စံးထီၣ်ပတြၢၤ ၁၀၃:၁-၂၂
စီၤဒၤဝံးအထါ.
၁၀၃ ယသးဧၢ, စံးထီၣ်ပတြၢၤ ယဟိဝၤယွၤတက့ၢ်.
မ်ယစံးထီၣ်ပတြၢၤ အမံၤစီဆှံလၢ ယသးဒီဖျၢၣ်ညါတက့ၢ်.
၂ ယသးဧၢ, စံးထီၣ်ပတြၢၤ ယဟိဝၤယွၤတက့ၢ်.
တၢ်လၢအမၤတ့ၢ်ဝဲတဖၣ်န့ၣ် မ်ယသုတသးပ့ၤနီၣ် နီတမံၤတဂ့ၤ.+
၃ ကစၢ်ယွၤ ပျၢ်ကွံာ် ယတၢ်ကမၣ်ခဲလၢာ်+ဒီးမၤကိညၢ်လီၤက့ၤ တၢ်လၢယဘၣ်တူၢ် ခဲလၢာ်လီၤ.*+
၄ အမၤပူၤဖျဲး ယသးသမူလၢ တၢ်သံ*+ဒီးဒုးဖျီၣ်ထီၣ်ယၤလၢ အတၢ်အဲၣ်လၢအတီ ဒီးအတၢ်သးကညီၤ အခိၣ်သလုးလီၤ.+
၅ လၢယတၢ်အိၣ်မူ ဒီတစိၤန့ၣ် အမၤသးမံယၤလၢ တၢ်ဂ့ၤတဖၣ်+အဃိ ယဂံၢ်ယဘါ* က့ၤဆူၣ်ထီၣ်ကဒါက့ၤ ဒ်လံာ်ကြီကြာ်အသိးလီၤ.+
၆ ယဟိဝၤယွၤ မၤတၢ်တီတီလိၤလိၤ+ ဒီးစံၣ်ညီၣ်န့ၢ်တၢ် တီတီလိၤလိၤလၢပှၤလၢအဘၣ် တၢ်ဆီၣ်တံၢ်မၤနၢၤအီၤတဖၣ် အဂီၢ်လီၤ.+
၇ အဝဲဒုးသ့ၣ်ညါ စီၤမိၤၡ့လၢ အကျဲတဖၣ်+ဒီးအဝဲဒုးသ့ၣ်ညါ ပှၤအံၣ်စရ့လးဖိလၢ တၢ်လၢအမၤဝဲတဖၣ်လီၤ.+
၈ ယဟိဝၤယွၤန့ၣ် အသးကညီၤတၢ်, အသးဂ့ၤ,+တသးဒိၣ်ထီၣ်တၢ် ချ့ချ့ဘၣ် ဒီးအိၣ်ဒီး တၢ်အဲၣ်လၢအတီဒိၣ်မးလီၤ.+
၉ အတတိၢ်နီၣ်ဃာ် ပတၢ်လီၤတူာ်လီၤကာ်တဖၣ် အစိၤစိၤအဃၣ်ဃၣ်ဘၣ်.+
ဒီးအတစၢဃာ်ပတၢ်ကမၣ် လီၤထူလီၤယိာ်ဘၣ်.+
၁၀ အတမၤပှၤ ဒ်ပတၢ်ဒဲးဘးအသိးဘၣ်+ဒီးတဟ့ၣ်ကၣ်က့ၤပှၤ ဒ်တၢ်လၢ ပကြၢးဒိးန့ၢ်ဘၣ်လၢ ပတၢ်ကမၣ်အဃိဘၣ်.+
၁၁ ကစၢ်ယွၤ အတၢ်အဲၣ်လၢအတီလၢ ပှၤလၢအပျံၤအီၤတဖၣ် အဖီခိၣ်န့ၣ် ဒိၣ်ဝဲအါဝဲဒ်မူခိၣ်ထီန့ၢ် ဟီၣ်ခိၣ်အသိးလီၤ.+
၁၂ ကစၢ်ယွၤ ပာ်ယံၤကွံာ် ပတၢ်ကမၣ်ဒီးပှၤ+ဒ်မုၢ်ထီၣ် ယံၤဝဲဒီး မုၢ်နုာ်အသိးလီၤ.
၁၃ ယဟိဝၤယွၤ ပာ်ဖျါထီၣ် တၢ်သးကညီၤလၢ ပှၤလၢအပျံၤအီၤတဖၣ် အဖီခိၣ်+ဒ်ပၢ်တဂၤ ပာ်ဖျါထီၣ် တၢ်သးကညီၤလၢ အဖိတဖၣ် အဖီခိၣ်အသိးလီၤ.
၁၄ ပဘၣ်တၢ်တ့လီၤပှၤဒ်လဲၣ်န့ၣ် ကစၢ်ယွၤ သ့ၣ်ညါဝဲဂ့ၤဂ့ၤ+ဒီးအဝဲသ့ၣ်နီၣ်ထီၣ်က့ၤဝဲလၢ ပမ့ၢ်ဟီၣ်ခိၣ်ကမူၣ်လီၤ.+
၁၅ ပှၤဟီၣ်ခိၣ်ဖိန့ၣ် အတၢ်အိၣ်မူဖုၣ်ဝဲ ဒ်နီၣ်အသိးလီၤ.+
အဝဲလီၤဂာ်ဒ် ဖီဖးထီၣ်လၢ ပျီပူၤအသိးလီၤ.+
၁၆ ဘၣ်ဆၣ် ဖဲကလံၤအူဘၣ်အီၤအခါ အတအိၣ်လၢၤဘၣ်ဒီးလီၤဂာ်ဒ်သိးဒီး အတအိၣ်နီတဘျီဘၣ်.
၁၇ မ့မ့ၢ် ယဟိဝၤယွၤ အတၢ်အဲၣ်လၢအတီန့ၣ် အိၣ်ဂၢၢ်ကျၢၤဝဲလၢပှၤလၢအပျံၤအီၤတဖၣ်+ အဖီခိၣ် လီၤထူလီၤယိာ်လီၤ.
ဒီးအပာ်ဖျါထီၣ် တၢ်သးတီ* လၢအဝဲသ့ၣ် အစၢၤအသွဲၣ်တဖၣ်+
၁၈ လၢအမၤဝဲဒ် အတၢ်အၢၣ်လီၤအီလီၤအသိး+ဒီးမၤထွဲ အတၢ်မၤလိာ် လီၤတံၢ်လီၤဆဲးတဖၣ် အဖီခိၣ်လီၤ.
၁၉ ယဟိဝၤယွၤ ဆီလီၤ အလီၢ်ပစိာ်လၢမူခိၣ် ဂၢၢ်ဂၢၢ်ကျၢၤကျၢၤ+ဒီးအဝဲပၢတၢ်ခဲလၢာ်လီၤ.+
၂၀ ယဟိဝၤယွၤ အမူခိၣ်ကလူးလၢ+ အဂံၢ်ဆူၣ်ဘါဆူၣ် လၢအဒိကနၣ်+ ဒီးမၤထွဲအကလုၢ်သ့ၣ်ဧၢ,စံးထီၣ်ပတြၢၤအီၤတက့ၢ်.
၂၁ ယဟိဝၤယွၤ အသုးမုၢ်ခဲလၢာ်+ လၢအမ့ၢ် အခ့အပှၤတဖၣ်လၢ အမၤအတၢ်ဘၣ်သးသ့ၣ်ဧၢ,+စံးထီၣ်ပတြၢၤအီၤတက့ၢ်.
၂၂ ယဟိဝၤယွၤ အတၢ်ဘၣ်တ့ခဲလၢာ်လၢ အအိၣ်လၢ အတၢ်ပၢဖီလာ်သ့ၣ်ဧၢ,စံးထီၣ်ပတြၢၤအီၤတက့ၢ်.
မ်ယစံးထီၣ်ပတြၢၤ ယဟိဝၤယွၤလၢ ယသးဒီဖျၢၣ်ညါတက့ၢ်.
တၢ်ဂ့ၢ်အဘျဲၣ်တဖၣ်
^ မ့ၢ်စ့ၢ်ကီး “ယတၢ်ဆူးတၢ်ဆါခဲလၢာ်.”
^ အခီပညီလိၤလိၤ “တၢ်ပူၤ.”
^ အခီပညီလိၤလိၤ “သးစၢ်.”
^ မ့ၢ်စ့ၢ်ကီး “တၢ်တီတၢ်လိၤ.”
