တၢ်သံကွၢ် ၁
ကစၢ်ယွၤ မ့ၢ်မတဂၤလဲၣ်
“မ်ပှၤကသ့ၣ်ညါလၢ နမံၤမ့ၢ် ယဟိဝၤ ဒီးပှၤလၢ အထီကတၢၢ်လၢ ဟီၣ်ခိၣ်ဒီဘ့ၣ်ညါ အဖီခိၣ်န့ၣ် အိၣ်ထဲနၤတဂၤလီၤ.”
“သ့ၣ်ညါလၢ ယဟိဝၤ မ့ၢ်ကစၢ်ယွၤတက့ၢ်. အဝဲတ့လီၤပှၤ ဒီးပမ့ၢ်အတၢ်လီၤ.”
“ယမ့ၢ် ယဟိဝၤလီၤ. အဝဲန့ၣ် မ့ၢ်ဝဲယမံၤလီၤ. တၢ်လၤကပီၤလၢ ယကြၢးဒိးန့ၢ်ဘၣ်န့ၣ် ယတပျဲလၢ ပှၤအဂၤ ကဒိးန့ၢ်ဘၣ်အီၤ နီတဂၤဘၣ်. ဒီးတၢ်စံးထီၣ်ပတြၢၤ လၢယကြၢးဒိးန့ၢ်ဘၣ်အီၤန့ၣ် ယတပျဲလၢ တၢ်ဂီၤတၢ်ဖှီၣ်တဖၣ် ကဒိးန့ၢ်ဘၣ်ဘၣ်.”
“ပှၤလၢအကိးထီၣ် ယဟိဝၤယွၤအမံၤ ကိးဂၤဒဲးန့ၣ် ကတုၤလၢ တၢ်အုၣ်က့ၤခီၣ်က့ၤလီၤ.”
“ဒီးဟံၣ်ကိးဖျၢၣ်ဒဲးန့ၣ် ပှၤလၢအတ့ထီၣ်အီၤ အိၣ်ဝဲလီၤ. ဘၣ်ဆၣ် ပှၤလၢ အတ့တၢ်ခဲလၢာ်တဂၤန့ၣ် မ့ၢ်ဝဲကစၢ်ယွၤလီၤ.”
“ကျ့ၣ်ထီၣ်သုမဲာ်လၢ မူခိၣ် ဒီးကွၢ်တက့ၢ်. မတဂၤတ့လီၤ ဆၣ်တဖၣ်အံၤလဲၣ်. မ့ၢ်ဝဲ ပှၤတဂၤလၢ အဆှၢထီၣ် ဆၣ်တဖၣ်အံၤ ဒ်သုးမုၢ်တဖုအသိး ဒီးအဝဲဂံၢ်ဝဲ ဆၣ်တဖၣ် ဒီးကိးဝဲလၢအမံၤ ကိးဖျၢၣ်ဒဲးလီၤ. မ့ၢ်လၢ အဝဲအိၣ်ဒီး တၢ်ဂံၢ်တၢ်ဘါ အါအါဂီၢ်ဂီၢ် ဒီးတၢ်စိတၢ်ကမီၤ ဒိၣ်ဒိၣ်မုၢ်မုၢ်အဃိ ဆၣ်တဖၣ် တလီၤမၢ်နီတဖျၢၣ်ဘၣ်.”
You May Also Like
ESSENTIAL BIBLE TEACHINGS
ကစၢ်ယွၤန့ၣ် အမံၤအိၣ်ဧါ
ကစၢ်ယွၤအိၣ်ဒီး အမံၤလၤသၣ်ကပီၤဒီဒူၣ်ညါ. အဒိ သ့တၢ်လၢာ်ကစၢ်, တၢ်ဘၣ်တ့ကစၢ်, ဒီးကစၢ်လီၤ. ဘၣ်ဆၣ် ကစၢ်ယွၤအမံၤနီၢ်ကီၢ်န့ၣ် အိၣ်ဝဲလၢ လံာ်စီဆှံအပူၤ အဘျီ ၇,၀၀၀ ဃၣ်ဃၣ်န့ၣ်လီၤ.
