Нақыл сөздер 14:1—35
14 Ақылды әйел шаңырағын нығайтар+,Ақылсыз әйел оны өз қолымен ойран қылар.
2 Тура жолмен жүрген адам Ехобадан қорқады,Қисық жолға түскен оны менсінбейді.
3 Ақымақтың тәкаппар тілі таяқ боп тиер,Ал дананың аузы өзіне қорғаныш болар.
4 Малы жоқ үйдің науасы таза тұрады,Ал бұқаның күшімен мол өнім жиналады.
5 Адал куәгер өтірік айтпайды,Жалған куәгердің әрбір сөзі — өтірік+.
6 Мысқылшыл даналық іздегенмен таппайды,Түсінігі бар адам білімді қағып алады+.
7 Аулақ жүр наданның қасынан,Білім таппассың+ оның аузынан.
8 Парасатты даналықпен өз жолын біледі,Ал ақымақ өз ақымақтығымен адасады*+.
9 Надан қатені мойындауды* күлкі қылар+,Әділ жан татулыққа ұмтылар.
10 Өз қайғысы жүректің өзіне аян,Қуанышын да түсінбес басқа жан.
11 Зұлымның үйі күйрейді+,Әділдің* керегесі кеңейеді.
12 Адамға тура болып көрінетін жол бар+,Бірақ түбінде ол өлімге апарады+.
13 Күлгенде де, жүрек сыздар,Күлкінің соңы қайғыға ұласар.
14 Опасыз өз жолының зардабын тартады+,Жақсы адам іс-әрекетінің жемісін көреді+.
15 Аңғал* әрбір сөзге сенеді,Парасатты әр қадамын ойлап басады+.
16 Дана сақ әрі жамандықтан аулақ,Ақымақ бейқам* әрі өзіне тым сенімді.
17 Ашушаң ақымақтық жасар+,Ойланып-толғанатын жеккөрінішті болар.
18 Аңғалдың* үлесіне ақымақтық тиер,Парасатты білімді басына тәж етіп киер+.
19 Жамандар жақсының алдында бас иер,Зұлымдар әділдің қақпасының алдында тағзым етер.
20 Кедейді тіпті жақын адамы жек көрер+,Ал байдың достары көп болар+.
21 Маңайындағы адамды жақтырмайтын күнә жасайды,Бейшараға жанашырлық танытқан бақытты+.
22 Зұлымдық ойластыратын адаспай ма?!
Игілік ойлайтынға мейірім* мен адалдық танытылар+.
23 Әр бейнеттің зейнеті бар,Құр сөз жоқшылыққа ұшыратар+.
24 Дананың алар тәжі — байлық,Ақымақтың алар үлесі — надандық+.
25 Адал куәгер адамның жанын сақтар,Жалған куәгердің аузынан тек өтірік шығар.
26 Ехобадан қорыққан оған нық сенім артады+,Ал оның балалары пана табады+.
27 Ехобадан қорқу — өмір бұлағы,Адамды өлім тұзағынан сақтайды.
28 Халықтың көптігі — патшаның салтанаты+,Ал оның аздығы — билеушінің күйрегені.
29 Ашуға баяу әр нәрсенің парқын айырады+,Шыдамсыз ақымақтығын паш етеді+.
30 Жүректегі тыныштық тәнге шипа болар,Ал қызғаныш сүйекті шірітер+.
31 Бейшараны алдаған оның Жаратушысын қорлайды+,Жарлыға жанашырлық көрсеткенЖаратқанды мадақтайды+.
32 Зұлымды зұлымдығы құлатар,Әділдің мінсіздігі оған пана болар+.
33 Даналық түсінігі бардың жүрегінде тыныш жатар+,Ал ақымақтардың арасында жария болар.
34 Әділдік халықтың мәртебесін асырады+,Күнә болса елді абыройынан айырады.
35 Патша түсінікпен әрекет ететін қызметшіге риза болады+,Ал арсыз қызметшіге қаһарын төгеді+.
Сілтемелер
^ Мүмкін: “адастырады”.
^ Немесе “түзетуді”.
^ Немесе “тура жүріп-тұратынның”.
^ Немесе “тәжірибесіз”.
^ Немесе “ызақор”.
^ Немесе “тәжірибесіздің”.
^ Немесе “айнымас сүйіспеншілік”.