တၢ်သံကွၢ် ၁၈
နရ့ဒီးကစၢ်ယွၤ ဘူးဘူးတံၢ်တံၢ် ကသ့ဒ်လဲၣ်
“အိ ပှၤလၢအဒိကနၣ် တၢ်ထုကဖၣ်တဂၤဧၢ, ပှၤအကလုာ်ကလုာ် ကဟဲလၢနအိၣ်လီၤ.”
“နာ်န့ၢ် ယဟိဝၤယွၤလၢ နသးဒီဖျၢၣ် ဒီးတဘၣ် သန့ၤနသးလၢ နနီၢ်ကစၢ် အတၢ်နၢ်ပၢၢ်တဂ့ၤ. လၢနတၢ်အိၣ်မူ ကိးသနၢၣ်ဒဲးန့ၣ် ဆိကမိၣ်ထံ အတၢ်ထံၣ်တက့ၢ်. ဒီးအဝဲ ကဒုးနဲၣ်နၤ ကျဲလၢအဘၣ်လီၤ.”
“ဒ်သိး ပှၤကန့ၢ်ဘၣ် တၢ်မူအထူအယိာ်အဂီၢ် အဝဲသ့ၣ် ကဘၣ်သ့ၣ်ညါထီၣ်နၤ လၢအမ့ၢ် ကစၢ်ယွၤ အမ့ၢ်အတီထဲ တဂၤဧိၤ ဒီးယ့ၣ်ၡူးခရံာ်လၢ နဆှၢလီၤအီၤ တဂၤန့ၣ်လီၤ.”
“နီၢ်ကီၢ်န့ၣ် ကစၢ်ယွၤ အိၣ်တယံၤဒီး ပဝဲနီတဂၤဘၣ်.”
“ယဆဲးဃ့ထုကဖၣ်လၢ သုတၢ်အဲၣ်တၢ်ကွံ ကဒံးယံာ်ဒံးဒိၣ်ထီၣ် ဃုာ်ဒီးတၢ်သ့ၣ်ညါ လီၤတံၢ်လီၤဆဲး ဒီးတၢ်ပဲာ်ထံနီၤဖးတၢ် သ့ဂ့ၤဂ့ၤလီၤ.”
“ကစၢ်ယွၤသးအိၣ်ဟ့ၣ်ဝဲ ပှၤခဲလၢာ်လၢ တၢ်အါအါဂီၢ်ဂီၢ် ဒီးအတဒူပှၤဘၣ်. အဃိ သုဝဲတဂၤဂၤ မ့ၢ်လိၣ်ဘၣ်အါထီၣ် တၢ်ကူၣ်သ့န့ၣ် မ်အဆဲးဃ့တၢ်လၢ ကစၢ်ယွၤအအိၣ် ဒီးကစၢ်ယွၤ ကဟ့ၣ်လီၤအီၤလီၤ.”
“သုးဘူးသုသးဆူ ကစၢ်ယွၤအအိၣ်တက့ၢ်. ဒီးအဝဲကသုးဘူးအသး ဆူသုအိၣ်လီၤ. ပှၤတၢ်ဒဲးဘးဖိသ့ၣ်ဧၢ, မၤကဆှီထီၣ်သုစုတက့ၢ်. ဒီးပှၤလၢအသးဒ့ဒီသ့ၣ်ဧၢ, မၤကဆှီထီၣ် သုသးတက့ၢ်.”
“တၢ်အဲၣ်ကစၢ်ယွၤ အခီပညီန့ၣ် မ့ၢ်ဝဲပမၤထွဲ အတၢ်မၤလိာ်တဖၣ် ဒီးအတၢ်မၤလိာ်တဖၣ်န့ၣ် တကဲထီၣ် တၢ်ဝံဃၢလၢပဂီၢ်ဘၣ်.”