Lalai 115:1-18
115 Okɛkahã wɔ, Ao Yehowa, okɛkahã wɔ,*Shi okɛ anunyam lɛ ahã ogbɛ́i lɛ moŋ+Yɛ osuɔmɔ ni tsakeee kɛ onɔkwayeli lɛ hewɔ.+
2 Mɛni hewɔ jeŋmaji lɛ kɛɔ akɛ:
“Nɛgbɛ amɛ-Nyɔŋmɔ lɛ yɔɔ?” lɛ.+
3 Wɔ-Nyɔŋmɔ lɛ, ŋwɛi eyɔɔ;Efeɔ nɔ fɛɛ nɔ ni esumɔɔ.
4 Amɛmagai lɛ, jwiɛtɛi kɛ shika tsuru kɛkɛ ni,Gbɔmɛi aninenaa nitsumɔi ni.+
5 Amɛyɛ naabu, shi amɛnyɛɛɛ amɛwie;+Amɛyɛ hiŋmɛii hu, shi amɛnaaa nii;
6 Amɛyɛ toii, shi amɛnuuu nii;Amɛyɛ gugɔ hu, shi amɛnyɛɛɛ amɛfu nii;
7 Amɛyɛ niji, shi amɛnyɛɛɛ amɛmɔ nii amli;Amɛyɛ naji hu, shi amɛnyɛɛɛ amɛnyiɛ,+Amɛnyɛɛɛ amɛtswa amɛsɛ̃ŋ hu.+
8 Mɛi ni fee amɛ lɛ baatsɔ tamɔ amɛ nɔŋŋ,+Ni nakai nɔŋŋ mɛi fɛɛ ni kɛ amɛhiɛ fɔ̃ɔ amɛnɔ lɛ hu baatsɔ.+
9 Ao Israel, okɛ ohiɛ afɔ̃ Yehowa nɔ+—Lɛ ji amɛyelikɛbualɔ kɛ amɛtsɛŋ.+
10 Ao Aaron shĩa,+ nyɛkɛ nyɛhiɛ afɔ̃a Yehowa nɔ—Lɛ ji amɛyelikɛbualɔ kɛ amɛtsɛŋ.
11 Nyɛ mɛi ni nyɛsheɔ Yehowa gbeyei, nyɛkɛ nyɛhiɛ afɔ̃a Yehowa nɔ+—Lɛ ji amɛyelikɛbualɔ kɛ amɛtsɛŋ.+
12 Yehowa kaiɔ wɔ, ni ebaajɔɔ wɔ;Ebaajɔɔ Israel shĩa lɛ;+Ebaajɔɔ Aaron shĩa lɛ.
13 Ebaajɔɔ mɛi ni sheɔ Yehowa gbeyei lɛ,Mɛi bibii kɛ mɛi wuji fɛɛ.
14 Yehowa baahã nyɛshwere,Nyɛ kɛ nyɛbii* lɛ fɛɛ.+
15 Yehowa ajɔɔ nyɛ,+Mɔ ni fee ŋwɛi kɛ shikpɔŋ lɛ.+
16 Ŋwɛi lɛ, Yehowa nɔ ni,+Shi ekɛ shikpɔŋ lɛ ehã gbɔmɛi abii.+
17 Mɛi ni egboi lɛ ejieee Yah yi;+Ni nakai nɔŋŋ mɛi ni kpelekeɔ shi kɛyaa he ni yɔɔ diŋŋ* lɛ hu ji.+
18 Shi wɔ, wɔbaajie Yah yi,Kɛjɛ bianɛ kɛmiiya naanɔ.
Nyɛjiea Yah yi!*
Shishigbɛ Niŋmaa
^ Loo “Jeee wɔnɔ ji nɔ ko, Ao Yehowa, jeee wɔnɔ ji nɔ ko.”
^ Hebri sht. ŋm., “nyɛbihii.”
^ Ni ji, gbele mli.
^ Loo “Haleluya!” “Yah” ji gbɛ́i Yehowa lɛ ní afo lɛ kuku.
