Lalai 37:1-40
David nɔ.
א [Alef]
37 Omli akawo la* yɛ efɔŋfeelɔi ahewɔNi ohiɛ akakɔ̃ mɛi ni feɔ nii ni ejaaa lɛ anɔ.+
2 Amɛbaagbi oya tamɔ jwɛi+Ni amɛbaabɛ tamɔ jwɛi fɔ ni ekwɛ̃.
ב [Bet]
3 Okɛ ohiɛ afɔ̃ Yehowa nɔ, ní ofee ekpakpa;+Hii shikpɔŋ lɛ nɔ, ní oye anɔkwa.+
4 Omii ashɛ ohe waa yɛ Yehowa hewɔ,*Ni ebaahã bo nibii ni otsui taoɔ lɛ.
ג [Gimel]
5 Okɛ gbɛ ni onyiɛ nɔ lɛ afɔ̃ Yehowa hiɛ;*+Okɛ ohiɛ afɔ̃ enɔ, ni ebaatsu nibii ahe nii ehã bo.+
6 Ebaahã ojalɛ nifeemɔi lɛ akpɛ tamɔ jetsɛremɔ,Kɛ ojalɛsaneyeli lɛ hu tamɔ hulu ni miitso shwane fintiŋŋ.
ד [Dalet]
7 Feemɔ diŋŋ yɛ Yehowa hiɛ+Ni oto otsui shi omɛ lɛ.*
Kaahã gbɔmɔ wo omli laGbɔmɔ ni tsuɔ eŋaatsɔi ahe nii lɛ.+
ה [He]
8 Kaahã omli fu, ni kaahã omli wo la hu;+Kaahã omli wo la ni oyafee efɔŋ.*
9 Ejaakɛ abaajie efɔŋfeelɔi lɛ kɛje jɛmɛ,+Shi mɛi ni hiɛ kã Yehowa nɔ lɛ, shikpɔŋ lɛ baatsɔ amɛnɔ.+
ו [Waw]
10 Eshwɛ be fioo kɛkɛ, ni onaŋ mɛi fɔji lɛ dɔŋŋ;+Obaayakwɛ he ni amɛyɔɔ lɛ,Shi onaŋ amɛ yɛ jɛmɛ.+
11 Shi mɛi ni he jɔ* lɛ, shikpɔŋ lɛ baatsɔ amɛnɔ,+Ni amɛmii baashɛ amɛhe waa yɛ toiŋjɔlɛ babaoo mli.+
ז [Zayin]
12 Mɔ fɔŋ tsɔɔ jalɔ he ŋaa;+Ekpeɔ enyanyɔjiashi ewoɔ lɛ.
13 Shi Yehowa baaŋmɔ lɛ,Ejaakɛ ele* akɛ egbi baaba.+
ח [Het]
14 Mɛi fɔji gbalaa amɛklantei ni amɛdɔrɔɔ amɛgãii amli*Koni amɛtsi nɔnalɔi kɛ ohiafoi amɛtswia shi,Koni amɛgbe mɛi ni gbɛ ja lɛ.
15 Shi amɛklante lɛ baagbulɔ amɛ diɛŋtsɛ amɛtsui;+Amɛgãii lɛ baakumɔ.
ט [Tet]
16 Nii fioo ni jalɔ yɔɔ lɛ,Ehi fe nii babaoo ni mɛi fɔji babaoo yɔɔ lɛ.+
17 Ejaakɛ abaakumɔ mɛi fɔji aniji,Shi jalɔi lɛ, Yehowa baaye ebua amɛ.
י [Yod]
18 Yehowa le shihilɛ ni mɛi ni sane ko bɛ amɛhe lɛ tsɔɔ mli lɛ,*Ni amɛgboshinii lɛ baahi shi kɛya naanɔ.+
19 Amɛhiɛ gboiŋ yɛ amanehulu beiaŋ;Hɔmɔ beiaŋ po lɛ, amɛbaaná niyenii babaoo.
כ [Kaf]
20 Shi mɛi fɔji lɛ ahiɛ baakpãtã;+Yehowa henyɛlɔi lɛ baalaaje tamɔ jwɛi frɔ̃frɔ̃;Amɛbaalaaje tamɔ lasu.
ל [Lamed]
21 Mɔ fɔŋ faa nii, ni ewooo nyɔmɔ,Shi jalɔ feɔ ejurɔ,* ni ehãa mɔ nɔ.+
22 Mɛi ni ejɔɔ* amɛ lɛ, shikpɔŋ lɛ baatsɔ amɛnɔ,Shi mɛi ni elomɔ* amɛ lɛ, abaajie amɛ kɛje nɔ.+
מ [Mem]
23 Kɛ́ Yehowa ná gbɛ ni gbɔmɔ nyiɛ nɔ lɛ he miishɛɛ lɛ,+Ekudɔɔ enajifaamɔi.*+
24 Ebaanyɛ egbee shi moŋ, shi awóŋ lɛ atswaŋ shi,+Ejaakɛ Yehowa hiɛ enine mli.*+
נ [Nun]
25 Tsutsu ko lɛ, gbekɛ ji mi, shi amrɔ nɛɛ migbɔ,Shi minako jalɔ ni akwa lɛ pɛŋ,+Loo jalɔ ni ebii miitao niyenii.*+
26 Ejɛɔ esuɔmɔ mli ekɛ nii faa daa,+Ni jɔɔmɔ kã shi hã ebii lɛ.
ס [Samek]
27 Tsi ohe kɛje efɔŋ he ni ofee ekpakpa,+Ni obaahi shi kɛya naanɔ.
28 Ejaakɛ Yehowa sumɔɔ jalɛ sane,Ni ekwaŋ enɔkwafoi lɛ.+
ע [Ayin]
Abaabu amɛhe daa;+Shi abaajie mɛi fɔji aseshibii lɛ kɛje jɛmɛ.+
29 Jalɔi lɛ, shikpɔŋ lɛ baatsɔ amɛnɔ,+Ni amɛbaahi nɔ kɛya naanɔ.+
פ [Pe]
30 Jalɔ naabu wieɔ hiɛshikamɔ wiemɔi,*Ni elilɛi wieɔ nɔ ni ja.*+
31 E-Nyɔŋmɔ lɛ mla lɛ yɛ etsui mli;+Enajifaamɔi lɛ shaneŋ.+
צ [Tsade]
32 Mɔ fɔŋ hiŋmɛii kã jalɔ he,Eetao lɛ egbe.
33 Shi Yehowa eŋmɛŋ ehe ewoŋ nakai mɔ lɛ dɛŋ+Ni kɛ́ akojo lɛ lɛ, ehãŋ abu lɛ fɔ.+
ק [Kof]
34 Okɛ ohiɛ afɔ̃ Yehowa nɔ, ni onyiɛ egbɛ lɛ nɔ,Ni ebaawó onɔ koni shikpɔŋ lɛ atsɔ onɔ.
Kɛ́ aajie mɛi fɔji lɛ kɛmiije nɔ lɛ,+ obaana.+
ר [Resh]
35 Mina mɔ fɔŋ yitsoŋwalɔ koNi lɛɔ shi tamɔ tso ni ebu kusuu yɛ lɛ diɛŋtsɛ esũ mli.+
36 Shi elaaje trukaa ni anaaa lɛ dɔŋŋ;+Mitee nɔ mitao lɛ, shi minaaa lɛ.+
ש [Shin]
37 Kwɛmɔ mɔ ni sane ko bɛ ehe lɛ,*Ni okɛ ohiŋmɛi ama mɔ ni ja+ lɛ nɔ,Ejaakɛ nakai mɔ lɛ baaná toiŋjɔlɛ wɔsɛɛ.+
38 Shi abaakpãtã mɛi ni tɔ̃ɔ lɛ fɛɛ ahiɛ;Abaafo mɛi fɔji awɔsɛɛ be lɛ nɔ.+
ת [Taw]
39 Jalɔi lɛ, amɛyiwalaheremɔ lɛ jɛ Yehowa ŋɔɔ;+Lɛ ji amɛteemɔhe yɛ haomɔ beiaŋ.+
40 Yehowa baaye abua amɛ ni ebaajie amɛ.+
Ebaajie amɛ kɛje mɛi fɔji adɛŋ ni ebaahere amɛ,Ejaakɛ amɛbaa lɛ abo.+
Shishigbɛ Niŋmaa
^ Loo “Kaahã otsui ba.”
^ Loo “Hã Yehowa ahã omii ashɛ ohe waa.”
^ Hebri sht. ŋm., “Koklomɔ ogbɛ lɛ ofɔ̃ Yehowa nɔ.”
^ Loo “Ni omɛ lɛ ni okpa lɛ gbɛ.”
^ Shishitsɔɔmɔi komɛi kɛɔ akɛ, “Kaahã omli wo la, ejaakɛ efɔŋfeemɔ mli kɛkɛ ekɛ mɔ yaa.”
^ Loo “heshibalɔi.”
^ Ni ji, Nyɔŋmɔ.
^ Loo “ni amɛwoɔ amɛgãii amli kpãi.”
^ Hebri sht. ŋm., “mɛi ni sane ko bɛ amɛhe lɛ agbii lɛ.”
^ Loo “naa mɔbɔ.”
^ Ni ji, Nyɔŋmɔ.
^ Ni ji, Nyɔŋmɔ.
^ Loo “Ehãa enajifaamɔi maa shi shiŋŋ.”
^ Loo “Yehowa nine hiɛ emli.”
^ Hebri sht. ŋm., “blodo.”
^ Loo “wieɔ jalɛ sane he.”
^ Loo “wieɔ hiɛshikamɔ wiemɔi yɛ ablɛbiaŋ.”
^ Loo “mɔ ni yeɔ anɔkwa lɛ.”
