Sòm 115:1-18
115 O Jewova, se pa nou menm pou w bay glwa, non se pa nou menm*.Men, se non w pou w bay glwa+Poutèt lanmou w* ak fidelite w+.
2 Poukisa pou nasyon yo ta di:“Kote Bondye yo a+?”
3 Bondye nou an nan syèl laE li fè sa k fè l plezi.
4 Zidòl y ap sèvi yo fèt ann ajan ak lò.Se moun ki fè yo ak men yo+.
5 Yo gen bouch, men yo pa ka pale+.Yo gen je, men yo pa ka wè.
6 Yo gen zòrèy, men yo pa ka tande.Yo gen nen, men yo pa ka pran sant anyen.
7 Yo gen men, men yo pa ka manyen anyen.Yo gen pye, men yo pa ka mache+.Yo pa ka fè okenn son sot nan gòj yo+.
8 Moun ki fè zidòl sa yo ap vin menm jan ak yo+,E tout moun ki met konfyans yo nan yo ap vin menm jan an tou+.
9 O Izrayèl, se pou nou mete konfyans nou nan Jewova+.— Se li menm k ap ede nou e se li ki boukliye nou+.
10 O nou menm desandan Arawon yo+, se pou nou mete konfyans nou nan Jewova.— Se li menm k ap ede nou e se li ki boukliye nou.
11 Nou menm ki gen lakrentif pou Jewova, se pou nou mete konfyans nou nan Jewova+.— Se li menm k ap ede nou e se li ki boukliye nou+.
12 Jewova sonje nou e l ap beni nou.L ap beni pèp Izrayèl la+,L ap beni desandan Arawon yo.
13 Jewova ap beni moun ki gen lakrentif pou li yo,Ni moun ki nan gwo pozisyon, ni moun ki pa nan gwo pozisyon*.
14 Jewova ap fè ni nou menmNi pitit* nou yo vin anpil+.
15 Se pou Jewova beni nou+,Li menm ki fè syèl la ak tè a+.
16 Se pou Jewova syèl la ye+,Men li bay lèzòm tè a+.
17 Moun mouri pa ka fè louwanj pou Ja+,E pa gen yon moun ki nan tonm ki ka fè sa*+.
18 Men nou menm, n ap fè louwanj pou JaDepi kounye a e pou toutan.Louwe Ja*!
Nòt anba paj
^ Oswa: “Nou pa merite pou nou resevwa anyen, o Jewova, nou pa merite pou nou resevwa anyen”.
^ Oswa: “lanmou fidèl ou”.
^ Oswa: “Ni timoun, ni granmoun”.
^ Lit.: “pitit gason”.
^ Lit.: “Ni moun ki desann nan silans”.
^ Oswa: “Alelouya”. “Ya” oswa “Ja” se non Jewova yon fason ki kout.