“Jeŋmaŋ baate shi awo jeŋmaŋ, ni maŋtsɛyeli baate shi awo maŋtsɛyeli . . . Enɛɛmɛi fɛɛ lɛ, kɔ̃ɔmɔi lɛ ashishijee ni.”

Mateo 24:7, 8

“Amale gbalɔi pii baate shi ni amɛbaalaka mɛi pii; ni akɛni abaaya nɔ afee nibii babaoo ni mla eŋmɛɛɛ gbɛ hewɔ lɛ, mɛi pii asuɔmɔ lɛ he baajɔ.”

Mateo 24:11, 12

“Kɛ́ nyɛnu tai kɛ tai amaniɛbɔi ahe lɛ, nyɛtsui akafãa; esa akɛ nibii nɛɛ aba mli, shi naagbee lɛ shɛko.”

Marko 13:7

“Shikpɔŋhosomɔi wuji baaba, ni hɔmɔ kɛ tsɛŋemɔ helai ni gbeɔ mɔ baaba yɛ heihei; ni abaana gbeyei nibii, ni okadii kpelei baajɛ ŋwɛi aba.”

Luka 21:11

 “Naagbee gbii lɛ amli lɛ, bei krɛdɛi ni mli shihilɛ wa baaba. Ejaakɛ gbɔmɛi baatsɔmɔ hesuɔlɔi, shikasuɔlɔi, shwãlɔi, henɔwolɔi, mɛi ni wieɔ wiemɔi fɔji, fɔlɔi anɔ toigbolɔi, mɛi ni hiɛ esɔɔɔ nii, mɛi ni yeee anɔkwa, mɛi ni bɛ suɔmɔ kɛhã amɛweku mli bii, mɛi ni anyɛɛɛ akɛ amɛ afee kpaŋmɔ, mɛi ni wieɔ mɛi krokomɛi ahe efɔŋ, mɛi ni nyɛɛɛ amɛhe nɔ amɛye, mɛi ni hiɛ yɔɔ la, mɛi ni sumɔɔɔ ekpakpa, mɛi ni jieɔ mɛi amɛhãa, kuɛŋtilɔi, mɛi ni naa amɛhe tsɔ, mɛi ni sumɔɔ shwɛmɔ-kɛ-ŋɔɔmɔ fe Nyɔŋmɔ, mɛi ni anaa amɛ akɛ amɛsumɔɔ Nyɔŋmɔjamɔ shi amɛhãaa ená amɛnɔ hewalɛ lɛ.”

2 Timoteo 3:1-5