కీర్తనలు 77:1-20
సంగీత నిర్దేశకునికి సూచన; యెదూతూను* అనే రాగంలో పాడాలి. ఆసాపు+ కీర్తన. శ్రావ్యగీతం.
77 నేను బిగ్గరగా దేవునికి మొరపెడతాను;నేను దేవునికి మొరపెడతాను, ఆయన నా మొర వింటాడు.+
2 కష్టకాలంలో నేను యెహోవాను వెదుకుతాను.+
రాత్రంతా నా చేతులు ఆయన వైపే చాపి ఉంచుతాను.
నా ప్రాణం ఓదార్పు పొందలేకపోతోంది.
3 దేవుణ్ణి గుర్తుచేసుకున్నప్పుడు నేను నిట్టూర్పు విడుస్తున్నాను;+నా మనసు బాధగా ఉంది, నా బలం క్షీణిస్తోంది.+ (సెలా)
4 నువ్వు నా కళ్లను మూతపడనివ్వట్లేదు;నేను కలవరపడుతున్నాను, మాట్లాడలేకపోతున్నాను.
5 నా ఆలోచనలు వెనకటి రోజుల వైపు,పాత సంవత్సరాల వైపు మళ్లుతున్నాయి.+
6 రాత్రివేళ నేను నా పాటను* గుర్తుచేసుకుంటాను;+నా హృదయంలో ధ్యానిస్తాను;+శ్రద్ధగా పరిశోధిస్తాను.
7 యెహోవా మమ్మల్ని శాశ్వతంగా వదిలేస్తాడా?+
ఇంకెప్పుడూ మామీద తన అనుగ్రహం చూపించడా?+
8 ఆయన విశ్వసనీయ ప్రేమ చూపించడం శాశ్వతంగా ఆపేశాడా?
ఆయన వాగ్దాన నెరవేర్పును ఏ ఒక్క తరమూ చూడదా?
9 దేవుడు దయ చూపించడం మర్చిపోయాడా?+కోపంతో కరుణ చూపించడం ఆపేశాడా? (సెలా)
10 “సర్వోన్నతుడు మాకు సహాయం చేయడం మానేశాడన్న
ఆలోచనే నన్ను తొలిచేస్తుంది” అని నేను అంటూ ఉండాలా?+
11 నేను యెహోవా* పనుల్ని గుర్తుచేసుకుంటాను;చాలాకాలం క్రితం నువ్వు చేసిన ఆశ్చర్యకార్యాల్ని గుర్తుచేసుకుంటాను.
12 నీ పనులన్నిటినీ ధ్యానిస్తాను,నీ కార్యాల గురించి లోతుగా ఆలోచిస్తాను.+
13 దేవా, నీ మార్గాలు పవిత్రమైనవి.
దేవా, నీ అంత గొప్ప దేవుడు ఎవరు?+
14 నువ్వు సత్యదేవుడివి, ఆశ్చర్యకార్యాలు చేస్తావు.+
దేశదేశాల ప్రజల మధ్య నువ్వు నీ బలాన్ని చూపించావు.+
15 నీ శక్తితో* నీ ప్రజలైనయాకోబు కుమారుల్ని, యోసేపు కుమారుల్ని రక్షించావు.*+ (సెలా)
16 దేవా, జలాలు నిన్ను చూశాయి;నీళ్లు నిన్ను చూసి వణికిపోయాయి.+
అగాధ జలాలు అల్లకల్లోలంగా తయారయ్యాయి.
17 మేఘాలు వర్షించాయి.
మేఘాలతో నిండిన ఆకాశం ఉరిమింది,బాణాల్లాంటి నీ మెరుపులు అంతటా మెరిశాయి.+
18 నీ ఉరుముల శబ్దం+ రథ చక్రాల శబ్దంలా ఉంది;నీ మెరుపులు లోకానికి వెలుగిచ్చాయి;భూమి వణికింది, కంపించింది.+
19 నీ దారి సముద్రంలో నుండి వెళ్లింది,+నీ మార్గం అనేక జలాల్లో నుండి వెళ్లింది;కానీ నీ అడుగుల జాడలు ఎక్కడా కనిపించలేదు.
20 మోషే, అహరోనుల సంరక్షణలో*+ నువ్వునీ ప్రజల్ని ఒక మందలా నడిపించావు.+
అధస్సూచీలు
^ లేదా “తంతివాద్య సంగీతాన్ని.”
^ అక్ష., “యా.” ఇది యెహోవా పేరుకు సంక్షిప్త రూపం.
^ అక్ష., “బాహువుతో.”
^ అక్ష., “విడిపించావు.”
^ అక్ష., “చేత.”
