“Uena Bethlehema Efratha, . . . ho uena ho tla hlaha ’musi oa Iseraele.”

Mikea 5:2

“Ka mor’a hore Jesu a hlahele Bethlehema e Judea mehleng ea puso ea Morena Heroda, balepi ba linaleli ba tsoang ka Bochabela ba tla Jerusalema.”

Matheu 2:1

“Ba arolelana liaparo tsa ka, ba lahla lotho bakeng sa liaparo tsa ka.”

Pesaleme ea 22:18

“Ka mor’a hore masole a khokhothele Jesu palong, a nka liaparo tsa hae a li tabola likarolo tse ’nè . . . A nka le seaparo sa hae sa ka hare. Empa sona se ne se se na moroko, se lohiloe ho tloha holimo ho ea tlase. Masole ao a re: ‘A re se keng ra se tabola, re lahle lotho hore re tle re bone hore na e tla ba sa mang.’”

Johanne 19:23, 24

“O lebela masapo ’ohle a hae. Ha ho na le le leng la ’ona le robehileng.”

Pesaleme ea 34:20

“Ha a fihla ho Jesu a bona hore o se a shoele eaba ha a mo robe meomo.”

Johanne 19:33

“O ile a hlajoa ka lebaka la litšito tsa rona.”

Esaia 53:5

“Lesole le leng la mo hlaba lehlakoreng ka lerumo eaba ho tsoa mali le metsi.”

Johanne 19:34

“Ba mpatala moputso oa ka oa likotoana tse 30 tsa silevera.”

Zakaria 11:12, 13

“E mong oa baapostola ba 12 ea bitsoang Judase Iskariota, a ea ho baprista ba baholo a re: ‘Le tla mpha eng ha nka le fa eena hore le mo tšoare?’ Ba mo tšepisa likotoana tsa silevera tse 30.”

Matheu 26:14, 15; 27:5