UMBUZO 6
Yini Eyabikezelwa YiBhayibheli NgoMesiya?
ISIPROFETHO
“Nawe Bhetlehema-Efratha, . . . kuwe ngiyophunyelwa ozoba umbusi kwa-Israyeli.”
UKUGCWALISEKA
“Ngemva kokuba uJesu esezelwe eBhetlehema laseJudiya ezinsukwini zikaHerode inkosi, kweza eJerusalema ababhula ngezinkanyezi bevela eMpumalanga.”
ISIPROFETHO
“Zihlukaniselana ngezingubo zami, zenza inkatho ngezingubo zami.”
UKUGCWALISEKA
“Manje lapho amasosha esembethele uJesu esigxotsheni, athatha izingubo zakhe zangaphandle azihlukanisa zaba izingxenye ezine, . . . Kodwa le ngubo yangaphansi yayingenawo umthungo, njengoba yayilukiwe kusukela phezulu kuya phansi. Ngakho athi elinye kwelinye: ‘Masingayidabuli, kodwa masitholeni ngenkatho ukuthi izoba ngekabani.’”
ISIPROFETHO
“Uqapha wonke amathambo akhe; akukho nelilodwa lawo eliphuliwe.”
UKUGCWALISEKA
“Kodwa lapho efika kuJesu, awazange ayiphule eyakhe imilenze, ngoba abona ukuthi wayesefile.”
ISIPROFETHO
“Wahlatshwa ngenxa yesiphambeko sethu.”
UKUGCWALISEKA
“Kodwa elinye lamasosha lamgwaza ohlangothini ngomkhonto, masinyane kwaphuma igazi namanzi.”
ISIPROFETHO
“Banginika inkokhelo yami, izinhlamvu zesiliva ezingu-30.”
UKUGCWALISEKA
“Khona-ke omunye wabayiShumi Nambili, okuthiwa uJuda Iskariyothe, waya kubapristi abakhulu wathi: ‘Nizonginikani ukuze ngimkhaphele kini?’ Bamnqumela izinhlamvu zesiliva ezingu-30.”
