Jabur 145:1-21
Pujian Daud.
א [Alef]
145 Abdi badé ngagungkeun Gusti, nun Allah, Raja abdi.
Abdi badé muji nami Gusti pikeun salalanggengna.
ב [Bet]
2 Sadinten jeput abdi badé muji Gusti,Abdi badé muji nami Gusti pikeun salalanggengna.
ג [Gimel]
3 Yéhuwa téh agung jeung layak dipuji,Kaagungana-Na teu kahontal ku akal.
ד [Dalet]
4 Jalma-jalma bakal muji padamelan Gusti ti jaman ka jaman,Maranéhna bakal nyaritakeun padamelan Gusti nu hébat.
ה [He]
5 Maranéhna bakal nyaritakeun kamulyaan jeung kahormatan Gusti,Abdi bakal mikirkeun padamelan Gusti nu kacida hébatna.
ו [Waw]
6 Maranéhna bakal nyaritakeun tindakan* Gusti nu matak tajub,Abdi bakal nguarkeun kaagungan Gusti.
ז [Zayin]
7 Waktu inget kana kasaéan Gusti nu sakitu seueurna, maranéhna terus muji Gusti.
Maranéhna surak gumbira ku lantaran Gusti téh adil.
ח [Khet]
8 Yéhuwa téh karunyaan jeung welas asih, teu gancang ambek jeung nyaahan pisan.*
ט [Tet]
9 Yéhuwa téh bageur ka sadaya ciptaan.
Tina hasil karya-Na, katingal Anjeunna téh karunyaan.
י [Yod]
10 Nun Yéhuwa, sadaya ciptaan bakal ngamulyakeun Gusti.
Hamba Gusti nu satia gé bakal muji Gusti.
כ [Kaf]
11 Maranéhna bakal nguarkeun pamaréntahan Gusti nu mulyaSarta bakal nyaritakeun kakuatan Gusti,
ל [Lamed]
12 Sangkan jalma-jalma tarerangeun kana tindakan Gusti nu hébatSarta pamaréntahan Gusti nu mulya.
מ [Mem]
13 Pamaréntahan Gusti bakal aya salalanggengna,Sarta kakawasaan Gusti bakal terus aya ti jaman ka jaman.
ס [Samekh]
14 Yéhuwa nulungan sadaya jalma nu téréh tigubragSarta nguatkeun sadaya nu kabeungbeurat ku masalah.
ע [Ayin]
15 Sadaya ciptaan ngaharep ka Gusti.
Gusti masihan tuangeun dina waktuna.
פ [Pe]
16 Gusti nyumponan pangabutuh*Sarta nyumponan kahayang sagala mahluk hirup nepi ka puas.
צ [Tsade]
17 Sagala nu dilampahkeun ku Yéhuwa téh bener,Sagala tindakana-Na némbongkeun Anjeunna téh satia.
ק [Qof]
18 Yéhuwa raket ka jalma-jalma nu sasambat ka Anjeunna,Nu sapinuh haté sasambat ka Anjeunna.
ר [Res]
19 Anjeunna nyumponan kahayang jalma-jalma nu hormat* ka Anjeunna.
Anjeunna ngadangukeun waktu maranéhna ménta tulung, seug nyalametkeun maranéhna.
ש [Syin]
20 Yéhuwa bakal ngajaga jalma-jalma nu nyaah ka Anjeunna,Sabalikna nu jahat mah bakal dibinasakeun ku Anjeunna.
ת [Taw]
21 Biwir abdi bakal muji Yéhuwa.
Mugia sadaya jalmi muji nami suci Anjeunna salalanggengna.
Catetan Tambihan
^ Atawa ”kawasa”.
^ Atawa ”jeung jembar ku asih satia”.
^ As. ”Gusti muka panangan Gusti”.
^ As. ”sieun”.
