Lalai 46:1-11
Kɛhã lalatsɔɔlɔ lɛ. Kora bihii lɛ anɔ.+ Yɛ Alamot gbɛ nɔ.* Lala.
46 Nyɔŋmɔ ji wɔbobaahe kɛ wɔhewalɛ,+Mɔ ni yeɔ ebuaa wɔ oya yɛ haomɔ beiaŋ.+
2 No hewɔ ni wɔsheŋ gbeyei kɛ́ shikpɔŋ lɛ nɔ tsake,Ni gɔji lɛ hoso ni amɛbote ŋshɔ lɛ shishi,+
3 Ni emli nui lɛ fee hamahama ni ehiɛ tswa afui,+Ni gɔji lɛ hoso yɛ bɔ ni efeɔ hamahama lɛ hewɔ po. (Sela)
4 Faa ko yɛ ni eniji lɛ hãa Nyɔŋmɔ maŋ lɛ náa miishɛɛ,+Mɔ Ni Nɔ Kwɔ Fe Fɛɛ lɛ sɔlemɔ buu kpele krɔŋkrɔŋ lɛ.
5 Nyɔŋmɔ yɛ maŋ lɛ mli;+ anyɛŋ abutu maŋ lɛ.
Leebi maŋkpa lɛ, Nyɔŋmɔ baaba koni ebaye ebua lɛ.+
6 Jeŋmaji lɛ fee hoo, abutu maŋtsɛyelii lɛ;Ewó egbee nɔ, ni shikpɔŋ lɛ sere.+
7 Yehowa, taiatsɛ lɛ, kɛ wɔ yɛ;+Yakob Nyɔŋmɔ lɛ ji wɔbobaahe ni yɔɔ shweshweeshwe.* (Sela)
8 Nyɛbaa ni nyɛbayea Yehowa nitsumɔi lɛ ahe odase,Naakpɛɛ nibii ni efee yɛ shikpɔŋ lɛ nɔ lɛ.
9 Ebaafo tai asɛɛ yɛ shikpɔŋ lɛ nɔ fɛɛ.+
Ekuɔ gãi mli ni efolɔɔ akpɔlɔ mli;Ekɛ la shãa ta shwiilii* lɛ.
10 “Nyɛfea diŋŋ, ni nyɛnáa nyɛlea akɛ miji Nyɔŋmɔ.
Abaawó minɔ gojoo yɛ jeŋmaji lɛ ateŋ;+Abaawó minɔ gojoo yɛ shikpɔŋ lɛ nɔ.”+
11 Yehowa, taiatsɛ lɛ, kɛ wɔ yɛ;+Yakob Nyɔŋmɔ lɛ ji abobaahe ni yɔɔ shweshweeshwe kɛhã wɔ.+ (Sela)
Shishigbɛ Niŋmaa
^ Kwɛmɔ Wiemɔi Titrii Amligbalamɔ lɛ.
^ Loo “wɔgɔŋ nɔ mɔɔ ni yɔɔ shweshweeshwe.”
^ Shishitsɔɔmɔi komɛi kɛɔ akɛ, “Ekɛ la shãa tsɛŋi.”
