စံးထီၣ်ပတြၢၤ ၁:၁-၆
၁ ပှၤလၢအတတူၢ်လိာ် ပှၤအၢပှၤသီ အတၢ်ဟ့ၣ်ကူၣ်ဘၣ်,တဆၢထၢၣ်လၢ ပှၤတၢ်ဒဲးဘးဖိ အကျဲဘၣ်+ဒီးတမၤဘၣ်ထွဲအသးဒီး* ပှၤဒုၣ်ဒွဲၣ်တၢ်ဘၣ်န့ၣ်+ ကသးခုဝဲလီၤ.
၂ အဝဲဘၣ်သူၣ်ဘၣ်သး ယဟိဝၤယွၤ အတၢ်သိၣ်တၢ်သီ+ဒီးအဝဲဖးဝဲ ဒီးဆိကမိၣ်ထံဝဲ* ကစၢ်ယွၤ အတၢ်သိၣ်တၢ်သီ လၢမုၢ်ဆါခီ ဒီးလၢမုၢ်နၤခီလီၤ.+
၃ အဝဲကလီၤဂာ် ဒ်သ့ၣ်တထူၣ်လၢ ဘၣ်တၢ်သူၣ်လီၤအီၤလၢ ထံကျိဖိတဖၣ်အနံၤ,သ့ၣ်တထူၣ်လၢ အသၣ်ထီၣ်လၢ အဆၢကတီၢ်ဒၣ်ဝဲလၢအလၣ် တလီၤညွံး လီၤဘဲဘၣ်လီၤ.
ဒီးတၢ်လၢအမၤဝဲခဲလၢာ်န့ၣ် ကကဲထီၣ်လိၣ်ထီၣ်လီၤ.+
၄ မ့မ့ၢ် ပှၤအၢပှၤသီန့ၣ် တမ့ၢ်ဒ်န့ၣ်ဘၣ်.
အဝဲသ့ၣ်န့ၣ် လီၤဂာ်ဒ် ဖ့လၢ ကလံၤအူဒံကွံာ်အီၤ အသိးလီၤ.
၅ အဃိ ဖဲတၢ်စံၣ်ညီၣ်တုၤအခါ ပှၤအၢပှၤသီ တပူၤဖျဲးဘၣ်.+
ဒီးပှၤတၢ်ဒဲးဘးဖိ တဆဲးအိၣ်လၢ ပှၤတီပှၤလိၤ အတၢ်အိၣ်ဖှိၣ် အကျါဘၣ်.+
၆ ယဟိဝၤယွၤ ပာ်လုၢ်ပာ်ပှ့ၤဝဲ ပှၤတီပှၤလိၤ အတၢ်အိၣ်မူအကျဲ+မ့မ့ၢ် ပှၤအၢပှၤသီ အတၢ်အိၣ်မူအကျဲန့ၣ် ကကတၢၢ်ကွံာ်ဝဲလီၤ.+
တၢ်ဂ့ၢ်အဘျဲၣ်တဖၣ်
^ အခီပညီလိၤလိၤ “ဆ့ၣ်နီၤလၢ အဝဲသ့ၣ်အကျါ.”
^ မ့ၢ်စ့ၢ်ကီး “ဖးသီၣ်အီၤလၢ ကလုၢ်ဆံးဆံးဖိ လၢနနီၢ်ကစၢ်.”
