Нақыл сөздер 19:1—29
19 Жалған сөйлейтін надан болғанша+,Мінсіз жүріп, кедей болған артық+.
2 Білімнің жоқтығы жақсы емес+,Асыққан адам күнә жасар.
3 Өз ақымақтығы адамның жолын бұзар,Сосын жүрегінде Ехобаға ашуланар.
4 Байлық достарды көбейтер,Кедей жалғыз досынан айырылар+.
5 Жалған куәгер жазасыз қалмайды+,Өтірік айтқыш қашып құтыла алмайды+.
6 Беделді* адамға жағынуға көп жұрт әуес,Сый-тарту берушімен бәрі де дос.
7 Кедейді бар ағайыны жек көрер+,Достары одан бетер безіп кетер+,Сұрайын десе, ешкім жоқ жауап қатар.
8 Жүрегіне даналық ұялататын өз жанын жақсы көрер+,Әр нәрсенің парқына баратын жетістікке жетер+.
9 Жалған куәгер жазасыз қалмайды,Өтірік айтқыш құрып жоқ болады+.
10 Наданға шалқып өмір сүру жараспас,Қызметшіге әміршілерді билеу одан бетер жараспас+.
11 Терең түсінік адамды ашуға баяу етер+,Кінәні кешіргені оны тартымды етер+.
12 Патшаның қаһары арыстанның айбарындай+,Ал ықыласы шөпке түскен шықтай.
13 Ақымақ ұл әкесінің басын пәлеге қалдырар+,Ұрысқақ әйел су тамшылаған тесік шатырдай+.
14 Үй мен байлық — әкеден қалатын мұра,Ал ақылды әйел Ехобадан+.
15 Жалқаулық терең ұйқыға батырады,Жайбасардың қарны аш жүреді+.
16 Құдай заңын ұстанатын өз жанын сақтайды+,Ал тура жолға немкетті қарайтын өледі+.
17 Бейшараны қамқорлаған Ехобаға қарыз береді+,Істеген жақсылығы Құдайдан қайтады+.
18 Үміт барда жөнге сал балаңды+,Болма оның өліміне жауапты+.
19 Қызба адам жазасын тартар,Ал оны қорғаштасаң, мұны қайта-қайта істерсің+.
20 Кеңесті тыңда, түзетуді қабылда+,Сонда дана боларсың алдағы уақытта+.
21 Адам жүрегінде көп жоспар құрар,Бірақ Ехобаның ниеті орындалар+.
22 Адамның құндылығы — айнымас сүйіспеншілігі+.
Өтірікші болғаннан жарлы болған жақсы.
23 Ехобадан қорқу өмірге жетелер+,Тыныш ұйқы сыйлап, жамандықтан сақтар+.
24 Жалқау қолын табаққа салар,Бірақ аузына апаруға ерінер+.
25 Мазақтағышты жазала+, аңғырт жанға ақыл кірсін+,Түсінігі барды түзет, білімі арта түссін+.
26 Әкесін жәбірлеп, анасын қуған ұл —Ұяты жоқ, арсыз ұл+.
27 Балам, тәлім-тәрбиені тыңдауды доғарсаң,Білім жолынан таярсың.
28 Оңбаған куәгер әділдікті мазақ етеді+,Зұлымның аузы жамандықты жалмайды+.
29 Мазақтағыш адамға үкім даяр+,Ақымақтың арқасына дүре даяр+.
Сілтемелер
^ Немесе “жомарт”.
