Pwovèb 20:1-30
20 Diven fè yon moun aji yon fason ki dwòl+, bwason ki gen alkòl fè yon moun aji san kontwòl+.Moun ki kite yo fè yo pèdi wout yo pa gen sajès+.
2 Lè yon wa fè moun pè* se tankou lè yon lyon* ap gwonde+,Moun ki fè wa a fè kòlè riske pèdi lavi yo+.
3 Se yon onè pou yon moun lè l evite fè kont+.Men, tout moun ki sòt ap tonbe nan kont+.
4 Moun ki parese a pa al travay tè nan sezon fredi.Men, l ap nan mande nan moman rekòt la paske l pap gen anyen pou l viv*+.
5 Lide* yon moun gen nan kè l tankou dlo ki fon.Men, moun ki entèlijan an rale yo met deyò.
6 Anpil moun fè konnen yo gen lanmou ki fidèl lakay yo.Men, kiyès ki ka jwenn yon moun ki fidèl?
7 Moun ki dwat la fidèl nan tout bagay+.Pitit* li yo ap kontan+.
8 Lè wa a chita sou twòn li pou l jije+,Li byen egzamine tout bagay pou l ka fini ak tout sa ki mal+.
9 Kiyès ki ka di: “Mwen netwaye kè m+,Mwen pwòp, mwen pa gen peche ankò+”?
10 Kit se pèz ki pa egzak, kit se fo mezi*,Toule de bay Jewova degoutans+.
11 Menm yon timoun*, aksyon l fè montre kiyès li ye,Yo montre si konduit li pwòp e si konduit li dwat+.
12 Zòrèy pou moun tande a, ak je pou moun wè a,Se Jewova ki fè toule de+.
13 Pinga w renmen dòmi, pou w pa vin pòv+.Ouvri je w, w ap vin gen anpil manje+.
14 Moun k ap achte a di: “Sa a pa bon! Sa a pa bon!”Apre l fin achte, l al gonfle lestomak li pou l fè konnen sa l sot fè a+.
15 Lò gen anpil valè, pakèt koray* gen anpil valè tou.Men, bouch moun ki gen konesans lan gen plis valè toujou+.
16 Pran rad yon moun si l te bay garanti l ap responsab dèt yon etranje+.Pran yon garanti nan men l si se pou yon fi deregle* li te fè sa+.
17 Manje yon moun genyen nan twonpe moun bon nan bouch li,Men, annapre, bouch li ap plen ak gravye+.
18 Kote ki gen dyalòg*, plan yo ap mache*+.Epi, suiv bon direksyon* lè w ap mennen batay ou+.
19 Moun k ap bay manti sou moun ap mache met sekrè lòt moun deyò+.Pinga w fè zanmi ak moun ki renmen fè tripotay*.
20 Moun k ap bay papa l ak manman l madichon,Lanp li ap etenn lè l fè nwa+.
21 Byen moun vin genyen nan fè avaPap fè yo jwenn benediksyon pi devan+.
22 Pa di: “M ap fè yo peye m sa+!”Met espwa w nan Jewova+, e li menm l ap sove w+.
23 Pèz ki pa egzak* bay Jewova degoutans.Epi, fo balans pa bon.
24 Se Jewova k ap montre moun kote pou yo met pye yo+.Ki jan yon moun ka rive konnen wout li*?
25 Se yon pyèj sa ye pou yon moun lè l kouri deklare: “Sa a sakre+!”Epi se apre sa l ap egzamine ve l te fè a+.
26 Yon wa ki gen sajès vannen mechan yo tankou pay+,Epi, li retire yo tankou lè y ap separe grenn ak pay+.
27 Souf yon moun se lanp JewovaK ap klere tout anndan moun nan.
28 Se lanmou ak fidelite ki pwoteje yon wa+.Grasa lanmou ki fidèl, twòn li rete la+.
29 Glwa yon jèn se fòs li+,E se cheve blan yo ki fè granmoun yo bèl+.
30 Blese yon moun genyen anba kout baton ap retire* sa ki mal nan li+.E kout baton netwaye kote ki pi fon nan moun.
Nòt anba paj
^ Oswa: “fè moun gen laperèz”.
^ Oswa: “yon jenn lyon ki gen krinyè”.
^ Se kapab tou: “L ap chèche pandan rekòt la, men li pap jwenn anyen”.
^ Oswa: “Entansyon”. Lit.: “Konsèy”.
^ Lit.: “Pitit gason”.
^ Oswa: “ De pèz an wòch ki pa menm ak de veso pou mezire ki pa menm”.
^ Oswa: “yon tigason”.
^ Gade Lis mo yo esplike yo.
^ Oswa: “yon etranje”.
^ Oswa: “konsèy”.
^ Oswa: “ap vin djanm”.
^ Oswa: “suiv konsèy ki gen sajès”.
^ Oswa: “moun k ap sedui moun ak bouch li”.
^ Oswa: “De pèz an wòch ki pa menm”.
^ Oswa: “konnen kote pou l ale”.
^ Oswa: “dekrase”.