“Mla wolo nɛɛ mli wiemɔi lɛ akakpa yɛ odaaŋ, jetsɛremɔ kɛ jenamɔ fɛɛ lɛ, kanemɔ ni ojwɛŋ nɔ, bɔ ni afee ni oye nɔ fɛɛ nɔ ni aŋma yɛ mli lɛ nɔ jogbaŋŋ; ejaakɛ no baahã oye omanye yɛ ogbɛ nɔ, ni obaafee onii yɛ hiɛshikamɔ mli.”

Yoshua 1:8

“Ni amɛtee nɔ amɛkane wolo lɛ, ni ji anɔkwa Nyɔŋmɔ lɛ Mla wolo lɛ, ni amɛgbala mli faŋŋ ni amɛtsɔɔ mli; no hewɔ lɛ, amɛhã maŋbii lɛ nu nɔ ni akaneɔ lɛ shishi.”

Nehemia 8:8

“Gbɔmɔ ni enyiɛɛɛ mɛi fɔji aŋaawoo sɛɛ . . . lɛ yɛ miishɛɛ. Ejaakɛ Yehowa mla lɛ he emii shɛɔ, ni ekaneɔ Nyɔŋmɔ mla lɛ ni ejwɛŋɔ nɔ jetsɛremɔ kɛ jenamɔ. . . . Nɔ fɛɛ nɔ ni efeɔ lɛ yeɔ omanye.”

Lala 1:1-3

“Be ni Filipo joɔ foi yɛ shwiili lɛ he lɛ, enu ni piafonyo lɛ miikane gbalɔ Yesaia wolo lɛ, ni ekɛɛ: ‘Ani oonu nɔ ni okaneɔ lɛ shishi?’ Ni ekɛɛ: ‘Anɔkwa, te mafee tɛŋŋ manu shishi akɛ ja mɔ ko tsɔɔ mi?’”

Bɔfoi 8:30, 31

 “Esui ni anaaa lɛ, ni ji enaanɔ hewalɛ kɛ Nyɔŋmɔ ni eji lɛ, kɛjɛ jeŋbɔɔ mli beebe lɛ anaa faŋŋ, ejaakɛ atsɔɔ nibii ni efee lɛ anɔ ayɔseɔ enɛɛmɛi, ni no hewɔ lɛ, amɛbɛ naajiemɔ ko.”

Romabii 1:20

“Jwɛŋmɔ nibii nɛɛ anɔ; okɛ ohe awo mli kwraa, koni mɛi fɛɛ ana ohiɛyaa lɛ faŋŋ.”

1 Timoteo 4:15

“Nyɛhãa wɔteŋ mɔ fɛɛ mɔ asusua enyɛmi he bɔ ni afee ni wɔteŋ mɔ fɛɛ mɔ akanya enyɛmi koni wɔjie suɔmɔ kpo ni wɔtsu nitsumɔi kpakpai, ni wɔkakpa kpe ni wɔkpeɔ kutuu lɛ.”

Hebribii 10:24, 25

“Kɛ́ hiɛshikamɔ ehia nyɛteŋ mɔ ko lɛ, eya nɔ ebi Nyɔŋmɔ, ejaakɛ ejɛɔ etsui mli ekɛhãa mɛi fɛɛ ni etekeɔ nɔ, ni ewieee mɔ hiɛ, ni abaahã lɛ.”

Yakobo 1:5