန်လက်မြန်နဲ့ ဓားကိုဆွဲထုတ်ပြီး ပုရောဟိတ်မင်းရဲ့ကျွန် မာလခုရဲ့ ခေါင်းကို ခုတ်လိုက်တာ နားရွက်တစ်ဖက် ပြတ်သွားတယ်။ ပေတရုကို ယေရှု အေးအေးဆေးဆေး ဆုံးမပြီး မာလခုရဲ့ ဒဏ်ရာကို ကုသပေးလိုက်တယ်။ ပြီးတော့ သူ့နောက်လိုက်တွေဟာ ဘာကြောင့် အကြမ်းမဖက်သင့်ဘူး ဆိုတာ ရှင်းပြခဲ့တယ်။ (မ. ၂၆:၄၇-၅၅။ လု. ၂၂:၄၇-၅၁။ ယော. ၁၈:၁၀၊ ၁၁) ပေတရု အမှားတွေလုပ်ခဲ့လို့ သခင်က သူ့ကို အကြိမ်ကြိမ် ခွင့်လွှတ် ခဲ့ရတယ်။ ပေတရုအဖြစ်က ကျွန်တော်တို့လည်း ခဏခဏ မှားတတ်တာကို သတိရစေတယ်။ (ယာကုပ် ၃:၂ ကိုဖတ်ပါ။) နေ့တိုင်း ဘုရားသခင်ရဲ့ ခွင့်လွှတ်မှုကို မလိုအပ်တဲ့သူ ဘယ်သူရှိသလဲ။ အဲဒီညမှာ ပေတရု အမှားလုပ်တာ မပြီးသေးဘူး။ အဆိုးဆုံး အမှားတစ်ခု ကျန်သေးတယ်။
ပေတရုရဲ့ အဆိုးဆုံးအမှား
၁၁၊ ၁၂။ (က) ယေရှု အဖမ်းခံရပြီးတဲ့နောက် ပေတရုဟာ တော်တော်လေး သတ္တိရှိသူဖြစ်ကြောင်း ဘယ်လို ပြခဲ့သလဲ။ (ခ) ပေတရုဟာ သူပြောသလို မလုပ်နိုင်ခဲ့တာ ဘာကြောင့်လဲ။
၁၁ မိမိကို ရှာနေတာဆိုရင် တမန်တော်တွေကို သွားပါစေလို့ လူအုပ်ကို ယေရှု ပြောလိုက်တယ်။ လူအုပ်က ယေရှုကို ဖမ်းဆီးတဲ့အခါ ပေတရု ဘာမှမတတ်နိုင်ဘဲ ရပ်ကြည့်ပြီး တခြားတမန်တော်တွေလိုပဲ ထွက်ပြေးသွားတော့တယ်။
၁၂ ယေရှုကို စစ်ဆေးမေးမြန်းဖို့ ဦးဆုံးခေါ်သွားတဲ့အိမ်နားကို ပေတရုနဲ့ ယောဟန်တို့ ရောက်လာကြတယ်။ အဲဒီအိမ်က ပုရောဟိတ်မင်းကြီး ဖြစ်ခဲ့ဖူးသူ အန္နရဲ့အိမ် ဖြစ်နိုင်တယ်။ အဲဒီအိမ်ကနေ ယေရှုကို ဆက်ခေါ်ထုတ်သွားတဲ့အခါ ပေတရုနဲ့ ယောဟန်ဟာ “ခပ်လှမ်းလှမ်းကနေ” လိုက်သွားကြတယ်။ (မ. ၂၆:၅၈။ ယော. ၁၈:၁၂၊ ၁၃) ပေတရုဟာ သတ္တိနည်းသူ မဟုတ်ပါဘူး။ အဲဒီလို နောက်ကနေ လိုက်သွားဖို့ သူ့မှာ တော်တော်လေး သတ္တိရှိရမယ်။ လူအုပ်မှာ လက်နက်တွေ ရှိတယ်။ အဲဒီထဲက တစ်ယောက်ကို ဒဏ်ရာရအောင် ပေတရု လုပ်ခဲ့တယ်။ ဒါပေမဲ့ လိုအပ်ရင် သခင်နဲ့အတူ အသေခံဖို့ အသင့်ရှိပါတယ်လို့ ပြောခဲ့တဲ့ ပေတရုဟာ ပြောတဲ့အတိုင်းလုပ်ဖို့ သတ္တိမရှိခဲ့ဘူး။—မာ. ၁၄:၃၁။
၁၃။ ခရစ်တော်နောက် လိုက်နိုင်တဲ့ တစ်ခုတည်းသောနည်းက ဘာလဲ။
၁၃ ပေတရုလိုပဲ ဒီနေ့ခေတ် လူတွေဟာ ယေရှုနောက်ကို “ခပ်လှမ်းလှမ်းကနေ” လိုက်ကြတယ်။ သူတို့ ယေရှုနောက် လိုက်နေတယ်ဆိုတာ ဘယ်သူ့ကိုမှ မသိစေချင်လို့ပဲ။ အမှန်တော့ ခရစ်တော်နောက် လိုက်နိုင်တဲ့ တစ်ခုတည်းသောနည်းက ဘာအကျိုးဆက်ပဲ ခံရပါစေ ယေရှုရဲ့ ခြေရာကို ထက်ကြပ်မကွာ လိုက်ဖို့၊ သူ့စံနမူနာကို အရာရာမှာ အတုယူဖို့ပဲဆိုပြီး နောက်ပိုင်းမှာ ပေတရု ရေးသားခဲ့တယ်။—၁ ပေတရု ၂:၂၁ ကိုဖတ်ပါ။
၁၄။ ယေရှု စစ်ဆေးခံရတဲ့ညမှာ ပေတရု ဘာလုပ်နေသလဲ။
၁၄ ပေတရုဟာ ယေရှုနောက် သတိရှိရှိ လိုက်သွားရင်း ဂျေရုဆလင်မြို့က ခမ်းနားကြီးကျယ်တဲ့ အိမ်တစ်အိမ်ရှေ့အထိ ရောက်သွားတယ်။ အဲဒီအိမ်ဟာ ချမ်းသာပြီး သြဇာအာဏာကြီးတဲ့ ပုရောဟိတ်မင်း ကယာဖရဲ့ အိမ်ဖြစ်တယ်။ အဲဒီလို အိမ်ကြီးတွေဟာ ဂိတ်တံခါးရှိတဲ့ ဝင်းခြံကျယ်ကြီးအထဲမှာ ရှိတယ်။ ဂိတ်တံခါးကို ပေတရု ရောက်တဲ့အခါ အထဲဝင်ခွင့် မရဘူး။ ပုရောဟိတ်မင်းနဲ့သိတဲ့ ယောဟန်ကတော့ အထဲရောက်နေလို့ ပေတရု ဝင်လို့ရအောင် တံခါးစောင့်ကို ခွင့်တောင်းပေးလိုက်တယ်။ ပေတရုဟာ ယောဟန်အနားမှာ နေပုံမရဘူး။ အိမ်ထဲဝင်ပြီး သခင့်အနားမှာ မားမားမတ်မတ် ရပ်နေဖို့လည်း ကြိုးစားပုံ မရဘူး။ ချမ်းစိမ့်နေတဲ့ အဲဒီညမှာ မီးလှုံနေတဲ့ ကျွန်တွေ၊ အိမ်စေတွေနဲ့အတူ အိမ်ဝင်းမှာပဲ နေရင်း ယေရှုအကြောင်း မဟုတ်မမှန် သက်သေထွက်ဆိုနေသူတွေ ဝင်ထွက်သွားလာနေတာကို ကြည့်နေတယ်။—မာ. ၁၄:၅၄-၅၇။ ယော. ၁၈:၁၅၊ ၁၆၊ ၁၈။
၁၅၊ ၁၆။ သုံးကြိမ် ငြင်းမယ်လို့ ယေရှု ကြိုပြောတဲ့အတိုင်း ဘယ်လို ဖြစ်လာသလဲ။
၁၅ ပေတရုကို တံခါးဖွင့်ပေးခဲ့တဲ့ မိန်းကလေးဟာ မီးရောင်ကြောင့် သူ့ကိုမြင်ပြီး မှတ်မိသွားတယ်။ ဒါနဲ့ သူက “ရှင်ဟာ ဂါလိလဲပြည်သား ယေရှုနဲ့ တစ်ဖွဲ့တည်းပဲ” လို့ စွပ်စွဲတော့တယ်။ ရုတ်တရက် အငိုက်မိသွားတဲ့ ပေတရုဟာ ယေရှုကို မသိဘူး၊ အဲဒီမိန်းကလေး ပြောတာကို နားတောင်မလည်ဘူးလို့ ငြင်းတယ်။ အဲဒီနောက် လူတွေသတိမပြုမိအောင် ဂိတ်တံခါးနားမှာ သူ သွားရပ်နေလိုက်တယ်။ ဒါပေမဲ့ နောက်မိန်းကလေး တစ်ယောက်က သူ့ကို သတိပြုမိပြီး “ဒီလူဟာ နာဇရက်မြို့သား ယေရှုနဲ့ တစ်ဖွဲ့တည်းပဲ” လို့ပြောတဲ့အခါ ပေတရုက “သူ့ကို ကျွန်တော် မသိဘူး” လို့ကျိန်ပြောတယ်။ (မ. ၂၆:၆၉-၇၂။ မာ. ၁၄:၆၆-၆၈) ဒီလို ဒုတိယအကြိမ် ငြင်းဆိုပြီးနောက် ကြက်တွန်သံကို ပေတရု ကြားခဲ့တာဖြစ်မယ်။ ဒါပေမဲ့ သူ စိတ်ရှုပ်ထွေးနေလို့ နာရီပိုင်းလောက်ကပဲ ယေရှု ပြောခဲ့တာကို သတိမရဘူး။
၁၆ ပေတရုဟာ သူ့ကို လူတွေ သတိမထားမိအောင် အတတ်နိုင်ဆုံး ကြိုးစားနေဆဲပဲ။ ဒါပေမဲ့ အိမ်ဝင်းထဲက လူတစ်စုဟာ ပေတရုအနား ရောက်လာတယ်။ သူတို့အထဲက တစ်ယောက်က ပေတရု ဒဏ်ရာရအောင် လုပ်ခဲ့တဲ့ မာလခုရဲ့ အမျိုးဖြစ်နေတယ်။ သူက “ဥယျာဉ်ထဲမှာ အဲဒီလူနဲ့အတူ ခင်ဗျားရှိနေတာ ကျွန်တော်မြင်သားပဲ။ ဟုတ်တယ် မဟုတ်လား” လို့ ပေတရုကို ပြောတယ်။ သူတို့ လူမှားနေတယ်လို့ ပေတရု ထင်စေချင်တဲ့အတွက် သူ လိမ်ရင် ဘေးသင့်ပါစေလို့ အခိုင်အမာ ကျိန်ဆိုလိုက်တယ်။ အခု ပေတရု ငြင်းတာ သုံးကြိမ်ရှိသွားပြီ။ သူ ငြင်းပြီး ခဏလေးမှာပဲ ကြက်တွန်တယ်။ အဲဒီညမှာ ဒုတိယအကြိမ် ကြက်တွန်သံကို ပေတရု ကြားလိုက်တယ်။—ယော. ၁၈:၂၆၊ ၂၇။ မာ. ၁၄:၇၁၊ ၇၂။
“သခင်ယေရှုက ပေတရုကို လှည့်ပြီး ကြည့်တယ်”
၁၇၊ ၁၈။ (က) ကြီးလေးတဲ့အမှား လုပ်မိပြီဆိုတာ ပေတရု သိသွားတဲ့အခါ ဘယ်လို တုံ့ပြန်ခဲ့သလဲ။ (ခ) ပေတရု ဘာကို စဉ်းစားမိနိုင်သလဲ။
၁၇ အဲဒီအချိန်မှာပဲ ယေရှုဟာ အိမ်ဝင်းကို အပေါ်စီးကနေ လှမ်းမြင်ရတဲ့ လသာဆောင်ကို ထွက်လာတယ်။ ဆောင်းပါးအစမှာ ဖော်ပြထားတဲ့အတိုင်း ယေရှုနဲ့ ပေတရုတို့နှစ်ယောက် အကြည့်ချင်း ဆုံမိကြတဲ့အချိန်ပဲ။ ကြီးလေးတဲ့အမှား ပြုမိပြီလို့ အဲဒီအချိန်ကျမှ ပေတရု သိလိုက်တယ်။ မှားသွားပြီဆိုတဲ့ အသိနဲ့ ယူကျုံးမရဖြစ်ပြီး အိမ်အပြင်ဘက်ကို သူ ထွက်လာခဲ့တယ်။ လပြည့်ညရဲ့ အလင်းရောင်အောက်မှာ လင်းထိန်နေတဲ့ လမ်းတစ်လျှောက် မြို့ထဲကို သူ လျှောက်လာရင်း မျက်ရည်ဝဲနေမှာပဲ။ မြင်ကွင်းတွေ ဝေဝါးလာပြီး နောက်ဆုံး သူ ချုံးပွဲချ ငိုကြွေးလိုက်တော့တယ်။—၁၈ ကိုယ်လုပ်ခဲ့တဲ့အမှား ဘယ်လောက် ကြီးတယ်ဆိုတာ သိလာတဲ့အခါ ခွင့်လွှတ်ခံရမှာ မဟုတ်ဘူးလို့ အလွယ်တကူ ယူမှတ်မိနိုင်တယ်။ ပေတရုလည်း အဲဒီလိုပဲ ခံစားနေရပါလိမ့်မယ်။ သူ ခွင့်လွှတ်ခံရပါ့မလား။
ပေတရု ခွင့်လွှတ် မခံရတော့ဘူးလား
၁၉။ လုပ်မိတဲ့အမှားနဲ့ ပတ်သက်ပြီး ပေတရု ဘယ်လို ခံစားရမလဲ။ သူ အရှုံးမပေးခဲ့ဘူးဆိုတာ ဘယ်လို သိရသလဲ။
၁၉ နောက်တစ်နေ့မှာ ယေရှု ကြုံရတဲ့အဖြစ်အပျက်တွေကို ပေတရု သိတဲ့အခါ သူဘယ်လောက်စိတ်ထိခိုက်နေမယ်ဆိုတာ စဉ်းစားကြည့်ပါ။ ဝေဒနာ အပြင်းအထန်ခံရပြီး အဲဒီနေ့မှာပဲ ယေရှု သေဆုံးသွားတဲ့အခါ ကိုယ့်ကိုယ်ကိုယ် အပြစ်တင်မဆုံး ဖြစ်နေမှာပဲ။ မြေကြီးပေါ်မှာ အသက်ရှင်ခဲ့ရတဲ့ နောက်ဆုံးနေ့မှာ သူ့ကြောင့် ယေရှုရဲ့ ဝေဒနာ ပိုပြင်းထန်နိုင်တယ်ဆိုတာ တွေးမိလိုက်တိုင်း ပေတရု စိတ်ထိခိုက်နေမှာ သေချာတယ်။ သူ ဘယ်လောက်ပဲ ဝမ်းနည်းကြေကွဲနေပါစေ အရှုံးမပေးခဲ့ဘူးဆိုတာ သိရတယ်။ မကြာခင်မှာပဲ ညီအစ်ကိုတွေနဲ့အတူ ပေတရု ရှိနေတယ်လို့ မှတ်တမ်းက ဖော်ပြတယ်။ (လု. ၂၄:၃၃) တမန်တော်တွေ အားလုံး ဆိုးရွားလှတဲ့ အဲဒီညမှာ သူတို့ ပြုမူခဲ့မိတာတွေအတွက် တကယ် နောင်တရနေကြမှာဖြစ်ပြီး အချင်းချင်း အပြန်အလှန် နှစ်သိမ့်ပေးခဲ့ကြပါလိမ့်မယ်။
၂၀။ ပေတရုရဲ့ ဆုံးဖြတ်ချက်ကနေ ဘာသင်ယူနိုင်သလဲ။
၂၀ ပေတရုဟာ အကောင်းဆုံး ဆုံးဖြတ်ချက်တစ်ခုကို ချခဲ့မှန်း သိနိုင်ပါတယ်။ ဘုရားသခင့် ကျေးကျွန်တစ်ယောက် အမှားလုပ်မိတဲ့အခါ အမှားက ဘယ်လောက်ပဲ ကြီးလေးပါစေ အရေးကြီးဆုံးက အမှားကို ပြုပြင်ဖို့ ဆုံးဖြတ်ပြီး ပြန်ကြိုးစားဖို့ပဲ။ (ပညာအလိမ္မာ ၂၄:၁၆ ကိုဖတ်ပါ။) ပေတရု အလွန်အမင်း စိတ်ဓာတ်ကျနေပေမဲ့ သူ့ရဲ့ ညီအစ်ကိုတွေနဲ့ ပြန်ပူးပေါင်းပြီး စစ်မှန်တဲ့ယုံကြည်ခြင်း တင်ပြခဲ့တယ်။ ဝမ်းနည်းပြီး နောင်တရနေသူဟာ တစ်ကိုယ်တည်း သီးခြားနေချင်ပေမဲ့ အဲဒီလို လုပ်တာက အန္တရာယ်ရှိတယ်။ (ပညာ. ၁၈:၁) ယုံကြည်သူချင်းတွေနဲ့ ရင်းရင်းနှီးနှီးနေပြီး ဘုရားသခင်ကို ဆက်ဝတ်ပြုနေဖို့ ကြိုးစားတာက ပညာရှိတဲ့ လမ်းစဉ်ပဲ။—ဟီ. ၁၀:၂၄၊ ၂၅။
၂၁။ ယေရှုရဲ့ တခြားတပည့်တွေနဲ့ အတူတူရှိနေလို့ ပေတရု ဘယ်သတင်းကို ကြားလိုက်ရသလဲ။
၂၁ ပေတရုဟာ ယေရှုရဲ့ တခြားတပည့်တွေနဲ့ အတူရှိနေလို့ သင်္ချိုင်းဂူထဲမှာ ယေရှုရဲ့အလောင်း မရှိတော့ဘူးဆိုတဲ့ တုန်လှုပ်စရာ သတင်းကို ကြားလိုက်ရတယ်။ ဒီအခါ ပေတရုနဲ့ ယောဟန်ဟာ တံဆိပ်ခတ် ပိတ်ထားတဲ့ ယေရှုရဲ့ သင်္ချိုင်းဂူဆီကို ချက်ချင်း ပြေးသွားကြည့်တယ်။ အသက် ပိုငယ်ပုံရတဲ့ ယောဟန်က အရင်ရောက်သွားတယ်။ ဒါပေမဲ့ သင်္ချိုင်းဂူ ပွင့်နေတာကို တွေ့လိုက်တဲ့အခါ သူ တွန့်သွားတယ်။ ပေတရုကျတော့ အမောဆို့နေပေမဲ့ ဂူထဲကို တန်းဝင်သွားတယ်။ ဂူထဲမှာ ဘာမှမရှိတော့ပါလား။—၂၂။ ဘယ်ဖြစ်ရပ်က ပေတရု ခံစားနေရတဲ့ ဝမ်းနည်းကြေကွဲစိတ်နဲ့ သံသယစိတ်တွေကို ပြေပျောက်သွားစေသလဲ။
၂၂ ယေရှု ရှင်ပြန်ထမြောက်သွားပြီလို့ ပေတရု သဘောပေါက်သွားသလား။ အစပိုင်းမှာ သူ အဲဒီလို မထင်သေးဘူး။ ကောင်းကင်တမန်တွေ ကိုယ်ထင်ရှားပြပြီး ယေရှု ရှင်ပြန်ထမြောက်ပြီလို့ ပြောခဲ့တဲ့အကြောင်း သစ္စာရှိ အမျိုးသမီးတွေ ပြောပြကြပေမဲ့လည်း သူ မယုံနိုင်သေးဘူး။ (လု. ၂၃:၅၅–၂၄:၁၁) ဒါပေမဲ့ အဲဒီနေ့ အကုန်ပိုင်းမှာ ပေတရုရဲ့ ဝမ်းနည်းမှုနဲ့ သံသယစိတ်တွေ လုံး၀ ပျောက်သွားတော့တယ်။ အခု ယေရှုဟာ တန်ခိုးကြီးတဲ့ နာမ်ဝိညာဉ် ပုဂ္ဂိုလ်တစ်ပါး ဖြစ်နေပြီ။ တမန်တော်အားလုံးကို ယေရှု ကိုယ်ထင်ရှားပြခဲ့တယ်။ အဲဒီမတိုင်ခင် ပေတရုတစ်ယောက်တည်းကိုပဲ ယေရှု ကိုယ်ထင်ရှားပြခဲ့တယ်။ အဲဒီနေ့မှာ တမန်တော်တွေက “သခင် အသက်ပြန်ရှင်လာတာ အမှန်ပဲ။ ရှိမုန်ကို လာတွေ့သွားတယ်” လို့ပြောတယ်။ (လု. ၂၄:၃၄) တမန်တော်ပေါလုကလည်း ထူးခြားတဲ့ အဲဒီနေ့မှာ ယေရှုဟာ “ကေဖကို၊ အဲဒီနောက် တမန်တော် ၁၂ ယောက်ကို ကိုယ်ထင်ပြခဲ့တယ်” လို့ နောက်ပိုင်းမှာ ရေးခဲ့တယ်။ (၁ ကော. ၁၅:၅) ကေဖ၊ ရှိမုန်ဆိုတာ ပေတရုရဲ့ တခြားနာမည်တွေ ဖြစ်တယ်။ အဲဒီနေ့ ပေတရု တစ်ယောက်တည်း ရှိနေချိန်မှာ သူ့ကို ယေရှု ကိုယ်ထင်ရှားပြခဲ့တယ်။
ပေတရုဟာ အကြိမ်ကြိမ် မှားခဲ့တဲ့ အတွက် ခွင့်လွှတ်ခံရဖို့ အများကြီး လိုအပ်ခဲ့၊ နေ့တိုင်း ခွင့်လွှတ်ခံရဖို့ မလိုတဲ့သူ ရှိပါသလား
၂၃။ အမှားလုပ်မိတဲ့ ဒီနေ့ခေတ် ခရစ်ယာန်တွေဟာ ပေတရုရဲ့ အဖြစ်ကို ဘာကြောင့် သတိရဖို့ လိုသလဲ။
၂၃ ယေရှုနဲ့ ပေတရု ပြန်တွေ့ဆုံချိန်မှာ ဘာတွေ ဖြစ်ပျက်ခဲ့တယ်ဆိုတာ ကျမ်းစာမှာ မဖော်ပြထားပါဘူး။ အသက်ပြန်ရှင်လာတဲ့ ချစ်ရတဲ့သခင် ယေရှုကို တွေ့တဲ့အခါ သူ စိတ်လှုပ်ရှားနေမှာ၊ သူ ဝမ်းနည်းကြေကွဲပြီး နောင်တရခဲ့တဲ့အကြောင်း ပြန်ပြောပြနေမှာကိုတော့ မြင်ယောင်ကြည့်နိုင်ပါတယ်။ တခြားအရာတွေထက် ပေတရု အလိုချင်ဆုံးက ခွင့်လွှတ်မှုပဲ။ သူ့ကို ယေရှု လိုလိုလားလား ခွင့်လွှတ်ခဲ့တာ သေချာပါတယ်။ ဒီနေ့ခေတ် အမှားလုပ်မိတဲ့ ခရစ်ယာန်တွေဟာ ပေတရုရဲ့ အဖြစ်ကို သတိရဖို့လိုတယ်။ ဘုရားသခင် ခွင့်လွှတ်မှာ မဟုတ်ဘူးလို့ ဘယ်တော့မှ မယူဆသင့်ဘူး။ ယေရှုလည်း “အကြွင်းမဲ့ ခွင့်လွှတ်” တဲ့ သူ့ဖခင် လိုပါပဲ။—ဟေရှာ. ၅၅:၇။
ခွင့်လွှတ်ကြောင်း ဖော်ပြတဲ့ နောက်ထပ်အထောက်အထား
၂၄၊ ၂၅။ (က) ဂါလိလဲအိုင်မှာ ပေတရု ငါးဖမ်းတဲ့ အဖြစ်အပျက်ကို ပြောပြပါ။ (ခ) နောက်နေ့မနက် ယေရှုပြတဲ့ အံ့ဖွယ်အလုပ်ကို ပေတရု ဘယ်လို တုံ့ပြန်သလဲ။
၂၄ ယေရှုက သူနဲ့ တွေ့ဖို့ တမန်တော်တွေကို ဂါလိလဲနယ်ဆီ သွားခိုင်းတယ်။ တမန်တော်တွေ အဲဒီကိုရောက်တော့ ဂါလိလဲအိုင်မှာ ငါးသွားဖမ်းမယ်လို့ ပေတရု ပြောတဲ့အခါ တခြားမ. ၂၆:၃၂။ ယော. ၂၁:၁-၃။
သူတွေလည်း လိုက်သွားတယ်။ ပေတရုဟာ သူ ကျင်လည်ခဲ့တဲ့ ဂါလိလဲအိုင်မှာ ပြန်ရောက်နေပြီး လှေရဲ့ တကျွိကျွိမြည်သံတွေ၊ လှိုင်းပုတ်သံတွေ၊ ပိုက်ကွန်တွေနဲ့ ကောင်းကောင်း ရင်းနှီးနေတယ်။ ဒါပေမဲ့ အဲဒီညမှာ သူတို့ ငါးတစ်ကောင်မှ မရခဲ့ကြဘူး။—ပေတရု လှေပေါ်ကနေ ခုန်ဆင်းပြီး ကမ်းစပ်ကို ရေကူးသွား
၂၅ အရုဏ်တက်ချိန်မှာ လူတစ်ယောက်က သူတို့ကို ကမ်းစပ်ကနေ လှမ်းခေါ်ပြီး လှေရဲ့ ညာဘက်မှာ ပိုက်ကွန်ကို ချခိုင်းတယ်။ သူပြောတဲ့အတိုင်း ပိုက်ကွန်ကို ချလိုက်တော့ ငါး ၁၅၃ ကောင်ပါလာတယ်။ ကမ်းပေါ်က လူဟာ ဘယ်သူလဲဆိုတာ ပေတရု သိလိုက်ပြီ။ ဒါနဲ့ လှေပေါ်ကနေ ချက်ချင်းခုန်ဆင်းပြီး ကမ်းစပ်ကို ရေကူးသွားတယ်။ ကမ်းပေါ်မှာ ယေရှုက သစ္စာရှိ မိတ်ဆွေတွေယော. ၂၁:၄-၁၄။
အတွက် မီးပုံပေါ်မှာ ကင်ထားတဲ့ ငါးကိုကျွေးတယ်။ အဲဒီနောက် ယေရှုဟာ ပေတရုကို ဦးတည်ပြီး စကားပြောခဲ့တယ်။—၂၆၊ ၂၇။ (က) ပေတရုကို ယေရှု ဘယ်အခွင့်အရေး သုံးကြိမ် ပေးခဲ့သလဲ။ (ခ) ပေတရုကို အကြွင်းမဲ့ ခွင့်လွှတ်တယ်ဆိုတာ ယေရှု ဘယ်လို သက်သေပြခဲ့သလဲ။
၂၆ ဖမ်းမိထားတဲ့ ငါးတွေကို လက်ညှိုးထိုးပြီး ယေရှုက ပေတရုကို “ဒီဟာတွေထက်” သခင်ကို ပိုချစ်သလားလို့ မေးတယ်။ ယေရှုနဲ့ ငါးဖမ်းလုပ်ငန်းကို နှိုင်းယှဉ်ရင် ဘယ်ဟာကို ပေတရု ပိုချစ်မြတ်နိုးမလဲ။ သခင်ကို သုံးခါ ငြင်းခဲ့တဲ့အတွက် အခု ယေရှုက ပေတရုကို တခြားသူတွေရှေ့မှာ သူ့ရဲ့မေတ္တာကို သုံးခါတိတိ ဖော်ထုတ်ခွင့်ပေးခဲ့တယ်။ ယေရှုကိုချစ်ကြောင်း ပေတရု ပြောတဲ့အခါတိုင်း အဲဒီမေတ္တာကို ဘယ်လိုပြရမလဲဆိုတာ ပြောပြခဲ့တယ်။ ခရစ်တော်ရဲ့ နောက်လိုက်တွေကို သွန်သင်ပေးတာ၊ ယုံကြည်ခြင်း ခိုင်ခံ့စေတာ၊ ထိန်းကျောင်းပေးတာက ယေဟောဝါဘုရားရဲ့ အလိုတော်ဖြစ်ပြီး ဒါကို ဘဝမှာ ဦးစားထား လုပ်ဆောင်ရမယ်လို့ ပြောခဲ့တယ်။—လု. ၂၂:၃၂။ ယော. ၂၁:၁၅-၁၇။
၂၇ ဒီနည်းနဲ့ ပေတရုဟာ သူ့အတွက်ရော သူ့ဖခင်အတွက်ပါ အသုံးဝင်နေဆဲပဲဆိုတာ ယေရှု စိတ်ချစေခဲ့တယ်။ ပေတရုဟာ ခရစ်တော်ရဲ့ လမ်းညွှန်မှုအောက်မှာရှိတဲ့ အသင်းတော်မှာ အရေးပါတဲ့ အခန်းကဏ္ဍကနေ ပါဝင်ခွင့်ရမှာ ဖြစ်တယ်။ သူ့ကို ယေရှု အကြွင်းမဲ့ ခွင့်လွှတ်တယ်ဆိုတာ ထိထိမိမိ ဖော်ပြလိုက်တာပဲ။ အဲဒီလို ခွင့်လွှတ်ခံရတာကို ပေတရု တကယ် ကျေးဇူးတင်ပြီး သူ့ရဲ့အမှားကနေ သင်ခန်းစာယူခဲ့တယ်။
၂၈။ ပေတရုဟာ သူ့နာမည်နဲ့အညီ ဘယ်လို ဖြစ်လာသလဲ။
၂၈ ပေတရုဟာ သူ့တာဝန်ကို နှစ်အတော်ကြာကြာ သစ္စာရှိရှိ ထမ်းဆောင်ခဲ့တယ်။ ယေရှု မသေဆုံးခင်ညမှာ မှာခဲ့တဲ့အတိုင်း ခရစ်ယာန်ညီအစ်ကိုချင်းတွေကို သူ အားပေးတည်ဆောက်ခဲ့တယ်။ ခရစ်တော်ရဲ့ နောက်လိုက်တွေကို ထိန်းကျောင်းပြီး သွန်သင်ပေးတဲ့အခါမှာလည်း ကြင်ကြင်နာနာ၊ စိတ်ရှည်ရှည် လုပ်ဆောင်ခဲ့တယ်။ ရှိမုန်ကို ကျောက်ဆောင်လို့ အဓိပ္ပာယ်ရှိတဲ့ ပေတရု ဆိုပြီး ယေရှု နာမည်ပေးခဲ့တယ်။ အဲဒီနာမည်အတိုင်းပဲ ပေတရုဟာ အသင်းတော်မှာ မယိမ်းယိုင်တဲ့၊ စိတ်ဓာတ်ကြံ့ခိုင်တဲ့၊ ယုံကြည်စိတ်ချရတဲ့ လူတစ်ယောက် ဖြစ်လာပါတယ်။ သူ အဲဒီလိုလူစား ဖြစ်ခဲ့တယ်ဆိုတာ ကျမ်းစာထဲမှာပါတဲ့ သူ့ရဲ့ မေတ္တာပါ စာနှစ်စောင်က သက်သေထူတယ်။ ခွင့်လွှတ်ခြင်းနဲ့ ပတ်သက်ပြီး ယေရှုဆီက သင်ယူသိရှိခဲ့တဲ့ သင်ခန်းစာကို သူဘယ်တော့မှ မမေ့ဘူးဆိုတာကိုလည်း အဲဒီစာနှစ်စောင်က ဖော်ပြတယ်။—၁ ပေတရု ၃:၈၊ ၉။ ၄:၈ ကိုဖတ်ပါ။
၂၉။ ပေတရုရဲ့ ယုံကြည်ခြင်းနဲ့ ယေရှုရဲ့ ကရုဏာကို ဘယ်လို အတုယူနိုင်သလဲ။
၂၉ ကျွန်တော်တို့လည်း သင်ခန်းစာ ယူနိုင်ပါတယ်။ အပြစ်တွေကို ခွင့်လွှတ်ပေးဖို့ နေ့တိုင်း ဘုရားသခင်ဆီ ဆုတောင်းနေသလား။ ခွင့်လွှတ်ခံရတဲ့အခါ သန့်ရှင်းစင်ကြယ်သွားပြီလို့ ယုံကြည်သလား။ တခြားသူတွေကိုလည်း ခွင့်လွှတ်နေပါသလား။ အဲဒီလို လုပ်နေတယ်ဆိုရင် ပေတရုရဲ့ ယုံကြည်ခြင်းနဲ့ ယေရှုရဲ့ ကရုဏာကို အတုယူတာ ဖြစ်ပါတယ်။