Зәбүр 115:1—18
115 Біздің емес, уа, Ехоба, біздің емес,Сенің есімің мадақталсын+.
Өйткені сен адалсың, айнымас сүйіспеншілігің мол+.
2 Халықтарға: “Олардың Құдайлары қайда?”— дегізіп не керек+?
3 Құдайымыз біздің көкте,Ол не қаласа, соны істейді.
4 Ал халықтардың пұттары адам қолымен жасалған алтын мен күміс қана+.
5 Олардың аузы бар, бірақ сөйлей алмайды+,Көздері бар, бірақ көре алмайды.
6 Құлақтары бар, бірақ ести алмайды,Мұрындары бар, бірақ иіскей алмайды.
7 Қолдары бар, бірақ ұстай алмайды,Аяқтары бар, бірақ жүре алмайды+.
Көмейлерінен де дауыс шықпайды+.
8 Осындай пұттарды жасайтындар да+,Оларға арқа сүйейтіндер де дәл солар сияқты болады+.
9 Ей, Исраил, Ехобаға арқа сүйе+,Ол — көмекшің әрі қалқаның+.
10 Ей, Харон үйі+, Ехобаға арқа сүйе,Ол — көмекшің әрі қалқаның.
11 Ехобадан қорқатындар, Ехобаға арқа сүйеңдер+,Ол — көмекшілерің әрі қалқандарың+.
12 Ехоба бізді ұмытпайды, ол бізді жарылқайды,Ол Исраил үйін жарылқайды+,Ол Харон үйін жарылқайды.
13 Ехоба өзінен қорқатындардың бәрін,Ұлығын да, кішігін де* жарылқайды.
14 Ехоба сені өркендетеді,Балаларыңды да өсіріп-өндіреді+.
15 Лайым көк пен жердің Жаратушысы Ехоба+ сендерді жарылқасын+!
16 Көк Ехобаға тиесілі+,Ал жерді ол адам баласына берді+.
17 Өлілер Ехобаны* мадақтамайды+,Қабірде жатқандар да бұлай ете алмайды+.
18 Ал біз бұдан былай мәңгі бақи Ехобаны* мадақтаймыз.
Ехобаны* мадақтаңдар!
Сілтемелер
^ Немесе “үлкенін де, кішісін де”.
^ Сөзбе-сөз “Ях”. Ях — Ехоба деген есімнің қысқа түрі.
^ Сөзбе-сөз “Ях”. Ях — Ехоба деген есімнің қысқа түрі.
^ Сөзбе-сөз “Ях”. Ях — Ехоба деген есімнің қысқа түрі.