Esaia 35:1-10
35 Lefeella le sebaka se omeletseng li tla thaba+Le lehoatata le tla thaba ’me le thunye joaloka lipalesa tsa safrone.+
2 Joang kapa joang e tla thunya,+E tla thaba e be e hoeletse e thabile.
E tla fuoa khanya ea Lebanone,+E fuoe botle ba Karmele+ le ba Sharone.+
Ba tla bona khanya ea Jehova, botle ba Molimo oa rona.
3 Matlafatsang matsoho a fokolang’Me le tiise mangole a tšeremang.+
4 E-reng ho ba lipelo li tšoenyehileng:
“E-bang matla. Le se ke la tšoha.
Molimo oa lona o tla iphetetsa,A fane ka kotlo.+
O tla tla ’me a le pholose.”+
5 Ka nako eo, mahlo a lifofu a tla tutuboloha+Le litsebe tsa ba sa utloeng li bulehe.+
6 Ka nako eo, ea holofetseng o tla tlola-tlola joaloka khama,+Ea sa khoneng ho bua o tla hoeletsa a thabile.+
Metsi a tla kolla lefeellengLe melapo e phalle lehoatateng.
7 Sebaka se chesitsoeng ke letsatsi e tla ba letamo le nang le lehlaka,Mobu o nyoriloeng e be liliba tsa metsi.+
Lilaong* tseo liphokojoe li neng li phomola ho tsona+Ho tla ba le joang bo botala, lehlaka le loli.
8 Ho tla ba le tsela e kholo,+E bitsoang Tsela ea Khalalelo.
Motho ea sa hloekang a ke ke a tsamaea ho eona.+
E boloketsoe ea lumeletsoeng ho tsamaea ho eona.
Ha ho mang kapa mang ea se nang kelello ea tla khelohela ho eona.
9 Ho ke ke ha e-ba le tau moo.
Ha ho libata tse bohale tse tla tla ho eona.
Li ke ke tsa fumanoa moo,+Ho tla tsamaea feela ba rekiloeng kholehong.+
10 Ba lopolotsoeng ke Jehova ba tla khutla+ ’me ba tle Sione ka mohoo oa thabo.+
Ba tla roala korone ea thabo ho ea ho ile.+
Ba tla fumana thabo e khaphatsehang le nyakallo,Mesarelo le masisa-pelo e tla ba pale ea maobane.+
Linaletsana
^ E leng moo ho lulang liphokojoe.
