Lalai 41:1-13
Kɛhã lalatsɔɔlɔ lɛ. Lala ni David fo.
41 Mɔ fɛɛ mɔ ni naa mɔ ni bɛ yelikɛbualɔ mɔbɔ lɛ yɛ miishɛɛ;+Yehowa baajie lɛ yɛ haomɔ gbi lɛ nɔ.
2 Yehowa baabu ehe ni ebaahã ehi wala mli.
Abaabu lɛ mɔ ni yɔɔ miishɛɛ yɛ shikpɔŋ lɛ nɔ;+Okɛ lɛ woŋ ehenyɛlɔi ni taoɔ lɛ lɛ adɛŋ* kɔkɔɔkɔ.+
3 Yehowa baakwɛ lɛ yɛ ehela saa nɔ;+Yɛ ehela lɛ mli lɛ, obaatsake esaa lɛ kwraa.
4 Ejaakɛ mikɛɛ akɛ: “Ao Yehowa, naa mi mɔbɔ.+
Tsa mi,*+ ejaakɛ mifee esha mishi bo.”+
5 Shi mihenyɛlɔi lɛ wieɔ mihe sane fɔŋ akɛ:
“Mɛɛ be ebaagbo ni egbɛ́i alaaje?”
6 Kɛ́ amɛteŋ mɔ ko basara mi lɛ, emaleɔ yɛ etsui mli.
Ebuaa saji fɔji anaa koni eyawie;Kɛkɛ lɛ, kɛ́ etee lɛ, eyagbɛ eshwã.
7 Mɛi ni nyɛɔ mi lɛ fɛɛ kɛ amɛhe wieɔ ablɛbi;Amɛtsɔɔ mihe ŋaa fɔŋ amɛkɛɔ akɛ:
8 “Sane fɔŋ eba enɔ;Shi ni ekã nɛɛ, eteŋ shi dɔŋŋ.”+
9 Mɔ ni toiŋjɔlɛ yɔɔ mi kɛ lɛ teŋ, ni miheɔ lɛ miyeɔ,+Ni eyeɔ miblodo* lɛ po ewó enanetsitsi eshi mi.*+
10 Shi Ao Yehowa, naa mi mɔbɔ ni owó minɔ,Koni magbala amɛtoi yɛ nɔ ni amɛfee lɛ he.
11 Nɔ ni mikɛaale akɛ oyɛ mihe miishɛɛ ji enɛ:
Kɛ́ mihenyɛlɔi lɛ bolɔɔɔ akɛ amɛye minɔ lɛ.+
12 Mi lɛ, minɔkwayeli lɛ hewɔ lɛ, osumɔɔ misane;+Obaahã mahi ohiɛ kɛya naanɔ.+
13 Ajie Yehowa, Israel Nyɔŋmɔ lɛ yiKɛya naanɔi anaanɔ.*+
Amen, Amen.
Shishigbɛ Niŋmaa
^ Loo “ehenyɛlɔi asusuma dɛŋ.” Kwɛmɔ Wiemɔi Titrii Amligbalamɔ lɛ.
^ Loo “misusuma.”
^ Loo “miniyenii.”
^ Loo “ete shi ewo mi.”
^ Loo “Kɛjɛ naanɔ kɛyashi naanɔ.”