Нақыл сөздер 17:1—28
17 Жанжалды үйдің мол дастарқанынан* гөрі+
Тыныш* жердегі бірүзім қатқан нан артық+.
2 Түсінігі мол қызметші арсыз ұлды билер,Оның бауырларымен бірге мұра бөлісер.
3 Күмісті ыдыста, алтынды пеште балқытып тазартар+,Ал адамның жүрегін Ехоба тексеріп сынар+.
4 Зұлым зиянды сөзге ден қояр,Арамза залым тілге құлақ түрер+.
5 Бейшараны мазақ еткен оның Жаратушысын қорлайды+,Біреудің бақытсыздығына қуанған жазасыз қалмайды+.
6 Қарттардың тәжі — немерелері,Балалардың мақтанышы — әкелері*.
7 Өрелі сөз ақымаққа жараспас+,Өтірік сөз беделдіге* одан бетер жараспас+.
8 Иесі үшін сый-тарту ұқсайды асыл тасқа+,Қайда барса да, жеткізеді+ оны табысқа.
9 Күнәні кешірген сүйіспеншілік іздейді+,Ал оны айта берген жақын достарды айырады+.
10 Ақымаққа соғылған жүз дүреден гөрі+
Түсінігі барға берілген бір сөгістің әсері зор+.
11 Жаман тек бүлік шығаруды көздейді,Оны жазалауға қатал хабаршы жіберіледі+.
12 Ессіздің надандығына тап болғаннан гөрі+,Қонжығынан айырылған аюға кезіккен артық.
13 Жақсылыққа жамандықпен қайтарғанныңҮйінен жамандық кетпес+.
14 Басталған ұрыс бөгетті бұзған тасқындай,Кетіп қал сол жерден жанжал басталмай+.
15 Зұлымды ақтау, әділді айыптау+ —Екеуі де Ехоба үшін жеркенішті.
16 Наданның дұрыс ниеті* болмаса,Даналыққа жеткізетін мүмкіндіктерінен не пайда+?
17 Нағыз дос әрқашан жақсы көрер+,Ол — бауырың+ қиын шақта арқа сүйер.
18 Парықсыз қол алысып, келісім жасар,Осылай біреу үшін куәгердің алдында кепіл болар+.
19 Жанжалды жақсы көретін күнәні жақсы көреді+,Қақпасын биіктеткен пәле шақырады+.
20 Жүрегі бұзылған игілік көрмейді+,Жалған сөйлейтін жамандыққа ұшырайды.
21 Ақымақ ұл әкесін қайғыға батырар,Ессіз бала әкесін қуаныштан айырар+.
22 Қуанышты жүрек жақсы шипа болар+,Күйреген рух сүйекті қуратар+.
23 Зұлым қойнына тығып пара алар,Осылай әділет жолын бұрмалар+.
24 Даналық түсінігі бардың тура алдында,Ақымақтың көзі жердің түкпір-түкпірінде+.
25 Ақымақ ұл — әкесінің соры,Туған анасының күйініші+.
26 Әділ адамды жазалау* жақсы емес,Қадірлі кісіге дүре соғу дұрыс болмас.
27 Білімді байыппен сөйлер+,Парықты сабыр сақтар+.
28 Үндемесе, ақымақты да дана дер,Сөйлемесе, адам түсінігі бардай көрінер.
Сілтемелер
^ Немесе “татулық бар”.
^ Сөзбе-сөз “құрбандықтарынан”.
^ Немесе “ата-аналары”.
^ Немесе “билеушіге”.
^ Сөзбе-сөз “жүрегі”.
^ Немесе “айыппұл салу”.