Зәбүр 1:1—6
1 Зұлымдардың кеңесімен жүрмейтін,Күнәкарлардың жолына түспейтін+,Мазақтаушылармен бірге отырмайтын+ адам неткен бақытты!
2 Ол Ехобаның* заңынан қуаныш табады+,Оның заңын күні-түні күбірлеп оқиды*+.
3 Ол сулардың жағасына отырғызылған,Мерзімінде жемісін беретін,Жапырақтары еш қурамайтын ағашқа ұқсайды.
Оның әрбір ісі сәтті болады+.
4 Ал зұлымдардың жағдайында бұлай болмайды,Олар жел ұшырып әкететін қауызға ұқсайды,
5 Сондықтан сотталғанда, еш ақтала алмайды+.
Әділдер* арасында күнәкарлар қалмайды+.
6 Өйткені Ехоба әділдердің істерін біледі+,Ал зұлымдар істерімен қоса құрып кетеді+.
Сілтемелер
^ Бұл — Құдайдың есімі. Түсіндірмені қараңыз.
^ Немесе “Оның заңы жөнінде күні-түні ой жүгіртеді”.
^ Яғни Құдайдың талаптарына сай өмір сүретіндер.
