Зәбүр 10:1—18
ל [Ламед]
10 Уа, Ехоба, неге сонша алыстасың?
Қиын шақтарда неге жасырынасың+?
2 Зұлым адам паңдана үмітсіз жанды қудалайды+,Бірақ қулық-сұмдықтарына өзі шырмалады+.
3 Өйткені зұлым арам пиғылына мақтанады+,Ашкөз адамға батасын жаудырады*.
נ [Нун]
Ехобаның абыройын аяқасты қылады.
4 Зұлым тәкаппарланып Құдайды іздемейді,Жатса да, тұрса да: “Құдай жоқ!”— дейді+.
5 Тасы әрқашан өрге домалайды+,Бірақ сенің шешімдеріңді мүлдем ұқпайды+.
Ол жауларының бәрін мазақ етеді,
6 Іштей: “Мені ешкім шайқалта алмайды,Ұрпақтан ұрпаққа пәле де жоламайды”,— дейді+.
פ [Пе]
7 Аузы толған қарғыс, өтірік пен қоқан-лоқы+,Тек қайғы мен қасірет әкеледі айтқан сөзі+.
8 Ауыл сыртында тасаланып торуылдап отырады,Тасада отырып, кінәсіз адамды мерт қылады+.
ע [Аин]
Бейбақ жемтігіне көзін қадайды+,
9 Апанындағы арыстандай тосқауылда отырады+,Қорғансыз жанды ұстап алу үшін күтіп жатады.
Торын тартып, оны қармайды+.
10 Жемтігі мысы құрып, жерге жығылады,Бейшаралар зұлымның тырнағына ілігеді.
11 Зұлым іштей: “Құдай істерімді ұмытты+.
Ол жүзін теріс бұрды, ештеңені аңғармайды”,— дейді+.
ק [Коф]
12 Көтерілші, Ехоба+! Уа, Құдай, қолыңды асқақтатшы+.
Дәрменсіз жандарды ұмыт қалдырмашы+.
13 Неге зұлым адам Құдайды қадірлемейді?
Іштей: “Ол жауапқа тартпайды”,— дейді.
ר [Реш]
14 Бірақ сен қайғыны да, қасіретті де көресің.
Бәрін бақылап, мәселені өз қолыңа аласың+.
Жемтік болған бейбақ өзіңе үміт артады+,Жетім баланың көмекшісі сенсің+.
ש [Шин]
15 Зұлым да залым адамның қолын сындыршы+,Сонда оның зұлым ісін іздегеніңде, бірде-бірін таппайсың.
16 Ехоба — мәңгілік Патша+.
Халықтар жер бетінен құрып кетті+.
ת [Тав]
17 Бірақ сен, уа, Ехоба, момындардың жалбарынған үнін естисің+,Жүректерін нығайтасың+, оларға мұқият құлақ асасың+.
18 Сен жетім мен бейшара үшін әділдік орнатасың+,Сонда топырақтан жаратылған пенде енді қайтып оларды қорқытпайды+.
Сілтемелер
^ Мүмкін: “Ашкөз адам өзін мадақтайды”.