RA TAROGA NA ITABAGONE
Bulibuli se Bula Vakaidewadewa?—Wase 2: Cava Meu Vakalewa Kina na Bula Vakaidewadewa?
E lomatarotaro o Alex. E vakabauta na Kalou kei na ka e bulia, ia e usuraka o nona qasenivuli ni veikabula (biology) ni dina na bula vakaidewadewa baleta ni yavutaki ena vakadidike vakasaenisi. E sega ni vinakata o Alex me nanumi ni lialia. E kaya lo ga, ‘Ke ra vakadinadinataka na saenitisi ni dina na bula vakaidewadewa, o cei o yau meu lomatarotarotaka?’
E va tale ga qori na ka o sotava? De dua o vakabauta na ka e kaya na iVolatabu: “E bulia na lomalagi kei na vuravura na Kalou.” (Vakatekivu 1:1) Ia era saga eso mo vakabauta ni dina na bula vakaidewadewa qai italanoa lasu na bulibuli. Vakacava o na vakabauti ira? Cava mo vakalewa kina na bula vakaidewadewa?
Rua na vuna mo vakalewa kina na bula vakaidewadewa
Era sega ni vakabauta na saenitisi na bula vakaidewadewa. Dua na gauna balavu era vakadidike tiko kina, ia e duidui na ka era vakamacalataka me baleta na bula vakaidewadewa.
Vakasamataka mada: Me vaka ni duidui na ka era tukuna na saenitisi me baleta na bula vakaidewadewa, vakacava e cala ni o vakalewa?—Same 10:4.
E bibi na ka o vakabauta. E kaya e dua na cauravou o Zachary, “Ke basika ga vakacalaka na noda bula, ena sega ni vakainaki na ka kece ena vuravura.” E donu na ka e kaya. Ke dina mada ga na bula vakaidewadewa, ena sega ni vakainaki na bula. (1 Korinica 15:32) Ia ke dina na bulibuli, ena vakacegui na noda lomatarotaro me baleta na inaki ni bula kei na inuinui se bera mai.—Jeremaia 29:11.
Vakasamataka mada: Ena uqeti iko vakacava nomu kila na ka dina me baleta na bulibuli kei na bula vakaidewadewa?—Iperiu 11:1.
Taro mo vakasamataka
KA ERA TUKUNA: ‘Basika vakacalaka na ka kece e vuravura ena dua na kacabote levu.’
O cei, se na cava e vakavuna na kacabote levu?
E vakaibalebale ni basika vakacalaka na ka kece, se buli?
KA ERA TUKUNA: ‘Eda vu mai na manumanu.’
Ke da vu mai na manumanu, kena ivakaraitaki na maqe, na cava era sega ni vuku kina me vakataki keda? *
Cava sa rui vereverea kina na ka somidi? *
KA ERA TUKUNA: ‘E tiko na ivakadinadina ni bula vakaidewadewa.’
Vakacava o koya e tukuna qori, sa raica vakataki koya na ivakadinadina?
Era le vica era vakabauta na bula vakaidewadewa ni tukuni nira vakabauta kece na vuku?
^ para. 18 Era tukuna eso nida vuku sara vei ira na maqe ni ka levu na noda mona. Ia e sega ni dina qori, raica na brochure The Origin of Life—Five Questions Worth Asking, tabana e 28.
^ para. 19 Raica na brochure The Origin of Life—Five Questions Worth Asking, tabana e 8-12.
Rawa ni o Wilika Tale ga
ME VAKALEWENI
Na Cava Au Vakabauta Kina na Kalou?
Tu vakarau ni vakamacalataka nomu vakabauta ena veidokai kei na doudou.
RA TAROGA NA ITABAGONE
Bulibuli se Bula Vakaidewadewa?—Wase 1:Vuna Mo Vakabauta Kina na Kalou
O via vakamacalataka ena doudou na vuna o vakabauta kina na Kalou? Vulica na ka mo kaya ke so era vakataroga na ka o vakabauta.
RA TAROGA NA ITABAGONE
Bulibuli se Bula Vakaidewadewa?—Wase 3: Cava Meu Vakabauta Kina na Bulibuli?
Ke o vakabauta na bulibuli, o sega ni duavata kei na ka vakasaenisi?
RA TAROGA NA ITABAGONE
Bulibuli se Bula Vakaidewadewa?—Wase 4: Au na Vakamacalataka Vakacava na ka Au Vakabauta me Baleta na Veika Buli?
E sega ni gadrevi mo kila vinaka na veika vakasaenisi mo rawa ni vakamacalataka na vuna o vakabauta kina ni buli na veika e tu e vuravura. Vakayagataka na ivakamacala rawarawa qai matata ena iVolatabu.
