Jabur 23:1-6
Lagu karangan Daud.
23 Yéhuwa téh Pangangon abdi.
Abdi moal kakurangan nanaon.
2 Abdi disina reureuh ku Anjeunna di tegalan nu pinuh ku jukut héjo.
Abdi ditungtun ka tempat istirahat nu loba caina.*
3 Abdi disegerkeun ku Anjeunna.
Abdi ditungtun ka jalan* nu bener supaya nami-Na dihormat.
4 Sanajan leumpang di lebak nu poék mongkléng,Abdi teu sieun cilaka,Lantaran Gusti nyarengan abdi.
Tongkat Gusti ngajaga* abdi.
5 Gusti nyadiakeun tuangeun kanggo abdi di payuneun musuh-musuh abdi.
Sirah abdi disegerkeun ku Gusti nganggo minyak.
Gelas abdi dieusian nepi ka pinuh.
6 Saumur-umur, abdi bakal ngarasakeun kasaéan sareng asih satia Gusti.
Saumur hirup, abdi bakal matuh di bumi-Na Yéhuwa.
Catetan Tambihan
^ Atawa bisa jadi ”nu caina tenang”.
^ As. ”jalan satapak”.
^ Atawa ”nenangkeun haté”.
