Ишаё 43:1–28
43 Эй Ёқуб, сенинг Парвардигоринг,Эй Исроил, сенга шакл берган Яҳова+ бундай демоқда:
«Қўрқма, зеро Мен сени тўлов эвазига сотиб олдим+.
Сени исмингни айтиб чақирдим.
Сен Меникисан.
2 Сувлардан ўтсанг, Мен сен билан бўламан+,Дарёлардан ўтсанг, сув остида қолмайсан+.
Оловдан ўтсанг-да, ёнмайсан,Аланга сени куйдирмайди.
3 Чунки Мен Тангринг Яҳоваман,Исроилнинг Муқаддас Худоси, Нажоткорингман.
Сен учун Мисрни тўлов сифатида бердим,Сени Ҳабашистон билан Савога айирбошладим.
4 Сен Мен учун қадрлисан+,Сени ҳурматга лойиқ топдим, сени севдим+.
Шу боис, ўрнингга халқларни,Ҳаётинг эвазига миллатларни бераман.
5 Ваҳимага тушма, Мен сен биланман+.
Зурриётингни* шарқдан олиб келаман,Сени ғарбдан йиғиб оламан+.
6 Шимолга: “Уларни қайтар!”+ — деб айтаман.
Жанубга эса шундай дейман: “Уларни ушлаб турма.
Олисдан ўғилларимни, ернинг чеккаларидан қизларимни+,
7 Исмим билан аталган барчани+,Улуғворлигимни ошкор этсин дея Мен яратган,Шакл берган ва бунёд этган ҳар бир кишини олиб кел”+.
8 Кўзлари бор бўлса-да, кўр,Қулоқлари бор бўлса-да, кар одамларни келтир+.
9 Барча халқлар бир жойга тўплансин,Ҳамма одамлар биргаликда йиғилсин+.
Қани, ораларидан ким буни айтиб бера олади?
Қай бири илк нарсалар* борасида сўзлай олади?+
Ҳақ эканликларини исботлаш учун ўз гувоҳларини чақирсин,
Улар тинглаб: “Бу ҳақиқат!”+ — десин».
10 Яҳова бундай демоқда: «Сизлар Менинг шоҳидларимсиз+,Ҳа, Ўзим танлаган хизматчиларимсиз+.Токи Мени таниб-билиб, Менга ишонинг,Мен ҳамиша Ўша эканимни англаб олинг+.
Мендан олдин ҳам,Мендан кейин ҳам ҳеч қандай Худо бўлмаган+.
11 Мен, Мен Яҳоваман+, Мендан бўлак нажоткор йўқ»+.
12 «Орангизда бегона худо бўлмаганда+,Хабарлаган ҳам, қутқарган ҳам, билдирган ҳам Ўзимман.
Сизлар шоҳидларимсиз,— демоқда Яҳова,— Мен эса Худоман+.
13 Мен доимо Ўша бўлиб қоламан+.Ҳеч ким Менинг қўлимдан ҳеч нимани тортиб ололмайди+.
Ишга киришсам, ким Менга тўсқинлик қила олади?!»+
14 Халоскоринг+, Исроилнинг Муқаддас Худоси Яҳова+ бундай демоқда:
«Сизлар учун уларни Бобилга отлантираман-да, дарвозаларнинг барча сурма зулфинларини буздираман+,Халдейлар ўз кемаларида қайғудан фарёд чекади+.
15 Мен сизларнинг Муқаддас Худойингиз+, Исроилнинг Яратувчиси+, Шоҳингиз Яҳоваман+».
16 Яҳова денгиздан йўл очган,Жўшқин сувлар ичра сўқмоқ бунёд этган+,
17 Жанг араваларию отларни+,Қўшину қудратли жангчиларни олиб чиқадиган Зот шундай демоқда:
«Улар ерга йиқилади-ю, қайтиб турмайди+.
Ёниб битган пиликдай ўчиб қолади».
18 «Аввалги нарсаларни ёдга олманглар,Ўтмиш билан яшаманглар.
19 Мана! Мен янги бир нарса яратяпман+.Бу ҳозирдан амалга ошяпти.
Наҳотки буни кўрмаётган бўлсангиз?
Мен саҳро бўйлаб йўл очаман+,Чўлу биёбонда дарёлар оқизаман+.
20 Даштнинг йиртқич ҳайвонлари,Чиябўрилару туяқушлар Мени шарафлайди.Халқим, Мен танлаганим+, ичсин дея,Мен саҳрода сувлар+,Чўлу биёбонда дарёлар оқизаман.
21 Бу халқни Ўзим учун барпо этдим,Токи улар Менга ҳамду санолар айтсин+.
22 Аммо сен Мени чақирмадинг, эй Ёқуб+,Чунки сен Мендан чарчадинг, эй Исроил+.
23 Менга бутунлай куйдириладиган қурбонлик учун қўйлар келтирмадинг,Қурбонликларинг билан Мени улуғламадинг.
Менга ҳадялар олиб келишга сени мажбурламадим.Хушбўй смола* куйдиришни сўраб, сени безор қилмадим+.
24 Пул сарфлаб Менга муаттар ҳидли қамиш сотиб олмадинг,Қурбонликларинг ёғлари билан Мени хушнуд қилмадинг+.
Аксинча, гуноҳларинг билан Менга юк бўлдинг,Қилмишларинг ила Мени толиқтирдинг+.
25 Мен, Мен Ўз исмим ҳаққи+ гуноҳларингни ўчириб юбораман+,Қилмишларингни ёдга олмайман+.
26 Кел, иккимиз масаламизни ўртага қўяйлик,Ҳақлигингни исботлаш учун далиллар келтир, ёдимга сол.
27 Сенинг илк отанг гуноҳ қилди,Вакилларинг* Менга қарши исён кўтарди+.
28 Шу боис, Мен муқаддас жойдаги бекларни булғайман,Ёқубни ҳалокатга дучор қиламан,Исроил аҳолисини таҳқирланишга маҳкум этаман+.
Изоҳлар
^ Сўзма-сўз «Уруғингни».
^ Эҳтимол, келажакда юз берадиган илк нарсаларга тегишли.
^ Эҳтимол, Қонун ўргатувчилар назарда тутилган.
