Ишаё 64:1–12
64 Осмонни ёриб, пастга тушсанг эди,Тоғлар олдингда ларзага келарди.
2 Олов шох-шаббани ёндиргани,Аланга сувни қайнатгани сингари,Исминг душманларингга ошкор бўларди,Халқлар олдингда дир-дир титрарди.
3 Сен хаёлимизга келмаган маҳобатли ишлар қилган эдинг+.Пастга тушганингда, олдингда тоғлар ларзага келган эди+.
4 Уни интизор бўлиб кутганлар манфаатини кўзлаб иш қиладиган+,Унга ўхшаш Аллоҳ йўқдир.Азалдан ҳеч ким бундай Худо тўғрисида эшитмаган ҳам, билмаган ҳам.
5 Сен қувонч билан тўғри йўл тутганларни қарши олдинг+,Сени унутмай, йўлларингдан юрганларга ёр бўлдинг.
Аммо биз гуноҳ қилаверганимиздан ғазабландинг+,Чунки биз узоқ вақт гуноҳ қилдик.
Энди омон қолишимизга умид борми?
6 Барчамиз нопок бўлиб қолдик,Бутун одил ишларимиз ҳайз латталари кабидир+.
Барг сингари сўлиб қоламиз,Гуноҳларимиз бизни шамолдай учириб кетади.
7 Исмингни чақирадиган ҳеч ким йўқ,Сенга маҳкам ёпишишга жон куйдирадиган кимса йўқ.Сен юзингни биздан яширдинг+,Гуноҳимиз кучи билан бизни йўқ қилиб юбормоқчисан.
8 Аммо Сен, эй Яҳова, бизнинг Отамизсан+.
Биз гил, Сен эса Кулолимизсан+.Барчамиз қўлларинг ижодимиз.
9 Эй Яҳова, ҳаддан ортиқ ғазабланма+,Гуноҳларимизни абадий эсда сақлаб юрма.
Ўтинамиз, халқинг эканимизни унутма.
10 Муқаддас шаҳарларинг чўлга,
Сион саҳрога,Қуддус харобазорга айланди+.
11 Ота-боболаримиз Сенга ҳамду сано айтганМуқаддас ва улуғвор маъбадимизЁндириб юборилди+.Биз эъзозлаган барча нарса вайронага айланди.
12 Эй Яҳова, буларни кўра туриб, бизга ёрдам қўлини чўзмайсанми?
Сукут сақлаб, қаттиқ азоб чекишимизга йўл қўясанми?+
