Vakacava Keu sa Bese na Vuli?
Qo na ka mo cakava
Na rai donu me baleta na vuli. Saga mo raitayaloyalotaka na gauna se bera mai. De dua e sega ni ganiti iko ena gauna qo eso na lesoni o vulica tiko. Ia na rabailevu ni ka o vulica ena vukei iko mo kila vinaka veika e yaco wavoliti keda tiko. Ena rawa tale ga kina mo “ka kece ga vei ira na tamata kece ga,” qai kila na vosa vei ira era cavutu mai na duidui vanua. (1 Korinica 9:22) Ena vinaka kina na ivakarau ni nomu vakasama—qo ena vukei iko ena gauna mai muri.
Na gauna ni vuli e vaka na ta gaunisala ena loma ni veikau—e rawa qori ke o vakayagataka na kena iyaya donu
Rai donu me baleti qasenivuli. Ke o nanuma ni matemate nomu qasenivuli, vakasamataka ga na ulutaga e veivakavulici tiko kina. Nanuma tiko, ni sa vakavulica vakavica vata na drau na lesoni qori na nomu qasenivuli. De dua sa na via dredre toka vua ni sa madra nona vakavulica tiko na ulutaga qori.
Vakatutu: Vakavola eso na veitikina bibi, vakataroga e levu tale na ka, qai saga mo taleitaka na ulutaga qori. Ni levu na ka o rawa ni cakava.
Rai donu ena ka o rawa ni cakava
E rawa ni vakavotui na nomu taledi e koronivuli. E vola o Paula vei Timoci: “Mo vakacaudreva me vaka na caudre ni buka na isolisoli ni Kalou vei iko.” (2 Timoci 1:6) Kena irairai ni soli vei Timoci na isolisoli ni yalo tabu. Ia ena vinakati me cakacakataki na “isolisoli” oya me kua kina ni mate se maumau. Na nomu kila ka e sega ni solia vakadodonu vei iko na Kalou. Ia na nomu taledi e yaga vakalevu. Na vuli e rawa ni vakavotuya mai na taledi o sega ni kila ni tu vei iko.
Rawa ni o Wilika Tale ga
RA TAROGA NA ITABAGONE
Au Rawa ni Veiyaloni Vakacava kei Noqu Qasenivuli?
Ke dau ca na nomu qasenivuli, qo na ka o rawa ni cakava mo marautaka kina na vuli. Tovolea mada so na vakatutu qo.
RA TAROGA NA ITABAGONE
Vakacava ke Sega ni Vinaka Noqu Maka ni Veitarogi?
Ni bera ni o soro koso, dikeva mada qo e lima na sala mo vakavinakataka kina na nomu maka ni veitarogi.
KA ERA KAYA NOMU ICABA
Cava Meu Cakava Keu Vakasagai?
De dua o na sega ni veisautaki ira na dauveisagai, ia o rawa ni veisautaka na ka o cakava vei ira.
