Nnwom 86:1-17
Dawid mpaebɔ.
86 O Yehowa, yɛ aso ma me,* na gye me so,Efisɛ m’asɛm yɛ mmɔbɔ na ahia me.+
2 Hwɛ me* so, na meyɛ ɔnokwafo.+
Gye w’akoa a mede me ho ato wo so,Efisɛ wone me Nyankopɔn.+
3 O Yehowa, hu me mmɔbɔ,+Na misu frɛ wo daa nyinaa.+
4 O Yehowa, ma w’akoa* nni ahurusi,Efisɛ wo na mede me werɛ ahyɛ wo mu.*
5 O Yehowa, wuye,+ na wuyi wo yam de bɔne kyɛ;+Wo dɔ a enni huammɔ no dɔɔso ma wɔn a wɔfrɛ wo nyinaa.+
6 O Yehowa, tie me mpaebɔ;Yɛ aso ma me sufrɛ.+
7 Mɛfrɛ wo m’ahohia da,+Na wubegye me so.+
8 O Yehowa, onyame biara nte sɛ wo,+Na obiara nnwuma ne wo de nsɛ.+
9 O Yehowa, aman a woayɛ wɔn nyinaaBɛba abɛkotow w’anim,+Na wɔbɛhyɛ wo din anuonyam.+
10 Efisɛ woyɛ kɛse, na woyɛ anwonwade;+Wone Onyankopɔn, na obiara nka wo ho bio.+
11 O Yehowa, kyerɛkyerɛ me ma minhu wo kwan.+
Mɛnantew wo nokware mu.+
Ma memfa me koma nyinaa nsuro* wo din.+
12 O Yehowa me Nyankopɔn, mede me koma nyinaa beyi wo ayɛ,+Na mɛhyɛ wo din anuonyam akosi daa,
13 Efisɛ ɔdɔ a enni huammɔ a woada no adi akyerɛ me no dɔɔso,Na woagye me* afi Ɔdamoa* mu.+
14 O Onyankopɔn, ahantanfo asɔre atia me;+Atirimɔdenfo dɔm rehwehwɛ me akum me,*Na wɔmfa wo nyɛ hwee.*+
15 Nanso Yehowa, wo de, woyɛ Onyankopɔn a wowɔ mmɔborɔhunu ne ayamhyehye,*Wo bo mfuw ntɛm, wo dɔ a enni huammɔ nni ano, na wo nokwaredi dɔɔso.+
16 Twa w’ani bɛhwɛ me, na dom me.+
Ma w’akoa ahoɔden,+Na w’afenaa ba no, gye no nkwa.
17 Ma minhu wo papayɛ ho sɛnkyerɛnne,*Na ama wɔn a wɔtan me no ahu na wɔn ani awu.
O Yehowa, wo ne me boafo ne me werɛkyekyefo.
Ase Hɔ Nsɛm
^ Anaa “bɔ wo mu ase na tie.”
^ Anaa “Hwɛ me kra.”
^ Anaa “w’akoa kra.”
^ Anaa “mema me kra so kyerɛ wo.”
^ Anaa “Ma me koma mũ, na minsuro.”
^ Anaa “Sheol,” kyerɛ sɛ, adasamma damoa. Hwɛ Nkyerɛkyerɛmu afã hɔ.
^ Anaa “woagye me kra.”
^ Anaa “rehwehwɛ me kra.”
^ Anaa “wɔmfaa wo nsii wɔn ani so.”
^ Anaa “Onyankopɔn mmɔborɔhunufo ne ɔdomfo.”
^ Anaa “adanse.”
