Ишаё 61:1–11
61 Олий Ҳукмдор Яҳова менга Ўз руҳини берди+,Яҳова камтарларга хушхабарни эълон этиш учун мени мойлади+.
У мени дили вайронларга шифо бериш учун,Асирларга озод этилиши,Занжирбандларга кўзи очилиши тўғрисида айтиш учун юборди+.
2 Яҳованинг илтифот йили,Тангримизнинг қасос куни ҳақида хабарлаш+,Қайғу чекаётганларнинг барига тасалли бериш учун жўнатди+.
3 Сион учун мотам тутаётганларгаКул ўрнига бош кийим,Аза ўрнига шодлик мойи,Маъюслик ўрнига шараф либосини ато этиш учун юборди.
Улар одиллик дарахтлари,Яҳова Ўзини улуғлаш учун ўтқазган кўчатлари деб аталади+.
4 Улар қадимги харобаларни,Азалдан бўш бўлиб қолган жойларни қайта тиклайди+.Вайрон шаҳарларни+,Насллар оша кимсасиз ётган жойларни қайта барпо этади+.
5 «Мусофирлар келиб, сурувингизни боқади,Бегоналар деҳқонларингизу боғбонларингиз бўлади+.
6 Сиз эса Яҳованинг руҳонийлари деб аталасиз+.Улар сизни Аллоҳимизнинг хизматчилари дейишади.
Сиз халқлар бойликларидан ейсиз+,Уларнинг шон-шуҳрати билан фахрланасиз.
7 Халқим иснод ўрнига икки ҳисса улуш олади.Камситилиш ўрнига эга бўлган улушидан қувонади.
Ҳа, улар ўз юртида икки ҳисса улуш олади+,
Уларга абадий шодлик насиб этади+.
8 Мен, Яҳова, одилликни яхши кўраман+,Талончилигу адолатсизликдан жирканаман+.
Халқимнинг ҳақини садоқат ила бераман,Улар билан абадий аҳд қиламан+.
9 Уларнинг насли миллатлар ичра+,Авлодлари халқлар орасида танилади.
Уларни кўрганларнинг бариЯҳова барака ёғдирган насл шу эканини билади»+.
10 Яҳова чексиз қувончим бўлади.
Бутун вужудим Аллоҳим ила шодланади+.
Зеро, У эгнимга нажот либосини кийдирди+,Мени одиллик камзулига ўради.Бошимга руҳонийникига ўхшаш саллани+ кийган куёвдай,Зеб-зийнат билан безанган келиндай бўлдим.
11 Ер ўсимликларни,Боғ ниҳолларни ўстирганидай,Олий Ҳукмдор Яҳова ҳамБутун халқлар олдида адолату+ ҳамду саноларни етиштиради+.