တၢ်သံကွၢ် ၂
နမၤလိ ကစၢ်ယွၤအဂ့ၢ် ကသ့ဒ်လဲၣ်
“လံာ်တၢ်သိၣ်တၢ်သီအံၤ ကဘၣ်အိၣ်လၢ နကိာ်ပူၤထီဘိ ဒီးနကဘၣ်ဖးအီၤ ဒီးဆိကမိၣ်ထံအီၤ လၢမုၢ်ဆါခီဒီးလၢမုၢ်နၤခီ ဒ်သိးနကမၤထွဲ တၢ်ကွဲးအသးခဲလၢာ် လီၤတံၢ်လီၤဆဲးအဂီၢ်လီၤ. နမ့ၢ်မၤဒ်န့ၣ်န့ၣ် နမၤတၢ်ကကဲထီၣ်လိၣ်ထီၣ် ဒီးနကမၤတၢ်လၢ တၢ်ကူၣ်သ့အပူၤလီၤ.”
“အဝဲသ့ၣ်ဆဲးဖးဝဲ ယွၤလၢအမ့ၢ်အတီတဂၤ အလံာ်တၢ်သိၣ်တၢ်သီလၢ အကလုၢ်ဒိၣ်ဒိၣ် ဒီးတဲပၠးဝဲ လီၤတံၢ်လီၤဆဲး ဒီးတဲဖျါထီၣ် တၢ်ကတိၤတဖၣ် အခီပညီ စ့ၢ်ကီးလီၤ. အဝဲသ့ၣ် မၤစၢၤပှၤဂီၢ်မုၢ် ဒ်သိး ကနၢ်ပၢၢ်ထီၣ် တၢ်လၢ အဝဲသ့ၣ် ဖးဝဲန့ၣ်လီၤ.”
“ပှၤလၢအတတူၢ်လိာ် ပှၤအၢပှၤသီ အတၢ်ဟ့ၣ်ကူၣ်ဘၣ် . . . အဝဲဘၣ်သူၣ်ဘၣ်သး ယဟိဝၤယွၤ အတၢ်သိၣ်တၢ်သီ ဒီးအဝဲဖးဝဲ ဒီးဆိကမိၣ်ထံဝဲ ကစၢ်ယွၤ အတၢ်သိၣ်တၢ်သီ လၢမုၢ်ဆါခီ ဒီးလၢမုၢ်နၤခီလီၤ. . . . တၢ်လၢအမၤဝဲခဲလၢာ်န့ၣ် ကကဲထီၣ်လိၣ်ထီၣ်လီၤ.”
“စီၤဖံလံးပူး ဃ့ၢ်ဝဲလၢ လ့ၣ်ကဟၣ်အကပၤ ဒီးနၢ်ဟူ အဝဲဖးသီၣ်ဝဲ ဝံယၡါယၤအလံာ်အဃိ စီၤဖံလံးပူး တဲအီၤလၢ ‘တၢ်လၢနဖးန့ၣ် မ့ၢ်နနၢ်ပၢၢ် အနီၢ်ကီၢ်ဧါ.’ အဝဲတဲဝဲလၢ ‘ပှၤသိၣ်လိယၤ မ့ၢ်တအိၣ်ဘၣ်န့ၣ် ယနၢ်ပၢၢ် ကသ့ဒ်လဲၣ်.’”
“စးထီၣ်လၢ ကစၢ်ယွၤတ့လီၤ ဟီၣ်ခိၣ်လံၤလံၤန့ၣ် အတၢ်ဂ့ၤတၢ်ဝါလၢ ပထံၣ်အီၤ တသ့ဘၣ်တဖၣ်အံၤ အိၣ်ဖျါထီၣ်ဝဲ ပျီပျီလီၤ. ဒီးခီဖျိလၢ တၢ်လၢ အတ့လီၤဝဲတဖၣ်အဃိ ပနၢ်ပၢၢ်လၢ အဝဲမ့ၢ်ပှၤဒ်လဲၣ် တဂၤလဲၣ်, တၢ်စိတၢ်ကမီၤ အထူအယိာ်အဂ့ၢ် ဒီးအပာ်ဖျါထီၣ်စ့ၢ်ကီးလၢ အဝဲမ့ၢ် ကစၢ်ယွၤနီၢ်ကီၢ်လီၤ. လၢတၢ်န့ၣ်အဃိ အဝဲသ့ၣ် တဲပူၤဖျဲးအသး တသ့ဘၣ်.”
“ဆိကမိၣ်ထံ တၢ်ဂ့ၢ်တဖၣ်န့ၣ်ဒီး သးစၢၢ်ဆၢအီၤသပှၢ်တၢၢ် ဒ်သိး နတၢ်လဲၤထီၣ်လဲၤထီ ကအိၣ်ဖျါထီၣ် လၢပှၤခဲလၢာ် အမဲာ်ညါတက့ၢ်.”
“မ်ပဆိကမိၣ်န့ၢ်တၢ်လၢ တဂၤဒီးတဂၤအဂီၢ် ဒ်သိးကထိၣ်ဟူးထိၣ်ဂဲၤထီၣ်လိာ်သး လၢပကပာ်ဖျါထီၣ် တၢ်အဲၣ်တၢ်ကွံ ဒီးတၢ်မၤလၢအဂ့ၤတဖၣ် န့ၣ်တက့ၢ်. မ်ပသုတဟးဆှဲး ပတၢ်အိၣ်ဖှိၣ် . . . တဂ့ၤ.”
“ကစၢ်ယွၤသးအိၣ်ဟ့ၣ်ဝဲ ပှၤခဲလၢာ်လၢ တၢ်အါအါဂီၢ်ဂီၢ် ဒီးအတဒူပှၤဘၣ်. အဃိ သုဝဲတဂၤဂၤ မ့ၢ်လိၣ်ဘၣ်အါထီၣ် တၢ်ကူၣ်သ့န့ၣ် မ်အဆဲးဃ့တၢ်လၢ ကစၢ်ယွၤအအိၣ် ဒီးကစၢ်ယွၤ ကဟ့ၣ်လီၤအီၤလီၤ.”
