కీర్తనలు 36:1-12
సంగీత నిర్దేశకునికి సూచన. యెహోవా సేవకుడైన దావీదు కీర్తన.
36 దుష్టుని హృదయం లోలోపల, అపరాధం అతనితో మాట్లాడుతుంది;అతనికి దేవుడంటే భయమే లేదు.+
2 అతను తన గురించి ఎంతగా గొప్పలు చెప్పుకుంటాడంటేతన తప్పును చూడలేడు, దాన్ని ద్వేషించలేడు.+
3 అతని నోటి మాటలు హానికరమైనవి, మోసకరమైనవి;మంచి చేయడానికి కావాల్సిన లోతైన అవగాహన అతనికి లేదు.
4 అతను తన మంచం మీద ఉన్నప్పుడు కూడా పన్నాగాలు పన్నుతాడు.
అతను వెళ్లే మార్గం మంచిదికాదు;అతను చెడును తిరస్కరించడు.
5 యెహోవా, నీ విశ్వసనీయ ప్రేమ ఆకాశం వరకు,నీ నమ్మకత్వం మబ్బుల వరకు చేరుకుంటున్నాయి.+
6 నీ నీతి గొప్ప పర్వతాల్లా,*+నీ తీర్పులు విస్తారమైన, లోతైన జలాల్లా ఉన్నాయి.+
యెహోవా, నువ్వు మనుషుల్ని, జంతువుల్ని సంరక్షిస్తావు.*+
7 దేవా, నీ విశ్వసనీయ ప్రేమ ఎంత అమూల్యమైనది!+
నీ రెక్కల నీడలో మనుషులు ఆశ్రయం పొందుతారు.+
8 నీ మందిరంలో ఉన్న శ్రేష్ఠమైన* వాటిని వాళ్లు సంతృప్తిగా తాగుతారు,+నువ్వు వాళ్లను నీ మంచితనమనే నది నుండి తాగేలా చేస్తావు.
9 నీ దగ్గర జీవపు ఊట ఉంది;+నీ వెలుగు వల్లే మేము వెలుగు చూడగలుగుతున్నాం.+
10 నిన్ను తెలుసుకున్నవాళ్లకు నీ విశ్వసనీయ ప్రేమను,హృదయంలో నిజాయితీగల వాళ్లకు+ నీ నీతిని చూపిస్తూ ఉండు.
11 అహంకారుల పాదం నన్ను తొక్కనివ్వకు,దుష్టుల చెయ్యి నన్ను వెళ్లగొట్టనివ్వకు.
12 అక్కడ అపరాధులు పడిపోయారు;వాళ్లను కింద పడేశారు, వాళ్లు ఇక లేవరు.+
