စံးထီၣ်ပတြၢၤ ၈၃:၁-၁၈
တၢ်သးဝံၣ်. စီၤအၤစာ်အထါ.+
၈၃ အိ ကစၢ်ယွၤဧၢ, ဝံသးစူၤ အိၣ်ဘှ့ၣ်အိၣ်ဘှီၣ်တဂ့ၤ.+
အိ သ့တၢ်လၢာ်ကစၢ်ဧၢ, အိၣ်ဃိဒိ ဒီးအိၣ်ဂၢၢ်တပၢၢ်တဂ့ၤ.
၂ နဒုၣ်နဒါတဖၣ် တၢထီၣ်တၢလီၤ+ဒီးပှၤလၢအသးဟ့နၤတဖၣ် ထီဒါနၤလံ.
၃ လၢတၢ်ကူၣ်သ့အပူၤန့ၣ် အဝဲသ့ၣ် ကူၣ်ထီၣ်ခူသူၣ်တၢ်လၢ ကမၤဘၣ်ဒိနပှၤဂီၢ်မုၢ်ဒီးအဝဲသ့ၣ် ကူၣ်အၢ ပှၤလၢ နပာ်လုၢ်ပာ်ပှ့ၤအီၤတဖၣ်လီၤ.*
၄ အဝဲသ့ၣ် တဲဝဲလၢ “ဒ်သိးပှၤအံၣ်စရ့လးဖိတဖၣ် အမံၤ ကဘၣ်တၢ်သးပ့ၤနီၣ်ကွံာ်အီၤ လီၤထူလီၤယိာ်အဂီၢ်ကဲ, ပလဲၤမၤဟးဂီၤကွံာ် အဝဲသ့ၣ်ဒီတကလုာ်ဟီ.”+
၅ အဝဲသ့ၣ် ထုးထီၣ်တၢ်ကူၣ်လၢ တၢ်သးတဖျၢၣ်ဃီအပူၤဒီးဖီၣ်လိာ်သးစုလၢ ကထီဒါနၤအဂီၢ်လီၤ.+
၆ ပှၤတဖၣ်န့ၣ်မ့ၢ်ဝဲ ပှၤအဒိၣ်ဖိ, ပှၤယံးၡမၤဧ့လးဖိ, ပှၤမိၤအးဖိ,+ ပှၤဟၤကၢ်ဖိ,+
၇ ပှၤကံးဘလးဖိ, ပှၤဧၣ်မိၣ်ဖိ,+ ပှၤဧမၤလ့းဖိ,ပှၤဖလ့ၡသးဖိ+ ဒီးပှၤစိၢ်ဖိတဖၣ်လီၤ.+
၈ ပှၤအၤၡူၢ်ဖိ+ စ့ၢ်ကီး ပာ်ဖှိၣ်ထီၣ်အသးဒီးအဝဲသ့ၣ်ဒီးပှၤတဖၣ်န့ၣ် ဆီၣ်ထွဲ စီၤလိာ် အစၢၤအသွဲၣ်တဖၣ်လီၤ.*+ (စ့လၤ)
၉ မၤအဝဲသ့ၣ် ဒ်သိးဒီး နမၤ ပှၤမံးဒယၣ်ဖိ+ဒီးမၤအဝဲသ့ၣ် ဒ်သိးဒီး နမၤ စီၤစံစရၤ ဒီးစီၤယၤဘံၣ် လၢထံကျိဖိ ကံၡိၣ်န့ၣ်တက့ၢ်.+
၁၀ အဝဲသ့ၣ် ဘၣ်တၢ်မၤဟးဂီၤအီၤလၢ ဝ့ၢ်ဧ့ၣ်ဒိၢ်+ဒီးအဝဲသ့ၣ် ကဲထီၣ်တၢ်အ့ၣ်တၢ်ဆံၣ် လၢဟီၣ်ခိၣ်အဂီၢ်လီၤ.
၁၁ မၤအပှၤဒိၣ်ပှၤပှၢ် ဒ်သိးဒီးနမၤ စီၤဧိရ့ာ် ဒီးစီၤစအ့ာ်+ဒီးမၤအဝဲသ့ၣ် အပှၤခိၣ်ပှၤနၢ်တဖၣ် ဒ်သိးဒီးနမၤ စီၤစ့ဘၤ ဒီးစီၤစးလမူနၤန့ၣ်တက့ၢ်.+
၁၂ လၢညါ ပှၤသ့ၣ်တဖၣ်အံၤ တဲဝဲလၢ “ကဲ, ပလဲၤမၤန့ၢ် ကီၢ်လၢ ကစၢ်ယွၤ အိၣ်လၢအပူၤန့ၣ်ဟီ.”
၁၃ အိ ယကစၢ်ယွၤဧၢ, မၤလီၤပြံလီၤပြါအဝဲသ့ၣ် ဒ်ဖ့လၢ ကလံၤအူဒံကွံာ်အီၤအသိး+ဒီးဒ်လီၢ်ဘိလၢ ကလံၤအူဒံကွံာ်အီၤအသိးန့ၣ်တက့ၢ်.
၁၄ ဒ်မ့ၣ်အူလၢ အအီၣ်ကွံာ်ဝဲ ပှၢ်ဒီဘ့ၣ်ဒီးဒ်မ့ၣ်အူလၣ်လၢ အအီၣ်လ့ၤကွံာ်ဝဲ ကစၢၢ်ကလိတဖၣ်အသိး+
၁၅ လူၤအဝဲသ့ၣ်လၢ နကလံၤမုၢ်+ဒီးမၤပျံၤအဝဲသ့ၣ်လၢ နကလံၤမုၢ်တက့ၢ်.+
၁၆ အိ ယဟိဝၤယွၤဧၢ, ဒ်သိးအဝဲသ့ၣ် ကဃုနမံၤအဂီၢ်မၤမဲာ်ဆှးအဝဲသ့ၣ်တက့ၢ်.
၁၇ မ်အဝဲသ့ၣ် ဘၣ်တၢ်မၤမဲာ်ဆှးအီၤ ဒီးပျံၤတၢ်လီၤထူလီၤယိာ်တက့ၢ်.
ဒီးမ်အဝဲသ့ၣ် ဘၣ်တၢ်မၤမဲာ်ဆှးအီၤ ဒီးဟးဂီၤကွံာ်ဝဲတက့ၢ်.
၁၈ မ်ပှၤကသ့ၣ်ညါလၢ နမံၤမ့ၢ် ယဟိဝၤ+ဒီးပှၤလၢ အထီကတၢၢ်လၢ ဟီၣ်ခိၣ်ဒီဘ့ၣ်ညါ အဖီခိၣ်န့ၣ် အိၣ်ထဲနၤတဂၤလီၤ.+
တၢ်ဂ့ၢ်အဘျဲၣ်တဖၣ်
^ အခီပညီလိၤလိၤ “ပှၤလၢ အဘၣ်တၢ်ပာ်သဒၢအီၤတဖၣ်.”
^ မ့ၢ်ဝဲ ပှၤမိၤအးဖိ ဒီးပှၤဧၣ်မိၣ်ဖိ.