Vakacava Ke Rau Veisere na Noqu iTubutubu?
Ka o rawa ni cakava
Veivosakitaka na ka o nanuma. Saga me rau kila na nomu itubutubu ni o rarawataka dina na nodrau veisere. De dua erau na rawa ni vakamacalataka na ituvaki qo mo kua kina nuiqawaqawa.
Ke rau sega ni rawa ni vakacegui iko, vakacava mo talaucaka na lomamu vua e dua nomu itokani matua.—Vosa Vakaibalebale 17:17.
Kena ikuri, e tu vakarau tale ga ni vakatudaliga na Tamada Vakalomalagi e ‘Daurogo masu.’ (Same 65:2) Koya gona talaucaka vua na lomamu ni “kauaitaki kemuni o koya.”—1 Pita 5:7.
Ka mo kua ni cakava
Nomu saga mo ciqoma nodrau veisere na nomu itubutubu’ e vaka sara ga na mavo ni liga e ramusu—e mosimosi na itekitekivu, oti sa na seavu yani
Kua ni katona na ca. E kaya o Daniel, a veisere na nona itubutubu ni se qai yabaki vitu, “erau sega ni veinanumi na noqu i itubutubu, rau sega ni bau vakasamataka na revurevu ni nodrau vakatulewa vei keitou na gone.”
Na cava e rawa ni yaco vei Daniel ke kubuta lo tiko nona cudru kei na nona cata na ka rau cakava nona itubutubu?—iDusidusi: Wilika Vosa Vakaibalebale 29:22.
Na cava me saga kina o Daniel me vosoti rau na nona itubutubu ena vakatulewa rau cakava?—iDusidusi: Wilika Efeso 4:31, 32.
Kua ni cakava na ka mo vakaleqai iko kina. E nanuma lesu o Denny: “Au rarawa qai lomabibi na gauna rau veisere kina na noqu itubutubu, au vakila na dredre e koronivuli yaco sara meu lutu ena veitarogi ena dua na yabaki. Oti ya ... au sa qai nodra daunivakaIasalasa na lewenikalasi qai dau vakatubu veivala e koronivuli.”
Cava o nanuma me baleti Denny, nona saga me dauvakalasalasa kei na nona dau vakatubu veivala?
Ena vukei Denny vakacava na ivakavuvuli e tiko ena Kalatia 6:7 me kua ni cakava na ka ena vakaleqai koya?
Na rarawa e dau taura na gauna me seavu kina. Ni sa vinaka tale na kemu ituvaki, sa na sega ni tale ni o vakila na rarawa qori.
Rawa ni o Wilika Tale ga
TARO E TAROGI WASOMA
Era Raica Vakacava na iVakadinadina i Jiova na Veisere?
Vakacava era dau veivuke na iVakadinadina i Jiova ena nodra leqa vakavuvale na veiwatini? Era na vakadonuya na ivakatawa ni ivavakoso ni veisere e dua na iVakadinadina?
KA ERA KAYA NOMU ICABA
Na Cava Au Kilai Kina?
Na isaunitaro qori ena vukei iko mo vosota na ituvaki dredre cava ga.
RA TAROGA NA ITABAGONE
Au na Walia Vakacava na Lomabibi?
E vakamacalataki ena ulutaga qo eso na vakatutu me Walia kina na lomabibi.
RA TAROGA NA ITABAGONE
Sala Cava Au na Lewa Vinaka Kina na iVakarau ni Lomaqu?
Era dau vakila e levu na itabagone ni veilecayaki na ivakarau ni lomadra. Ena rawa ni vukei iko nomu kila qai vulica na sala mo lewa vinaka kina na ivakarau ni lomamu.
