Jabur 127:1-5
Lagu waktu keur nanjak ka kota. Jabur karangan Sulaéman.
127 Mun lain Yéhuwa nu ngabangun imah,Percumah jalma-jalma tohtohan ngabangunna.
Mun lain Yéhuwa nu ngajaga kota,Percumah terus dijaga ku pangawal gé.
2 Percumah maranéh hudang isuk-isuk,Digawé nepi ka peuting,Sarta banting tulang néangan dahareun,Da Anjeunna nu nyadiakeun pangabutuh jalma-jalma nu dipikanyaah-Na, malah saréna gé disina tibra.
3 Barudak* téh kurnia ti Yéhuwa,Barudak téh anugerah.
4 Barudak nu dilahirkeun waktu bapana ngora kénéh téhLir panah-panah nu dicekel ku jalma nu perkasa.
5 Bagja jalma anu boga loba budak.*
Maranéhna moal diéra-éra ku musuh,Sabab barudakna éta nu bakal ngabéla maranéhna di gerbang kota.
Catetan Tambihan
^ Atawa ”Anak-anak lalaki”.
^ As. ”Bagja jalma anu minuhan kantong panahna ku panah-panah”.
