Панднома 14:1-35
14 Зани хирадманд хонаашро бино мекунад,+Вале зани аҳмақ онро бо дасти худ вайрон месозад.
2 Касе, ки бо роҳи рост равад, аз Яҳува метарсад,Вале ҳар кӣ бо роҳҳои каҷ равона бошад, аз ӯ нафрат дорад.
3 Забони аҳмақи ҳавобаланд мисли калтак аст,Вале хирадмандро лабонаш нигаҳбонӣ мекунад.
4 Гов набошад, охур тоза аст,Вале бо зӯри буққа ҳосили бисёр ҷамъ мешавад.
5 Шоҳиди боваринок дурӯғ намегӯяд,Вале шоҳиди фиребгар дурӯғи бисёр мебофад.+
6 Нописанд* хирад меҷӯяд, вале намеёбад,Аммо соҳибфаҳм ба осонӣ дониш ба даст меорад.+
7 Аз аблаҳ дур-дур гард,Зеро бар забони ӯ донишро намеёбӣ.+
8 Роҳи ҳушёрро хирад равшан месозад,Вале аҳмақонро аблаҳияшон гумроҳ мекунад*.+
9 Аҳмақ гуноҳро бозича медонад*,+Вале росткорон аз пайи оштиянд.
10 Дил аз ғуссаи худ огоҳ астВа бегона ба шодии он шарик нест.
11 Хонаи бадкорон вайрон мешавад,+Вале хаймаи боинсофон торафт обод мегардад.
12 Роҳе ҳаст, ки ба назари кас рост метобад,+Вале оқибати он марг аст.+
13 Вақти ханда ҳам баъзан дили одам дард мекунадВа шодӣ низ баъзан бо ғам меанҷомад.
14 Каҷдил самари рафтори худро мечашад,+Инсони нек оқибати — амали худро.+
15 Сода ба ҳар гап бовар мекунад,Аммо ҳушёр дониста қадам мемонад.+
16 Хирадманд боэҳтиёт аст ва аз бадӣ дур мешавад,Аблаҳ бошад, беандешаву* худбовар аст.
17 Ҳар кӣ тез ба хашм ояд, беақлӣ мекунад,+Аммо шахси боандешаро бад мебинанд.
18 Насиби сода аблаҳӣ мешавад,Вале бар сари ҳушёр тоҷи дониш мегузоранд.+
19 Бадон пеши некон сар хам хоҳанд кардВа бадкорон пеши дарвозаи росткорон таъзим хоҳанд намуд.
20 Камбағалро ҳатто ёрони худаш бад мебинанд,+Вале пулдор дӯсти бисёр дорад.+
21 Ҳар кӣ аз ёри худ нафрат кунад, гуноҳ мекунад,Аммо касе, ки ба бечора раҳм кунад, хушбахт аст.+
22 Бадандешон, бешак, гумроҳ мешаванд,Вале насиби некандешон вафову меҳри пойдор аст.+
23 Дар ҳар гуна меҳнат фоидае ҳаст,Вале гапи холӣ камбағалӣ меорад.+
24 Тоҷи хирадмандон сарвати онҳост,Аммо аблаҳон ғайр аз аблаҳӣ чизе надоранд.+
25 Шоҳиди ростгӯ ҷони касро халос мекунад,Аммо шоҳиди фиребгарро ҳар як суханаш дурӯғ аст.
26 Тарс аз Яҳува қуввати дил аст,+Он паноҳгоҳи фарзандони туст.+
27 Тарс аз Яҳува чашмаи ҳаёт аст,Он касро аз домҳои марговар нигаҳ медорад.
28 Бузургии подшоҳ дар халқи сершумори ӯст,+Вале ҳокиме, ки зердаст надорад, ҳолаш хароб аст.
29 Пурсабр бисёр рамузфаҳм* аст,+Аммо бетоқат аблаҳияшро нишон медиҳад.+
30 Дили беғам сиҳатии тан аст,Аммо ҳасад* устухонро мепӯсонад.+
31 Ҳар кӣ бечораро фиреб диҳад, Офаридгори ӯро хор мешуморад,+Аммо ҳар кӣ ба камбағал дилсӯзӣ кунад, Ӯро ҷалол медиҳад.+
32 Бадии бадкор сарашро мехӯрад,Вале росткор дар беайбии худ паноҳ меёбад.+
33 Соҳибфаҳм хирадашро намоиш намедиҳад*,+Вале аблаҳон оқилтароширо дӯст медоранд.
34 Росткорӣ халқро сарбаланд мегардонад,+Вале гуноҳ қавмро бадном месозад.
35 Подшоҳ аз ғуломи боандеша розист,+Вале хашми ӯ бар бандаи нанговар аст.+
Поварақҳо
^ Ё «Масхарагар».
^ Ё, эҳтимол, «аҳмақон бо аблаҳияшон дигаронро гумроҳ месозанд».
^ Ё «ҷуброн кардани гуноҳашро камаҳамият мешуморад».
^ Ё «бадқаҳру».
^ Ё «нуктасанҷ; боҳуш».
^ Ё «рашк».
^ Ё «Хирад дар дили соҳибфаҳм қарор аст».