Панднома 10:1-32
10 Пандҳои Сулаймон.+
Писари боақл — шодии падар,+Писари беақл — андуҳи модар.
2 Ганҷе, ки бо бадкорӣ ба даст ояд, суде надорад,Вале росткорӣ аз марг раҳоӣ мебахшад.+
3 Яҳува намегузорад, ки одил гушна монад,+Аммо нафси бадкоронро қонеъ намекунад.
4 Дасти танбал камбағал месозад,+Вале дасти меҳнаткаш сарватманд мекунад.+
5 Писари дурандеш* тобистон ҳосил меғундорад,Вале писари нанговар дар мавсими дарав масти хоб аст.+
6 Баракатҳо бар сари росткор аст,+Вале дар даҳони бадкорон ситам ниҳон аст.
7 Росткорро ба некӣ ёд мекунанд,+Аммо номи бадкор аз байн меравад.+
8 Доно амрҳоро қабул мекунад,+Вале беҳудагӯй таги по мешавад.+
9 Роҳи покрафтор бехатар аст,+Вале каҷрафтор расво мегардад.+
10 Касе, ки маккорона чашмак мезанад, дарду ғам меорад+Ва беҳудагӯй таги по мешавад.+
11 Даҳони росткор чашмаи ҳаёт аст,+Вале дар даҳони бадкор ситам ниҳон аст.+
12 Бадбинӣ ҷанҷол меорад,Вале муҳаббат ҳама гуноҳҳоро рӯпӯш мекунад.+
13 Хирад бар лабони шахси рамузфаҳм* аст,+Вале чӯб барои тахтапушти беақл аст.+
14 Хирадманд донишро азиз медорад,+Вале даҳони аблаҳ ба сараш харобӣ меорад.+
15 Дороии сарватманд шаҳри ҳисордори ӯст,Нодории камбағалон шикасти онҳост.+
16 Амали росткор сӯйи ҳаёт мебарад,Вале самари бадкор — сӯйи гуноҳ.+
17 Ҳар кӣ ба насиҳат гӯш медиҳад, роҳи ҳаёт аст*,Вале касе танбеҳро рад мекунад, дигаронро аз роҳ мезанад.
18 Он кас, ки бадбинияшро пинҳон мекунад, дурӯғгӯй аст+Ва ҳар кӣ овозаи бадро паҳн мекунад, аблаҳ аст.
19 Гап ки бисёр шуд, гуноҳ ёр мешавад,+Вале ҳар кӣ лабонашро бозмедорад, боандеша аст.+
20 Забони росткор мисли нуқраи софу тоза аст,+Вале дили бадкор қадру қимате надорад.
21 Лабони росткор бисёриҳоро раҳнамоӣ мекунад*,+Вале аҳмақон аз беақлӣ мемиранд.+
22 Одамро баракати Яҳува бой мекунад,+Ки бо худ дарду ғам намеорад.
23 Беҳаёгӣ барои аблаҳ дилхушист,Вале хирад барои рамузфаҳм* аст.+
24 Тарсе, ки бадкор дорад, ба сараш меояд,Вале орзуи росткорон ҷомаи амал мепӯшад.+
25 Тундбод ки вазид, бадкор нест мешавад,+Вале таҳкурсии росткор то абад устувор аст.+
26 Танбал барои корфармои худМисли сирко барои дандон ва дуд барои чашмон аст.
27 Тарс аз Яҳува умрро дароз мекунад,+Вале солҳои бадкорон кам мешаванд.+
28 Интизории росткорон шодибахш аст,+Вале умеди бадкорон барбод меравад.+
29 Роҳи Яҳува қалъаест барои беайб,+Вале барои бадкирдорон харобист.+
30 Росткор ҳаргиз фурӯ намеғалтад,+Вале бадкорон дар замин намемонанд.+
31 Даҳони росткор хирад ба бор меорад,Вале забони каҷгуфтор бурида мешавад.
32 Лабони росткор хушгуфториро медонад,Вале бар даҳони бадкорон каҷгуфторист.
Поварақҳо
^ Ё «боандеша».
^ Ё «нуктасанҷ; боҳуш».
^ Ё, эҳтимол, «дар роҳи ҳаёт аст».
^ Ё «мечаронад».
^ Ё «боҳуш».
