Lalai 36:1-12
Kɛhã lalatsɔɔlɔ lɛ. Yehowa tsulɔ David nɔ.
36 Nɔtɔmɔ kɛ mɔ fɔŋ wieɔ yɛ etsui mli tɔ̃ɔ;Nyɔŋmɔ gbeyeishemɔ kome folo po bɛ ehiɛ.+
2 Akɛni enaa ehe aahu tsɔ hewɔ lɛ,Enaaa etɔmɔ lɛ ni ebaanyaŋe.+
3 Edaaŋ wiemɔ yeɔ mɔ awui ni elakaa mɔ;Ebɛ sɛɛyoomɔ ni ekɛaafee ekpakpa.
4 Etsɔɔ ŋaa fɔji yɛ esaa nɔ po.
Edamɔɔ gbɛ ni ehiii nɔ;Etsiii ehe kɛjeee efɔŋ he.
5 Ao Yehowa, osuɔmɔ ni tsakeee lɛ shɛɔ ŋwɛi tɔ̃ɔ,+Ni onɔkwayeli lɛ shɛɔ atatuiaŋ tɔ̃ɔ.
6 Ojalɛ lɛ tamɔ gɔji wujiwuji;*+Oyiŋkpɛi* lɛ tamɔ nui babaoo ni mli kwɔlɔ.+
Ao Yehowa, bo obaa gbɔmɛi kɛ kooloi ayi.*+
7 Ao Nyɔŋmɔ, osuɔmɔ ni tsakeee lɛ jara wa diɛŋtsɛ!+
Ofiji ashishi hɔɔŋ lɛ mli gbɔmɛi abii baa abo yɛ.+
8 Amɛnuɔ oshĩa lɛ mli nibii kpakpai* lɛ ni amɛtɔrɔɔ,+Ni ohãa amɛnuɔ omiishɛɛ lɛ tamɔ faa ni hoɔ.+
9 Bo oŋɔɔ wala jɛɔ;+Ola lɛ ji nɔ ni hãa wɔhiŋmɛi naa la.+
10 Yaa nɔ ojie osuɔmɔ ni tsakeee lɛ kpo otsɔɔ mɛi ni le bo lɛ,+Kɛ ojalɛ lɛ hu, otsɔɔ mɛi ni ja yɛ amɛtsui mli lɛ.+
11 Kaahã henɔwolɔi kɛ amɛnaji naanaa minɔNi kaahã mɛi fɔji kɛ amɛniji shwie mi.
12 Jɛmɛ ji he ni efɔŋfeelɔi lɛ gbeɔ shi yɛ;Atsirɛ amɛ atswia shi ni amɛteŋ shi dɔŋŋ.+
Shishigbɛ Niŋmaa
^ Loo “ohereɔ gbɔmɛi kɛ kooloi ayiwala.”
^ Loo “Okojomɔi.”
^ Hebri sht. ŋm., “tamɔ Nyɔŋmɔ gɔji.”
^ Hebri sht. ŋm., “oshĩa lɛ mli fɔ.”
