Keimami muria na rai ni iVolatabu me baleta na vakawati kei na veisere. Na Kalou e tauyavutaka na vakamau, e vinakata me dei nodrau vauci vata na tagane kei na yalewa. Ia na yavu duadua ga vakaivolatabu ni veisere, oya na veibutakoci.​—Maciu 19:5, 6, 9.

 Io, ena levu sara na sala:

•   iVola. E dau tabaki wasoma na ivola e veivuke vakalevu ina bula vakawati kei na bula vakawati mada ga e nanumi ni na sega ni rawa ni vinaka. Kena ivakaraitaki, raica na ulutaga “Dei Tiko ga ena Nomu Veidinadinati ni Vakawati,” “iBalebale ni Veivosoti,” kei na “Saga mo Drau Veinuitaki Tale.”

•   Soqoni. Keimami veivosakitaka ena vanua ni soqoni, soqo lelevu na ivakasala yaga ena iVolatabu me baleta na vakawati.

•   Qase ni ivavakoso. Era tu vakarau na qase mera vukei ira na veiwatini, ra qai soli ivakasala me vaka e laurai ena Efeso 5:22-25.

 Sega. Ke ra kerei mada ga na qase mera veivuke ena nodrau bula vakawati na veiwatini e sotava tiko na leqa, era na sega ga ni tukuna vei rau na veiwatini na ka me rau cakava. (Kalatia 6:5) Ia ke dua vei rau e via veisere qai sega ni yavutaki vakaivolatabu na veisere qori, ena sega ni rawa ni vakaitavi ena so na ka ni ivavakoso, ena sega tale ga ni rawa ni vakawati tale.​—1 Timoci 3:1, 5, 12.

 Ke drakidrakita mada ga na bula e kaya na iVolatabu ni dodonu me rau tiko vata ga na veiwatini. (1 Korinica 7:10-16) E levu na leqa e wali ni muri na ivakavuvuli vakaivolatabu, gumatua ena masu, kei na veilomani.​—1 Korinica 13:4-8; Kalatia 5:22.

 Eso na ituvaki vaka e volai toka e ra e dau vakatulewataka kina na lotu vaKarisito me veibiu tu mada kei watina:

•   Sega ni veitokoni.​—1 Timoci 5:8.

•   Dau veivakalolomataki.​—Same 11:5.

•   Vakaleqai na bula vakayalo. Kena ivakaraitaki, ena rairai saga na isa ni vakawati e sega ni iVakadinadina me beca o watina na ivakaro ni Kalou, o koya e vakalolomataki qori ena rairai vakatulewataka me rau veibiu. Qori na sala ena vakaraitaka ni “talairawarawa ga vua na Kalou ni iliuliu, sega vua na tamata.”​— Cakacaka 5:​29.