တၢ်သံကွၢ် ၁၀
ဘၣ်ဃးဒီး ခါဆူညါန့ၣ် လံာ်စီဆှံ တဲဆိပာ်စၢၤဝဲဒ်လဲၣ်
“ပှၤတီပှၤလိၤ ကန့ၢ်သါဘၣ် ဟီၣ်ခိၣ် ဒီးအဝဲသ့ၣ် ကအိၣ်ဘၣ်ဝဲလၢ ဟီၣ်ခိၣ်ချၢ လီၤထူလီၤယိာ်လီၤ.”
“ဟီၣ်ခိၣ်န့ၣ် အိၣ်ဂၢၢ်ဆိးကျၢၤဝဲ လီၤထူလီၤယိာ်လီၤ.”
“တၢ်ပၢကစၢ် ယဟိဝၤယွၤ ကထွါကွံာ် မဲာ်ထံလၢ ပှၤခဲလၢာ် အမဲာ် ဒီးအဝဲ ကယူၢ်လီၤကွံာ် တၢ်သံ လီၤထူလီၤယိာ်လီၤ.”
“ဖဲန့ၣ်အဆၢကတီၢ် ပှၤလၢအမဲာ်တထံၣ်တၢ်ဘၣ်န့ၣ် ကထံၣ်ထီၣ်က့ၤတၢ် ဒီးပှၤလၢ အတနၢ်ဟူတၢ်ဘၣ်န့ၣ် ကနၢ်ဟူထီၣ်က့ၤတၢ်လီၤ. ဖဲန့ၣ်အဆၢကတီၢ် ပှၤလၢအခီၣ်တဂ့ၤဘၣ် ကစံၣ်ဖုဝဲ ဒ်သိးဒီးတၤဟိ ဒီးပှၤလၢ အတဲတၢ်တသ့ဘၣ်တဂၤ ကကိးပသူထီၣ်လၢ တၢ်သးခုအပူၤလီၤ. လၢပှၢ်မုၢ်ကနၢအပူၤန့ၣ် ထံတဖၣ် ကဟဲဖျိးထီၣ် ဒီးထံကျိဖိတဖၣ် ကအိၣ်လၢ မဲးမုၢ်ပျီလီၤ.”
“ကစၢ်ယွၤကထွါကွံာ် အဝဲသ့ၣ် အမဲာ်ထံခဲလၢာ် ဒီးတၢ်သံတအိၣ်လၢၤဘၣ်. ဒီးတၢ်သူၣ်အုးသးအုးမ့ၢ်ဂ့ၤ, တၢ်ဟီၣ်တၢ်ယၢၤမ့ၢ်ဂ့ၤ, တၢ်လၢအဆါမ့ၢ်ဂ့ၤ တအိၣ်လၢၤဘၣ်. တၢ်အလီၢ်လံၤလၢ အမၤသးအုးတ့ၢ်ပှၤန့ၣ် ဒံကွံာ်ဝဲလံ.”
“ယပှၤဂီၢ်မုၢ် ကတ့ထီၣ်ဟံၣ်တဖၣ် ဒီးကအိၣ်ဝဲလၢ အပူၤလီၤ. ဒီးအဝဲသ့ၣ် ကသူၣ်လီၤ စပံးကျီးတဖၣ် ဒီးကအီၣ်ဝဲ အသၣ်လီၤ. အဝဲသ့ၣ် တတ့ထီၣ်ဟံၣ်လၢ ပှၤဂၤကဟဲအိၣ်ဝဲအဂီၢ်ဘၣ်. အဝဲသ့ၣ် တသူၣ်လီၤ စပံးကျီးတဖၣ်လၢ ပှၤဂၤကဟဲအီၣ်ဝဲအဂီၢ်ဘၣ်. ယပှၤဂီၢ်မုၢ် အသးသမူ ကထီဝဲ ဒ်သိးဒီး သ့ၣ်တထူၣ်အသးသမူထီဝဲ ဒီးပှၤလၢ ယဃုထၢထီၣ်အီၤတဖၣ် ကသူၣ်ဖှံသးညီဝဲ လၢလၢပှဲၤပှဲၤ လၢတၢ်လၢ အဝဲသ့ၣ် မၤဝဲလၢအစုလီၤ.”
