కీర్తనలు 1:1-6
1 దుష్టుల సలహా ప్రకారం నడుచుకోకుండా,పాపుల మార్గంలో నిలబడకుండా,ఎగతాళి చేసేవాళ్లతో కూర్చోకుండా ఉండే వ్యక్తి సంతోషంగా ఉంటాడు.+
2 అతను యెహోవా ధర్మశాస్త్రాన్ని బట్టి ఆనందిస్తూ,+పగలూ రాత్రీ దాన్ని ధ్యానిస్తాడు.*+
3 అతను నీటి కాలువల పక్కనే నాటబడి,దాని కాలంలో ఫలాలు ఇచ్చేపచ్చని* చెట్టులా ఉంటాడు.
అతను చేసే ప్రతీది సఫలమౌతుంది.+
4 కానీ దుష్టులు అలా ఉండరు;వాళ్లు గాలికి కొట్టుకుపోయే పొట్టులా ఉంటారు.
5 అందుకే తీర్పు తీర్చే సమయంలో దుష్టులు,నీతిమంతుల సమాజంలో పాపులు నిలబడలేరు.+
6 నీతిమంతుల మార్గం యెహోవాకు తెలుసు,+
దుష్టుల మార్గం నాశనమౌతుంది.
